• 3 | Dugh Ihyom ken Ishima You Kera
    Iyoukura (Mgber u Nan Ior Ken Won)—2022 | No. 1

    • Bibilo Kaa Ér:

      “Lu nen a mhen u he, sha er ne gema ne hingir u fan kwagh u a doo Aôndo man u a lumun a mi shi a lu u vough sha ishigh nagh la yô.”—MBAROMA 12:2.

      Inja i Kwagh u Bibilo i Ôr La:

      Kwagh ka a gba Aôndo sha akaa a se henen ken ishima la. (Yeremia 17:10) Gba u se palegh u eren shin ôron ma kwagh u tesen ér se kôr mbagenev ihyom la tseegh tsô se de ga. Ka ken ishima mhen u kôron ior ihyom la ka a hii ye. Nahan, shighe u mhen la a hii u van se ken ishima yô, a gba u se dugh un kera fese je. Saa se er nahan keng ve se “gema” sha mimi, se de u kôron ior ihyom ye.