2. Ka sha igbenda i nyi nahan se fatyô u eren kwagh sha mimi ken uma wase ayange ayange?

Yehova soo ér se ‘ôron kwagh sha mimi, hanma or a orgen.’ (Sekaria 8:16, 17) Inja i kwagh ne ér nyi? Inja na yô, aluer se mba lamen a ior mba hen tsombor wase shin mba se eren tom imôngo shin mba se civir Yehova imôngo gayô mbatomov mba gomoti kpa, mayange se er aie shin se ôr ve kwagh u una tsume a ve ga. Ior mba eren kwagh sha mimi mba iin shin mba nyighen mbagenev ga. (Ôr Anzaakaa 24:28 man Mbaefese 4:28.) Shi mba te hanma kpandegh ku i gbe u vea ta cii. (Mbaroma 13:5-7) Se mba “eren akaa cii sha mimi” sha igbenda ne man igen kpaa.—Mbaheberu 13:18.

Yesu yange tese ér gba u mbadondon un vea “lu ior i tar ne ga.” (Yohane 15:19) Kwagh ne wa u se palegh u wan ave sha akaa patii shin tan ikyaa a ma pati u tar ne kua ityav mbi ior ve nôngon la. Sha mimi yô, ashighe agen ka i taver u eren akaa ne. Alaghga mbagen vea naha se tar sha ci u se venda u wan ave sha akaa a taregh yum. Se er nan ve se palegh u wan ave sha kaa a taregh, se gema se za hemen u civir Yehova Aôndo sha mimi?

1. Mbakristu mba mimi mba nengen ugomoti mba uumace nena?

Mbakristu mba ne gomoti icivir. Sha nahan yô, ka se er kwagh u Yesu kaa ér se “na . . . shisar akaa a a lu a shisar” la. Inja na yô, se mba kor atindi a tar u se lu ker la, er sha kwagh u kpandegh ku tan nahan. (Marku 12:17) Bibilo tese ér ugomoti mba uumace mba hemen sha ci u Yehova na ve ian i hemen. (Mbaroma 13:1) Sha nahan yô, se fa wang ser tahav mbu ugomoti mba uumace la yina sha mbu Aôndo. Nahan se mba suur sha Aôndo ser ka Tartor na u sha la ua sôr mbamzeyol mba orumace ye.

2. Se tese ser se mba we ave sha akaa a taregh ga nena?

Se mba eren pati ga vough er Yesu kpa eren pati ga nahan. Shighe ugen la, ior nenge ivande igen i Yesu er yô, nahan ve soo u nan un tor shin tar ne, kpa Yesu venda. (Yohane 6:15) Er nan ve vendaa? Lu sha ci u kwagh u va ôr ne. A kaa ér: “Tartor wam ka u shin tar ne ga.” (Yohane 18:36) Er se lu mbahenen mba Yesu yô, ka se tese ser se mba we ave sha akaa a taregh ga, sha igbenda kposo kposo. Ikyav i tesen yô, se mba nôngon ityav ga. (Ôr Mika 4:3.) Ka se na akaa agen a nan ma tar icivir er tuta nahan icivir, kpa se mba civir akaa ne ga. (1 Yohane 5:21) Se mba te ikyaa a ma kwe patii shin ma or u nan tile ishangen ga. Ka se tese ser se mba suen gomoti u Aôndo shin Tartor na sha mimi sha igbenda ne kua sha igen kpaa.

HEN KWAGH I ZA SHIMI

3. Mbakristu mba mimi mba we ave sha akaa a taregh ga

Yesu man mbadondon un ver se ikyav i se dondo yô. Ôr Mbaroma 13:1, 5-7 man 1 Peteru 2:13, 14. Shi, nenge VIDIO i i lu heen ne maa lam nen sha mbampin mba ve dondo ne.

VIDIO: Mbakristu mba Mimi Mba We Ave sha Akaa a Taregh Ga—Vegher u sha 1 (4:28)

• Er nan i gbe u se naan ugomoti mba uumace iciviri?

• Ka sha igbenda i nyi nahan se tese ser se mba ungwan ve?

Ka a nôngon ityav yô, ityar igen i senge ér i wa ave sha ityav mbi shon ga, nahan kpa ve gema ve wasen mba ve lu nôngon ityav la. Nahan inja i u palegh u wan ave sha akaa a taregh la jighilii ér nyi? Ôr Yohane 17:16. Shi, nenge VIDIO i i lu heen ne maa lam nen sha mpin u a dondo ne.

VIDIO: Mbakristu mba Mimi Mba We Ave sha Akaa a Taregh Ga—Vegher u sha 2 (3:11)

• Inja i u palegh u wan ave sha akaa a taregh la ér nyi?

Aluer gomoti soo ér u er kwagh u a hendan a tindi u Aôndo nahan, u er nena? Ôr Aerenakaa 5:28, 29. Shi, nenge VIDIO i i lu heen ne maa lam nen sha mbampin mba ve dondon ne.

VIDIO: Mbakristu mba Mimi Mba We Ave sha Akaa a Taregh Ga—Vegher u sha 3 (1:18)

• Aluer tindi u orumace hendan a tindi u Aôndo nahan, ka tindi u an i gbe u se dondo?

• U fatyô u tesen ikyav i môm i kwagh u Mbakristu vea venda u ungwan tindi u gomoti sha mi yôô?

4. De we ave sha kwagh u taregh sha mhen man sha ieren you ga

Ôr 1 Yohane 5:21. Shi, nenge VIDIO i i lu heen ne maa lam nen sha mbampin mba ve dondo ne.

VIDIO: Er i Hii Ve I Gbe u Mbakristu mba Mimi Vea Taver Ishima Yô—Za Hemen u Lun Paleghaa a Tar (2:49)

• Ken vidio la, er nan ve Ayenge a vende ér una nyôr pati ga, shi a venda u eren akaa a civir tar er u sughun tuta nahana?

• U nenge wer yange tsua kwagh u shami?

Ka akaa agen a nyi nahan kpa, u nenge wer alaghga aa na a taver se u palegh u wan ave sha akaa taregha? Nenge VIDIO i i lu heen ne, maa lam nen sha mbampin mba ve dondo ne.

VIDIO: Akaa a Se Hen ken Iyoukura Yô—Za Hemen u Lun Paleghaa a Tar u Mpav a Lu Ker Ne (5:16)

• Se er nan ve se palegh u wan ave sha akaa a taregh shighe u se lu nengen anumbe a ior mba ken ityar kposo kposo ve lu gban gesa?

• Se er nan ve se palegh u wan ave sha akaa a taregh shighe u mbapatii ve tsough kwagh u una bende a vese sha gbenda u dedoo shin u bo?

• Akaa a se ongo sha abaver shin sha ijô i ior mba se lun imôngo a ve la, alaghga aa na a taver se u palegh u wan ave sha akaa taregh nena?

KA NYI U HENE?

Mbakristu ka ve nôngo kwagh kpoghuloo sha er vea palegh u wan ave sha akaa a taregh, sha mhen ve man sha kwaghôron ve kua sha ieren ve yô.

Mbampin mba umbur kwagh u i hen yô

• Gba u se eren kwagh a ugomoti mba uumace nena?

• Er nan i gbe u se palegh u wan ave sha kwagh u patii?

• Ka akaa a nyi nahan alaghga aa na a taver se u palegh u wan ave sha akaa taregha?

SEER HENEN KWAGH

Ka akaa a nyi nahan alaghga a gba u se de aa kar se sha er mayange se wa ave sha akaa a taregh ga?

Mayange Yehova Ngu a Va Se Ahenge Ga (3:14)

Ka nyi icombor ia er sha u wan agoyol tsuaa sha akaa a ia va tagher a mi ve alaghga a taver i u palegh u wan ave sha akaa a taregh laa?

Lu Paleghaa sha Akaa a Taregh hen Ajiir a Ior Ve Lun Yô 4 (4:25)

Er nan ve u or nôngon kwagh sha ci u tar u nan la i lu kwagh u una na nan icivir i hemban cii la ga?

“Aôndo Una Fatyô u Eren Akaa Cii” (5:19)

Hen fa er u lu or u tar ne ga, zum u u lu tsuan tom u uke yô.

“Hanma Or Nana Va Tôô Ikyav Mbi Nan Iyol I Nan” (Iyoukura, Aipor 1, 2006)