Waan Ishima

Kwagh u Yesu Er Yô

VIDIO: Yesu Wa Ishima a Anmgbian Na

1. Nenge VIDIO ne, gayô ôr Yohane 7:3-5 man 1 Mbakorinte 15:3, 4, 7. Maa time sha mbampin mba ve dondo ne:

1. Sha hiihii la anmgbianev mba Yesu er nena sha loho na?

2. Ka nyi i tese ér Yesu yange gba uwer u wasen anmgbian na Yakobu ga?

Ka Nyi Se Hen ken Ikyav i Yesu Nee?

2. Gba u se waan ishima sha ci u ior mbagenev ka ve hemba ngohol loho u dedoo ne fele a mbagenev.

Dondo Ikyav i Yesu

3. Kar gbenda ugen. Aluer or nan lumun u henen Bibilo sha hiihii ga kpa, de kighir nan ga. Ker shighe ugen za tese nan ma vidio gayô ngeren mba ve pase er i doo u nana hen Bibilo la man er kwagh ne una wase nan yô.

4. De tôôn orgen karen sha orgen ga. Ior mba kwagh môm ga. Aluer ka taver or u hen tsombor wou shin or u ú zough a nan ken kwaghpasen la u henen Bibilo shin lumun a ma ityesen i Bibilo yô, nôngo fa ityôkyaa. Nan na jighjigh a ma ityesen i ken kwaghaôndo u nan la kpishi ve i lu taver nan yee? Mba hen tsombor shin mbawanndor mba hendan a nana? Na nan shighe nana hen sha kwagh u ú ôr nan ken Bibilo la shi nana nenge er kwagh shon una wase nan yô.

5. Er msen sha ci u or u nan tese isharen la. Sôn Yehova a wase u sha er u lu a ishimaveren sha kwagh u nan shi u er kwagh sha kwaghfan yô. Sôn Yehova a na u mkav sha er u fa shighe u or nan kera lu a isharen ga la, sha er u de u zan hen nan yô.—1 Kor. 9:26.