Aluer Se Mba Kohol a Mba Se Lu Mbakristu a Ve Imôngo la yô, A Wase Se Nena?

Se mba ze mbamkombo asev mba Mbakristu la hanma shighe cii; ka a gba u se er zende se kar ken ikyô i i we civilii shin se zende ken wuhe je kpa, se bunde ga. Shin er se tagher a mbamtaver ken uma shi ka sea kur tom i vôr se iyol kpishi nahan kpa, er nan ve Mbashiada mba Yehova ka ve nôngo kwagh kpoghuloo, ve kohol a mba ve ne jighjigh a ve imôngo laa?

Mbamkombo mba wasen se. Shighe u Paulu lu ôron kwagh u mba se kohol a ve imôngo ken atôônanongo ase la, a nger ér, se “Wa nen ayol a ase ikyo.” (Mbaheberu 10:24) Kwagh ne tese ér gba kpee u se fa ayol a ase. Nahan mkaanem ma apostoli ne ma taver se ishima ér kwagh u mbagenev a gbaan se ishima. Aluer se fa Mbakristu mbagenev yô, se kav er mbagenev ken a ve ve hembe mbamtaver mba se kpa se lu tagher a mi la yô, nahan vea wase se se hemba mbamtaver asev mba shon.

Mbamkombo mba wasen se u lun a azende a kangenaa. Ka sea za mbamkombo yô, se kohol imôngo vea ior mba se fe ve di tsô ga, kpa ka i lu ior mba se ye ikyar a ve kôôsôô yô. Ashighe agen yô, ka se tema imôngo se er iemberyolough sha gbenda u dedoo. Imba mtemimôngo ne ngu a wase se nena? Kwagh u mbagenev ngu a seer gban se ishima, nahan dooshima u a lu hen atô wase la a hemba taver. Sha nahan yô, shighe u anmgbianev asev mba nomso man mba kasev ve tagher a mbamzeyol yô, ka se kegh iyol u wasen ve, sha ci u se vande yan ikyar a ve kôôsôô yô. (Anzaakaa 17:17) Aluer se mba lun imôngo vea hanma or u ken tiônnongo wase yô, se lu tesen ser se mba ‘alegh a a we ayol a a ikyo vough vough’ yô.—1 Mbakorinte 12:25, 26.

Se mba taver we ishima ser, kôr ijende vea mba ve eren ishima i Aôndo la. U zua a azende ne ken Mbashiada mba Yehova. De lumun wer kwaghmôm a yange u u̱ kohol a vese imôngo ga.

• Ka a inja u se kohol a mbagenev imôngo ken mbamkombo sha ci u nyi?

• Ka hanma shighe u soo wer u za mbamkombo asev, u za fa kwagh wase?