ITYOUGH 24
Ka Unô Ve Lu Mbatyomovo man Ka Nyi Ve Erene?
Yehova soo ér se fa kwagh u tsombor na u sha la. Tsombor na ne wa mbatyomov mba Bibilo i yer ve ér, “ônov mba Aôndo” la kpa ker. (Yobu 38:7) Ka nyi Bibilo i ôr sha kwagh u mbatyomovo? Ka nyi mbatyomov ve erene? Man ka ve cii ve lu ken tsombor u Aôndo la yee?
1. Ka unô ve lu mbatyomovo?
Yehova yange gba mbatyomov cii ve gba tar ye. Ve kpa mba a iyol i ken jijingi er Yehova nahan shi mba sha. (Mbaheberu 1:14) Mbatyomov mba umiliôn umiliôn, shi hanma ve yô nan ngu kposo a ugen. (Mpase 5:11) Mba ‘eren sha imo i Yehova, mba we imo i kwaghôron na ikyo.’ (Pasalmi 103:20) Sha ayange a tsuaa la, Yehova a tindi mbatyomov ashighe agen ér ve za ôr ior loho na shin ve wase gayô ve yima ior nav. Nyian ne kpa, mbatyomov ka ve hemen Mbakristu ve za a ve hen ior mba ve soo u henen kwagh u Aôndo yô.
2. Satan man azôv a na ka unô?
Mbatyomov mbagen yange ve kera za hemen u civir Yehova sha mimi ga. Ortyom u yange hii hemban ato yô, ka “u i yilan ér Diabolo man Satan, u a lu tsughun tar jimin cii la.” (Mpase 12:9) Satan yange soo ér una hemen mbagenev, nahan a mee Adam man Ifa ér ve kpa ve hemba Yehova ato, shi shighe kar yô, a mee mbatyomov mbagen kpaa ve hemba Aôndo ato. Mba yer mbatyomov mba yange ve hemba ato la ér azôv. Yehova yange zenda ve sha, gbihi shin tar, shi una va tim ve kpaa.—Ôr Mpase 12:9, 12.
3. Satan man azôv ka ve nôngo ér vea tsugh se nena?
Satan man azôv mba bumen ior kpishi nyian ne sha akaa a mbaimev shin ahir a eren. Kwagh ne ka ieren i bo i or nôngon ér nana lam a ujijingi la. Ikyav i tesen yô, mbagen ka ve za hen mbaahiriv gayô hen mbatsengan pasen akaa shin ve za kpehe ishor shin ve za hen mba eren akombo. Mbagen ka ve za sôr twer u u kough akombo sha mi yô. Shi ka i tsugh ior kpaa ér vea fatyô u lamen a mbakpenev. Nahan kpa Yehova ta se icin ér: “De ze nen hen mba lamen a ujijingi mba mbakpenev ga, shi de pinen nen mbatsengan pasen akaa kwagh kpaa ga.” (Levitiku 19:31, NWT) A ta se icin ne sha u kuran se sha ikyev i Satan man azôv. Ve cii ka mbaihyomov mba Aôndo, shi ve soo u bulan se kpaa.
HEN KWAGH I ZA SHIMI
Hen fa akaa a dedoo a mbatyomov ve eren la, shi fa er akaa a mbaimev a lu kwaghbo, kua er se kura ayol a ase sha ikyev i Satan man azôv yô.
4. Mbatyomov ka ve wase ior u henen kwagh u Yehova
Mbatyomov mba Aôndo mba ze hen ior mba za pasen ve kwagh ga. Nahan kpa, ka ve hemen mbacivir Aôndo ve za a ve hen ior mba ve soo u henen kwagh u Aôndo yô. Ôr Mpase 14:6, 7, maa lam nen sha mbampin mban:
Er nan i gbe u saa mbatyomov vea wase se ve se pase kwagha?
Doo u u fan er mbatyomov vea fatyô u wasen se u zuan a ior mba i sar ve u fan kwagh u Bibilo kpa? Er nan u ôr nahana?
5. Palegh akaa a mbaimev
Satan man azôv cii ka mbaihyomov mba Yehova. Se kpa ka mbaihyomov asev. Ôr Luka 9:38-42, maa lam nen sha mpin ne:
Ka nyi azôv ka a er ioro?
Se soo ser kwagh a zua se a azôv sha ma gbenda môm ga cii. Ôr Duteronomi 18:10-12, maa lam nen sha mbampin mban:
Ka sha igbenda i nyi nahan azôv ka a nôngo ér aa mee se, aa lamen a vese? Ka akaa ne a han nahan ior ve eren hen ijiir yene?
U nenge wer Yehova venda ahir man akombo kua akaa a mbaimev cii shia shia nahan ka shami? Sha ci u nyi?
Nenge VIDIO i i lu heen ne, maa lam nen sha mbampin mba ve dondo ne.
U nenge wer gur u Palesa yange zer wan na u kwase ken uwe la lu kwaghbo? Sha ci u nyi?
Ka nyi yange gba u Palesa una er sha er azôv a a de u zan un iyolo?
Mbakristu mba mimi ndera hendan a azôv ka kwagh u nyian a mi ga. Ôr Aerenakaa 19:19 man 1 Mbakorinte 10:21, maa lam nen sha mpin ne:
Er nan i gbe hange hange u u nande nyityôkwagh i u lu a mi i i gbe i biishi a kwagh u mbaimev ciilii?
6. Hemba ityav mbi u lu nôngon a Satan man azôv a na la
Ka Satan a lu hemen azôv ye. Kpa gema mbatyomov mba jighjigh mbara yô, ka Yesu, u a lu ortyom u tamen shi i yer un kpaa ér Mikael la, a hemen ve ye. Mikael ngu a tahav nan je? Ôr Mpase 12:7-9, maa lam nen sha mbampin mban:
Mikael vea mbatyomov nav man Satan vea azôv a na yô, ka an nan hembe lun a tahava?
U nenge wer ityôkyaa ngi i mbadondon Yesu vea cia Satan man azôv a na?
U fatyô u nôngon kwagh a Satan man azôv a na hemban ve. Ôr Yakobu 4:7, maa lam nen sha mpin ne:
U kura iyol you sha ikyev i Satan man azôv nena?
IOR MBAGENEV KA VE KAA ÉR: “Ka kwaghbo u gbidyen ugyeem shin nengen ufiim mba ve tese akaa a mbaimev ga. Ka akaa a nan msaanyol di tsô.”
Er nan ve mnenge ve la a lu u bo?
KA NYI U HENE?
Mbatyomov mba jighjigh mba wasen se. Satan man azôv a na ka mbaihyomov mba Yehova, shi ka ve tsughun ior sha akaa a mbaimev.
Mbampin mba umbur kwagh u i hen yô
Mbatyomov mba Yehova mba wasen ior u henen kwagh na nena?
Satan man azôv a na ka unô?
Er nan u soo wer u palegh hanma kwagh u a gbe a biishi a kwagh u mbaimev ciilii?
SEER HENEN KWAGH
Hen fa er i hii ve se fe ser ka Yesu a lu ortyom u tamen u i yer un kpaa ér Mikael la yô.
“Ka An Nan Lu Mikael, Ortyom u Tamen Laa?” (Ngeren u sha Intanet)
Hen fa er Diabolo a lu kpôô kpôô, i lu di ma mnenge shin ieren i bo i se lu a mi ga yô.
Nenge er kwase ugen yange nôngo kwagh kpoghuloo, nahan azôv de u zan un iyol yô.
“A Zua a Kwagh u Na Uma Na Hemba Lun Un a Inja Yô” (Iyoukura, Julai 1, 1993)
Hen fa er Satan a lu bumen ior a kwagh u mbaimev yô.