Ngeren mba Timen sha Mi ken Antakerada u Mkombo u Uma Wase man Tom Wase
OKTOBA 7-13
“Tese Wer U Ngu a Kwaghfan u A Dugh hen Aôndo La”
(Yakobu 3:17) Kpa kwaghfan u a dugh Sha yô, hiihii ka u wang, shi ka u bem kpaa, man u sar sar, man u norom ikyaa ga, a iv a mhôônom ma zungwen kua atam a dedoo, ka u sangen sha dooshima ga man shi u imangeregh kpaa ga.
(Yakobu 3:17) Kpa kwaghfan u a dugh Sha yô, hiihii ka u wang, shi ka u bem kpaa, man u sar sar, man u norom ikaa ga, a iv a mhôônom ma zungwen kua atam a dedoo, ka u sangen sha dooshima ga man shi u imangeregh kpaa ga.
(Yakobu 3:17) Kpa kwaghfan u a dugh Sha yô, hiihii ka u wang, shi ka u bem kpaa, man u sar sar, man u norom ikaa ga, a iv a mhôônom ma zungwen kua atam a dedoo, ka u sangen sha dooshima ga man shi u imangeregh kpaa ga.
Ker Akaainjaa a ken Bibilo
(Yakobu 4:5) Shin ne mba henen ner, ka gbilin tsô icighanruamabera a kaa ér: A penda ishima sha jijingi u A na er a̱ tema ken vese la je zan zan iwuhe i gban kpaa yee?
(Yakobu 4:11, 12, NW) De nen u lamen sha mbagenev, anmgbianev. Or u nan lamen sha anmgbian shin nan ôron anmgbian ijir yô, nan ngu ôron kwagh u hendan a tindi, shi nan ngu puun tindi. Man aluer u ngu puun tindi yô, u ngu or u dondon tindi ga, kpa u ngu or u ôron ijir. 12 Man Orwanatindi kua Orjir ngu môm tseegh, ka un u a lu a tahav mbu yiman man mbu timin la. Kpa we yô, u ngu di nyi ve ka u ôron or u wan ndor a we ijiri?
w97-E 11/15 20-21 ¶8
Jighjigh u Nan Ka A Wase Se Se Lu a Ishimawan shi Se Eren Msen
8 Ka kwaghbo u lamen sha or u se civir Yehova a nan imôngo yô. (Yakobu 4:11, 12, NW) Nahan kpa, mbagenev ka ve puun mba ve lu Mbakristu a ve imôngo la, alaghga ka i lu sha ci u mba a ieren i tesen perapera karen ikyar inya la, gayô ka i lu sha ci u mba kenden a iyol ve sha, sha u ôron akaa a heen mbagenev. (Pasalmi 50:20; Anzaakaa 3:29) Ishember i ken zwa Grika i i gem ér “lamen sha” or la, ngi ôron kwagh u eren a or sha tswam shi i wa u kehen a kwagh gayô wan or aie iyol kpa ker. Kwagh ne ka a na yô, or nan ôr anmgbian u nan ijir sha inja ga. Kpa ka i ‘lam sha’ or shi i ‘hendan a tindi u Aôndo’ nena? Jighilii yô, mbangeren man Mbafarishi yange ve ‘undu tindi u Aôndo,’ ve gema ve lu ôron ior ijir sha atindi a ve. (Marku 7:1-13) Aluer se kpa, se na anmgbian u Yehova a ne nan ibo ga la ibo yô, se lu ‘hendan a tindi u Aôndo’ shi se lu eren isholibo sha u tesen ser tindi shon yina ga zee? Man aluer se mba puun anmgbian wase sha mimi ga yô, se lu kuran tindi u dooshima la ga.—Mbaromanu 13:8-10.
Bibilo i Ôron
(Yakobu 3:1-18) Anmgbianev av, de kera hingir nen mbatesen wuee ga, gadia ne fa er ijir i á ôr se ia hemba taver cii yô. 2 Gadia se cii se mba nenge gbev sha akaa kpishi. Aluer or nana nôngo gbev sha kwaghôron ga yô, nan ngu or u vough je, iyol cii kpaa nana fatyô u kôron i tsaha. 3 Aluer se wa anyinya ulijam ken ijô sha u a̱ ungwa se yô, se kôôm a iyol cii. 4 Nenge, utso kpaa shin er ve kehe man ahumbe a vesen ka a mgbeghan ve nahan kpaa ka i kôôm ve sha annaha kpeghee hanpe ornahan la nan soo cii. 5 Kape nombor kpaa u lu anlyegh u kpeghee kpa u hagher sha uzegembaakaav je la. Nenge anusu kpeghee kpaa ka a nande ingbaikon yô. 6 Nombor kpaa ka usu je, ka ifer i sha won cii. I ver nombor ken alegh a ase, ngu gem ngu hôngor iyol cii, ka u keer usu sha uma wase jimin cii, man u yô, ka shin gehena i tsar u u ker usu ye. 7 Gadia hanma inja i inyamtoho man shi inyon man akaa a kpelan iyav inya man akaa a uma a shin zegemnger cii a fatyô u koson a, aa var ken ya, man i vande koson a nahan sha ishima i or kpaa. 8 Kpa nombor yô, ma or u umace môm nan fatyô u kôôm u ga, ka ifer i memen mayange ga, u iv a megh ku bogh. 9 Ka sha u je ka se wuese Ter, man Aôndo ye, shi ka sha u kpaa ka se wa ior mba i gbe ve sha mlu u Aôndo la ifan ye. 10 Ka ken zwa shon môm môm man iwuese ka i due kua shi ifan i wan kpaa ye. Anmgbianev av, doo u kwagh ne a̱ lu nahan ga. 11 Imbormnger ngi dugh a mngerem ma dedoo man shi mngerem ma barem shin ihura i môm kpa? 12 Anmgbianev av, kon u tur ua fatyô u umen atam a olev shinii, itine i wain ia fatyô u umen atam a turu? Kape mngerem ma barem kpaa, maa fatyô u duen mngerem ma dedoo ga. 13 Ka an ken a ven nan lu or u fan kwagh man or u kaven kwagha? Yô, nana̱ pase ase aeren a nan a sha ishima i legh legh i i lu a kwaghfan la sha zende u nan u dedoo. 14 Kpa aluer nea lu a iwuhe i yuan ken ishima shin u wan kwagh wen ayol a en iko tseegh yô, de te nen ihagh ga, shi de eren nen aie sha kwagh u mimi kpaa ga. 15 Heera yô, ka kwaghfan u a dugh Sha la ga, kpa ka u taregh shi ka u iyolough shi ka u ujijingi mba bov tsô. 16 Gadia her ape iwuhe i lu kua u wan kwagh wou iko tseegh yô, anzughul ban ga, kua shi hanma ieren i dang kpaa. 17 Kpa kwaghfan u a dugh Sha yô, hiihii ka u wang, shi ka u bem kpaa, man u sar sar, man u norom ikaa ga, a iv a mhôônom ma zungwen kua atam a dedoo, ka u sangen sha dooshima ga man shi u imangeregh kpaa ga. 18 Ityamegh ki perapera yô, ka i lôô ki sha bem sha ci u mba ve ker num la.
OKTOBA 14-20
“Lu Nen Uicighanmbaiorov”
(1 Peteru 1:14, 15) De kera geman nen ayol a en sha inja i asaren a tsuaa a ken mlan wen la ga, lu nen er ônov mba wan iko nahan. 15 Kpa ne yô, lu nen uicighanmbaiorov ken mlu wen cii, er Un u A yer ne la A lu icighan nahan.
(1 Peteru 1:16) Gadia i nger ér: Lu nen uicighanmbaiorov, gadia Mo M ngu u Icighan je.
Ker Akaainjaa a ken Bibilo
(1 Peteru 1:10-12) Sha kwagh u myom ne yô, uprofeti mba ve tsengaôron kwagh u mrumun u sha mhôôn u i ver sha ci wen yô, ve tôv un ve time vighe vighe je. 11 Ve lu timen er shin ka hanma shighe shin ka shighe u nanou man Jijingi u Kristu u A lu ken a ve la, A lu tesen sha mimi zum u A tsengapasen atsan a Kristu man iengem i ia dondo sha mi la. 12 I pase ve er, ve lu eren tom sha akaa ne, nahan kpaa lu sha ci ve ayol a ve ga, lu sha ci wen; ka akaa a i lu pasen ne hegen sha ikev i mbara mba ve lu pasen ne Loho u Dedoo sha Icighan Jijingi u i tindi Un A due Sha la. Akaa ne yô, mbatyomov mba Shaav je kpaa, ka saren ve pe gbirin ashe ker.
(1 Peteru 2:25) Gadia ngise ne tsumen er iyôngo nahan kpa hegen yô, ne hide ken Orkuranilev man Orkuran u uuma enev.
it-2-E 565 ¶3
Orkuran
Orkuran u Hemban Cii. A shi nan kpa, 1 Peteru 2:25 ter mkaanem ma ma lu ken Yesaia 53:6 la u ôron kwagh u mba ve ‘tsum er iyôngo’ nahan la, maa Peteru kaa ér: “Ne hide ken Orkuranilev man Orkuran u uuma enev.” A shi nan kpa ka Yehova Aôndo i lu ôron kwagh na ye, sha ci u ior mba Peteru nger ve washika la, tsume lu hen Yesu Kristu ga, kpa gema lu sha ikyev i Yesu i hide a ve hen Yehova Aôndo, u a lu Orkuran u Hemban Cii u ior nav la ye. (Ps 23:1; 80:1; Yer 23:3; Esek 34:12) Shi Yehova ngu orkuran u a sôron se yô. (Ps 17:3) Ashie agen ishember i sôron (zwa Grika, e·pi·sko·peʹ) la ngi i ôron kwagh u ijirôron i Yehova i vihin tsung la, er i yange va a mi sha Yerusalem, u kav shie u ‘i va sha u va sôron’ un ga, sha ayange a mbaapostoli la nahan [zwa Grika, e·pi·sko·pesʹ]. (Lu 19:44) Shin ia fatyô u van a kwagh u doon man mbamtsera, er sha gbaa u ior mba vea wuese Aôndo sha iyange i “una va sôron” ve la nahan [zwa Grika, e·pi·sko·pesʹ].—1Pe 2:12.
Bibilo i Ôron
(1 Peteru 1:1-16) Peteru apostoli u Yesu Kristu ngu sughun ushirmbaiorov mba ve sambe ve lu ken Pontu man Galatia man Kapadoshia man Ashia man shi Bitinia la, ka mba i tsough ve 2 sha mtsengefan u Aôndo, sha mtsegh u sha Jijingi, u zan ken iko i wan man awambe a mishin a Yesu Kristu. I̱ seer ne mrumun u sha mhôôn kua bem wuee. 3 I̱ wuese Aôndo, Ter u Ter wase Yesu Kristu u A mar ne hegh sha mhôônom Nam ma zungwen ma vesen er se̱ lu a ishimaverenkeghen i i lu uma sha mnder u Yesu Kristu shin mbakpenev la, 4 se̱ lu a dyako u hôôn ga, u fisee kpaa ga, u usen tsô kpaa ga, u i koso un Sha sha ci wen, 5 ne mba i kor ne sha agee a Aôndo sha jighjigh u nan, sha u ngohol myom u i kegh iyol i ver a ver u pasen un sha iyange i masetyô yô. 6 Sha kwagh ne yô, ne mba ember kpishi shin er hegen, aluer a gba nahan yô, ameen atô kposo kposo nga vihin ne asema sha anyangem kpeghee. 7 Zenaria u a lu kwagh u saan ishe kpaa ka i kar un sha usu je, nahan mkar u i kar jighjigh wen u nan u a hemba zenaria inja ica la, ka sha u una kuma iwuese man icivir man iengem sha m-ande u Yesu Kristu. 8 A doo ne ishima shin er ne lu a nenge a Na ga je kpaa; ne mba nengen a Na ga nahan kpaa ne mba nan Un jighjigh man ne mba ember tsung sha iember i i gande u ôron i i doo je i hemba. 9 Man ne mba zuan a mkur u jighjigh wen u nan, ka myom u uuma enev je la. 10 Sha kwagh u myom ne yô, uprofeti mba ve tsengaôron kwagh u mrumun u sha mhôôn u i ver sha ci wen yô, ve tôv un ve time vighe vighe je. 11 Ve lu timen er shin ka hanma shighe shin ka shighe u nanou man Jijingi u Kristu u A lu ken a ve la, A lu tesen sha mimi zum u A tsengapasen atsan a Kristu man iengem i ia dondo sha mi la. 12 I pase ve er, ve lu eren tom sha akaa ne, nahan kpaa lu sha ci ve ayol a ve ga, lu sha ci wen; ka akaa a i lu pasen ne hegen sha ikev i mbara mba ve lu pasen ne Loho u Dedoo sha Icighan Jijingi u i tindi Un A due Sha la. Akaa ne yô, mbatyomov mba Shaav je kpaa, ka saren ve pe gbirin ashe ker. 13 Nahan yô, nyôôso nen mfe wen, shi lu nen geng ge geng, ishimaverenkeghen yen i̱ lu sha mrumun u sha mhôôn u i lu van ne a mi sha m-ande u Yesu Kristu la vough. 14 De kera geman nen ayol a en sha inja i asaren a tsuaa a ken mlan wen la ga, lu nen er ônov mba wan iko nahan. 15 Kpa ne yô, lu nen uicighanmbaiorov ken mlu wen cii, er Un u A yer ne la A lu icighan nahan. 16 Gadia i nger er: Lu nen uicighanmbaiorov, gadia Mo M ngu u Icighan je.
OKTOBA 21-27
“Mkur u Akaa Cii Mgbôghom Ve”
(1 Peteru 4:7) Kpa mkur u akaa cii mgbôghom ve; nahan kundu nen ishima shi lu nen geng ge geng kpaa, sha u né fatyô u eren msen yô.
(1 Peteru 4:8) Kwagh u a hembe cii yô, doo nen ayol a en sha gbashima je gadia dooshima cirin asorabo kpishi.
w99-E 4/15 22 ¶3
Er U Fa Myen Wou u ken Jijingi la, shi U Hemba Un Yô
Kwagh u masen yô, za hemen u umbur kwaghwan u sha dooshima u apostoli Peteru ne, ér: “Mkur u akaa cii mgbôghom ve; nahan kundu nen ishima shi lu nen geng ge geng kpaa, sha u né fatyô u eren msen yô. Kwagh u a hembe cii yô, doo nen ayol a en sha gbashima je gadia dooshima cirin asorabo kpishi.” (1 Peteru 4:7, 8) Ka i lu kwagh u ican ga cii, u se den ser mbamyen mba ior mbagen kua mba asev ve nyôr se ken ishima, nahan ve hingir akaa a danen se shin a nan se gbev mbu nôngon. Satan fa myen u orumace ne tsembelee. Môm ken ayom a a fe u eren tsembelee yô, ka u van a mpav sha er una zôhô se yô. Sha nahan yô, gba u se er kwagh fese sha er se cir asorabo la sha u doon ayol a ase sha gbashima sha er se na “diabolo ian” ga yô.—Mbaefese 4:25-27.
(1 Peteru 4:9) Yôron nen ayol a en, kpa de gban nen ahon sha mi ga.
Ker Akaainjaa a ken Bibilo
(1 Peteru 3:19, 20) Lu sha Jijingi kpaa man A za A za ôr ujijingi mba ve lu ken uikyangen la kwaghaôndo ye. 20 Ka ve mba ngise ve lu hemban ato zum u Aôndo lu wan ishima sha ayange a Noa zum u i lu gban tso la, ka ker man ior kpeghee, ka uuma mba iorov anigheni tsô ve war sha mnger ye.
(1 Peteru 4:6) Gadia ka nahan man mbakpenev kpaa i ôr ve Loho u Dedoo sha u á ôr ve ijir ken iyol sha inja i mlu u ior la, kpa ve̱ gema ve̱ lu uma sha inja i mlu u Aôndo la.
Bibilo i Ôron
(1 Peteru 3:8-22) Ken masetyô yô, ne cii lu nen ishima i môm, shi lu nen mbazungwenmhôônom; doo nen ayol a en er ka anmgbianev nahan, lu nen mba mhôônom ma ker ve; shi hide nen a ayol a en ijime kpaa. 9 De kera oron iyev sha ifer ga shi de kera oron iyev sha ityuhwan kpaa ga, kpa gema veren nen a ver ior dedoo, gadia ka sha kwagh ne je i yer ne ye, sha u né ya dyako u iveren i dedoo yô. 10 Gadia: Or u i sar nan pe uma a̱ doo nan ishima man shi sar nan pe nengen ayange a dedoo kpaa yô, nana̱ kura nombor u nan sha u ôron kwagh u ifer, man zwa u nan u̱ de er kwagh u icughugh ga, 11 nana̱ nyagh ifer nana̱ gema nana̱ er kwagh u dedoo, nana̱ ker bem nana̱ zenda un ityô kpaa. 12 Gadia ashe a Ter yô, nga sha mbaperapera shi veren ato sha zamber ve kpaa. Kpa Ter gem tsuhur ishigh sha mba ve eren ifer yô. 13 Aluer ne mba nôngon kpoghuloo sha kwagh u dedoo yô, ka an je nana gema á er ne kwagh u ifer ase? 14 Kpa aluer nea yan ican sha ci u kwagh u perapera kpaa, á saan ne iyol je; de cie nen m-ange ve ga, man ishima i̱ de te ne kwe kpaa ga. 15 Kpa gema tsegha nen Kristu ken asema a en, A̱ lu Ter, waan nen ago iyol veren nen a ver sha u né na imo sha mpin u hanma or u nana pine ne ityôkyaa i ishimaverenkeghen i i lu ken a ven la, kpa i̱ lu sha ishima i legh legh man sha mcie kpaa. 16 Shi lu nen a imo i wang ken ishima sha er kwagh u i lu lamen sha a ven dang dang la je kpaa, ve̱ va ahenge yô, ka ve mba ve lu teren mlu wen u dedoo u ken Kristu sha dang la. 17 Gadia aluer ka ishima i Aôndo u ú ya ican sha shighe u u eren kwagh u dedoo yô, hemba doon a u ú ya ican sha shighe u u eren ifer la. 18 Gadia Kristu kpaa kpe sha ci u asorabo kwa môm, Un Orperapera sha ci u mbaaferev sha u Una va a vese hen Aôndo yô. — Iyol Na yô, i wua i kpa i shi i na Un uma sha Jijingi. 19 Lu sha Jijingi kpaa man A za A za ôr ujijingi mba ve lu ken uikyangen la kwaghaôndo ye. 20 Ka ve mba ngise ve lu hemban ato zum u Aôndo lu wan ishima sha ayange a Noa zum u i lu gban tso la, ka ker man ior kpeghee, ka uuma mba iorov anigheni tsô ve war sha mnger ye. 21 Ma tese ikav sha batisema u ne kpaa ne lu waren sha mi hegen yô; batisema ka u wanger hôngor u sha iyol kera ga, kpa ka msen u sônon Aôndo imo i wanger wanger i ken ishima sha mnder u Yesu Kristu shin ku. 22 A yem Sha, ngu ken uwegh ku yanegh ku Aôndo, i gema mbatyomov mba Shaav man tahav kua agee i wa Un sha ikyev.
OKTOBA 28–NOVEMBA 3
“Keghen mve u Iyange i Aôndo”
(2 Peteru 3:9, 10) Ter ngu eren negh negh sha ityendezwa Na la er mbagenev ve nenge er ngu eren negh negh nahan ga, kpa we ishima a ven, mayange sar Un u mbagenev ve̱ tim ga, kpa ior cii ve̱ gema asema. 10 Kpa iyange i Ter ia va er ormbaiv nahan. Usha vea kar kera sha ihuran ioo, asemaakaa aa hia kera man tar kua ityom i sha u cii kpaa ia hia kera.
(2 Peteru 3:11, 12) Er akaa cii á va sough kera nahan yô, doo u né lu ken icighanmlu man né lu civir Aôndo nana? 12 Er ne keghen mve u iyange i Aôndo, man ne eren sha u i̱ va fefa yô; sha iyange la yô, Usha vea yegh vea saa kera man asemaakaa cii aa hia aa sough kera.
Ker Akaainjaa a ken Bibilo
(2 Peteru 1:19) Se mba a kwaghôron u profeti u a til dông je. Doo u né wa iko sha mi er ka imenger i i wanger ken ijiir i wan ime nahan, zan zan sev mbu kar aven man ishan i sha use kpaa ia due ia kôndo sha ken asema a en yô.
(2 Peteru 2:4) Gadia mbatyomov mba Shaav mba ve er isholibo la kpaa Aôndo tange ve ga, A gbihi ve ken Tartaru ken ahungwa a imegh sha u kuran ve zan zan shighe u ijir ia kuma yô.
Bibilo i Ôron
(2 Peteru 1:1-15) Shimion Peteru, kpan man apostoli u Yesu Kristu, ngu sughun mba ve zough a jighjigh u nan u injaa di er u wase nahan, sha perapera u Yesu Kristu u A lu Aôndo wase man Oryiman wase la. 2 I̱ seer ne mrumun u sha mhôôn kua bem wuee, sha kwaghfan u ne fa Aôndo la man shi Yesu Ter wase kpaa. 3 Gayô agee a Na a sha inja i Aôndo la na se akaa cii a a lu a inja sha uma wase man u civir Aôndo, ka sha mfe u fan Un u A yer se sha iengem Na man agee a Na a hemban la. 4 Ka sha ve kpaa man A na se uityendezwa Nav mba injaav mba tamen mba tamen ye, sha u né gema né nyôr nongo ken mlu u Aôndo sha uityendezwa mbara, né war hôngor u u lu shin tar sha isharen i bo la kera yô. 5 Sha ci u kwagh ne jim yô, nôngo nen ngeghelee je, sha jighjigh wen u nan la, seer nen aeren a dedoo, sha aeren a dedoo la, seer nen kwaghfan; 6 sha kwaghfan la, seer nen u kôron iyol tsaha; sha tsaha u kôron la, seer nen ishima i taver; sha ishima i taver la, seer nen mcivir u civir Aôndo; 7 sha mcivir u civir Aôndo la seer nen u doon a anmgbianev man sha u doon a anmgbianev la yô, seer nen dooshima. 8 Gadia aluer akaa ne aa lu ken a ven man á ngee je, á dumbur yô, aa na er ken mfe u ne fa Ter wase Yesu Kristu la né kera lu gbilin shin mbaumen atam ga, ze. 9 Gadia u nan ban a akaa ne yô, nan ngu ashe pir, nan nengen hen ikyum ikyum tsô, mwanger u i wanger asorabo a nan a ngise la hungur nan kera je. 10 Nahan yô, anmgbianev, shi seer nôngon nen u taver a taver myila u i yila ne la man mtsough u i tsuwa ne la, gadia aluer ne er nahan yô, né kera nôngo gbev mayange ga. 11 Gadia ka nahan man á hemba nan ne u nyôron tartor u tsôron u Yesu Kristu, Ter wase man Oryiman wase enger enger ye. 12 Nahan yô, me ver ishima u umbur ne akaa ne gbem shin er ne fe a nahan kpaa man shi kera je kpaa, ne lu taver ken mimi u a lu ken a ven la. 13 Sha mnenge wam yô, ka vough u me umbur ne akaa me nder ne sha ayange a m hira lu shir ken tenti ne. 14 Gadia m fa myôhôr u tenti wam una va yôhôr ne, kera shi ica ga je, er Ter wase Yesu Kristu kpaa A pasem nahan. 15 Me nôngo tsung sha u me va kar kera yô, hanma shighe né fatyô u umbur akaa ne.
OKTOBA 2019
13 Aluer á va mee ma or yô, nana̱ de kera kaan er ka Aôndo A meem ga, gadia á fatyô u meen Aôndo sha kwagh u ifer ga, man Un yô meen ma or ga.
19 Se fa se due ken Aôndo, kpa tar cii ngu sha ikev i Orbo.
9 Sha ican ve i yan la cii, Un kpaa lu yan ican, man Ortyom u sha ishigh Nagh la kpaa yima ve; sha dooshima Na man mhôônom Nam ma kôron A paa ve, A tôô ve, A yese ve sha ayange a tsuaa la cii.
3:1 Anmgbianev av, de kera hingir nen mbatesen wuee ga, gadia ne fa er ijir i á ôr se ia hemba taver cii yô. 2 Gadia se cii se mba nenge gbev sha akaa kpishi. Aluer or nana nôngo gbev sha kwaghôron ga yô, nan ngu or u vough je, iyol cii kpaa nana fatyô u kôron i tsaha. 3 Aluer se wa anyinya ulijam ken ijô sha u a̱ ungwa se yô, se kôôm a iyol cii. 4 Nenge, utso kpaa shin er ve kehe man ahumbe a vesen ka a mgbeghan ve nahan kpaa ka i kôôm ve sha annaha kpeghee hanpe ornahan la nan soo cii.
5 Kape nombor kpaa u lu anlyegh u kpeghee kpa u hagher sha uzegembaakaav je la. Nenge anusu kpeghee kpaa ka a nande ingbaikon yô. 6 Nombor kpaa ka usu je, ka ifer i sha won cii. I ver nombor ken alegh a ase, ngu gem ngu hôngor iyol cii, ka u keer usu sha uma wase jimin cii, man u yô, ka shin gehena i tsar u u ker usu ye. 7 Gadia hanma inja i inyamtoho man shi inyon man akaa a kpelan iyav inya man akaa a uma a shin zegemnger cii a fatyô u koson a, aa var ken ya, man i vande koson a nahan sha ishima i or kpaa. 8 Kpa nombor yô, ma or u umace môm nan fatyô u kôôm u ga, ka ifer i memen mayange ga, u iv a megh ku bogh. 9 Ka sha u je ka se wuese Ter, man Aôndo ye, shi ka sha u kpaa ka se wa ior mba i gbe ve sha mlu u Aôndo la ifan ye. 10 Ka ken zwa shon môm môm man iwuese ka i due kua shi ifan i wan kpaa ye. Anmgbianev av, doo u kwagh ne a̱ lu nahan ga. 11 Imbormnger ngi dugh a mngerem ma dedoo man shi mngerem ma barem shin ihura i môm kpa? 12 Anmgbianev av, kon u tur ua fatyô u umen atam a olev shinii, itine i wain ia fatyô u umen atam a turu? Kape mngerem ma barem kpaa, maa fatyô u duen mngerem ma dedoo ga. 13 Ka an ken a ven nan lu or u fan kwagh man or u kaven kwagha? Yô, nana̱ pase ase aeren a nan a sha ishima i legh legh i i lu a kwaghfan la sha zende u nan u dedoo. 14 Kpa aluer nea lu a iwuhe i yuan ken ishima shin u wan kwagh wen ayol a en iko tseegh yô, de te nen ihagh ga, shi de eren nen aie sha kwagh u mimi kpaa ga. 15 Heera yô, ka kwaghfan u a dugh Sha la ga, kpa ka u taregh shi ka u iyolough shi ka u ujijingi mba bov tsô. 16 Gadia her ape iwuhe i lu kua u wan kwagh wou iko tseegh yô, anzughul ban ga, kua shi hanma ieren i dang kpaa. 17 Kpa kwaghfan u a dugh Sha yô, hiihii ka u wang, shi ka u bem kpaa, man u sar sar, man u norom ikaa ga, a iv a mhôônom ma zungwen kua atam a dedoo, ka u sangen sha dooshima ga man shi u imangeregh kpaa ga. 18 Ityamegh ki perapera yô, ka i lôô ki sha bem sha ci u mba ve ker num la.
4:1 Ka han man ityav mbi dugh ken a vene? Man shi ka han man iniumsuwen kpaa i dugh hen a vene? Kera ka sha asaren a en a a lu nôngon num ken alegh a en la gaa? 2 Kwagh ka a sar ne, kpa ne mba a kwagh ga. Ne mba tômon ior ku, ne mba gban iwuhe, kpa ne mba fan ityô u zuan a kwagh ga; ne mba nôngon num kua ityav. 3 Ne mba a kwagh ga, sha ci u ne eren msen vough ga yô, ka sha u za vihin sha asaren a en je la. 4 Ne mbadyarev, ne fa er u yan ikar a tar i lu u lun ihom a Aôndo gaa? Nahan yô, or u i sar nan ka lun ikar a tar yô, nan hingir orihom u Aôndo je ve. 5 Shin ne mba henen ner, ka gbilin tsô icighanruamabera a kaa er: A penda ishima sha jijingi u A na er a̱ tema ken vese la je zan zan iwuhe i gban kpaa yee? 6 Kpa ka A na mrumun u sha mhôôn a ngee je a hemba a hemba. Ka nahan man A kaa er: Aôndo hendan kwagh a mba ve gengese ayol, kpa mba ve hir ayol a ve ijime la yô, ne ve mrumun u sha mhôôn. 7 Gema nen ayol a en, na nen sha ikev i Aôndo man hendan nen a diabolo tsô una yevese ne. 8 Kporom nen hen Aôndo, Un kpaa, Una kporom her a ven. Wanger nen ave a en, ne mbaasorabo, man shi kile nen asema a en, ne mba asema a lu ne ahar ne. 9 Lu nen kusususu, zungwe nen, vaa nen. Ahan a en la a̱ gema a̱ hingir ijungwen, iember yen kpaa, i̱ hingir iuren. 10 Hire nen ayol a en ijime sha ishigh ki Ter man Una kende ne sha ye. 11 Anmgbianev, de er nen kwagh dang sha ayol a en ga. 12 Un u A we atindi, man shi Un u A lu Orjir ngu môm tsô, ka Un u A lu a tahav mbu yiman man shi tahav mbu timin kpaa ye. Kpa we yô, u ngu di nyi ve u gbe nan or u nan we ndor a we la ibo tsôô? 13 Man ne mba ne kaan ner, nyian shin kper sé za ken gar ngura, sé za tema heera inyom i môm sé er kasua sé zua a mtsera; 14 ne mba kper tsô kpaa ne kera fe er uma wen una lu ga ne. Gadia ne mba tulugh u ka a due i nenge a mi sha ashe kpeghee maa a shi a sambe kera ne. 15 Ma ne kaa ner: Aluer Ter Una rumun yô, se lu uma, sé er nahan, shin nahan. 16 Kpa hegen yô, ne mba tan ihagh sha imbwase yen i kaan. Imbaihagh ne cii ka ifer je. 17 Nahan yô, or u nan fe u eren dedoo kpa nan kera er nahan ga yô, hingir isholibo je nan er ye.
5:1 Man ne mbanyarev yô, vaa nen, ngor nen kwelegh sha akaa a vihin a aa va tser ne la. 2 Inyarev yenev hôô ve, akondo a en kpaa ivina ndiar a ve. 3 Zenaria wen kua azurfa wen ta nduran ve, man duran ve la ua er ne shiada u bo ua hia ayol a en er ka usu nahan je. Ne mba ombon akaa, man ka ayange a masetyô je. 4 Nenge mba ve yar sunda ken ishule yen yô, injar ve i ne ya la ngi genger imo. Ivaa i mbasundan kpaa i nyôr ken ato a Ter u akum a Sha. 5 Ishar haa ne iyol sha won, ne mba gbe yan akaa sha asaren a en tsô, ne koso asema a en je a kehe er ka sha ci u iyange i i ver sha u sôngon la. 6 Ne gba kuran kwagh u orperapera dang tsô ne wua un je, kera ngu hendan a ven ga. 7 Nahan anmgbianev, wa nen ishima zan zan m-ande u Ter. Nenge orsule ka nan kegh iyiagh ki taregh ki injaagh, nan wa ishima a mi zan zan ura u he man shi u masetyô u nôô sha mi. 8 Ne kpaa, wa nen ishima nahan, taver nen asema a en gadia m-ande u Ter mgbôghom ikua ikua je. 9 Anmgbianev, de gbe nen ahon ayol a en ga sha u i̱ de ne ne ibo ga yô. Nenge, Orjir va, ngu tilen sha hunda. 10 Uprofeti mba ve lu ôron kwagh ken iti i Ter yô, ve̱ lu ne ikav sha ican i yan man ishima i wan kpaa. 11 Mba ve taver ishima yô, ka se yila ve ser, mba i saan ve iyol. Ne ungwa er Yobu a taver ishima yô, man shi ne nenge mkur u Ter kure kwagh na yô, mhôônom ma ker Ter man shi zungu mhôônom kpaa. 12 Kpa kwagh u a hembe cii yô, anmgbianev av, de bumun nen ga, shin a lu sha kwavaôndo shin a lu sha tar shin mbum ugen kpaa ga, kpa een wen yô, a̱ lu een man ei wen kpaa shi a̱ lu di ei je, sha u né va gba ken ibo i yan ga yô. 13 Ican i tser ma orgen ken a vene? Yô, nana̱ er msen. Orgen nan ngu saan saana? Yô, nana̱ wa icam i iember. 14 Orgen ken a ven nan ngu uangeaa? Nana̱ yila mbatamen mba nongo u Kristu, ve̱ er msen sha ci u nan, ve̱ shighe nan mkurem ken iti i Ter. 15 Msen u sha jighjigh u nan la una yima oruange la man Ter Una mough a nan sha. Aluer nan er isholibo je kpaa, á de nan. 16 Pase nen akaabo a en ayol a en, shi er nen msen sha ci u ayol a en sha u angev mbu̱ bee ne yô. Msen u eren tsung u orperapera ngu a agee kpishi je 17 Eliya lu or di inja i môm a vese tsô, a er msen tsung er ura u̱ de nee ga, man ura kera nôô shin tar ga, kuma anyom atar man iwer ataratar. 18 Man a shi a er msen, nahan Aôndo nôô ura, inya hire mende iyiav mbi i. 19 Anmgbianev av, aluer mô wen nana kaha á undu mimi man orgen nana za hide a nan yô, 20 fa nen, or u nan ker orsholibo sha gbenda u mtsum u nan la nan hidi a nan yô, nan dugh uma u nan ken ku kera shi nana cir asorabo kpishi.
17 Kpa kwaghfan u a dugh Sha yô, hiihii ka u wang, shi ka u bem kpaa, man u sar sar, man u norom ikaa ga, a iv a mhôônom ma zungwen kua atam a dedoo, ka u sangen sha dooshima ga man shi u imangeregh kpaa ga.
1:1 Peteru apostoli u Yesu Kristu ngu sughun ushirmbaiorov mba ve sambe ve lu ken Pontu man Galatia man Kapadoshia man Ashia man shi Bitinia la, ka mba i tsough ve 2 sha mtsengefan u Aôndo, sha mtsegh u sha Jijingi, u zan ken iko i wan man awambe a mishin a Yesu Kristu. I̱ seer ne mrumun u sha mhôôn kua bem wuee. 3 I̱ wuese Aôndo, Ter u Ter wase Yesu Kristu u A mar ne hegh sha mhôônom Nam ma zungwen ma vesen er se̱ lu a ishimaverenkeghen i i lu uma sha mnder u Yesu Kristu shin mbakpenev la, 4 se̱ lu a dyako u hôôn ga, u fisee kpaa ga, u usen tsô kpaa ga, u i koso un Sha sha ci wen, 5 ne mba i kor ne sha agee a Aôndo sha jighjigh u nan, sha u ngohol myom u i kegh iyol i ver a ver u pasen un sha iyange i masetyô yô. 6 Sha kwagh ne yô, ne mba ember kpishi shin er hegen, aluer a gba nahan yô, ameen atô kposo kposo nga vihin ne asema sha anyangem kpeghee. 7 Zenaria u a lu kwagh u saan ishe kpaa ka i kar un sha usu je, nahan mkar u i kar jighjigh wen u nan u a hemba zenaria inja ica la, ka sha u una kuma iwuese man icivir man iengem sha m-ande u Yesu Kristu. 8 A doo ne ishima shin er ne lu a nenge a Na ga je kpaa; ne mba nengen a Na ga nahan kpaa ne mba nan Un jighjigh man ne mba ember tsung sha iember i i gande u ôron i i doo je i hemba. 9 Man ne mba zuan a mkur u jighjigh wen u nan, ka myom u uuma enev je la. 10 Sha kwagh u myom ne yô, uprofeti mba ve tsengaôron kwagh u mrumun u sha mhôôn u i ver sha ci wen yô, ve tôv un ve time vighe vighe je. 11 Ve lu timen er shin ka hanma shighe shin ka shighe u nanou man Jijingi u Kristu u A lu ken a ve la, A lu tesen sha mimi zum u A tsengapasen atsan a Kristu man iengem i ia dondo sha mi la. 12 I pase ve er, ve lu eren tom sha akaa ne, nahan kpaa lu sha ci ve ayol a ve ga, lu sha ci wen; ka akaa a i lu pasen ne hegen sha ikev i mbara mba ve lu pasen ne Loho u Dedoo sha Icighan Jijingi u i tindi Un A due Sha la. Akaa ne yô, mbatyomov mba Shaav je kpaa, ka saren ve pe gbirin ashe ker. 13 Nahan yô, nyôôso nen mfe wen, shi lu nen geng ge geng, ishimaverenkeghen yen i̱ lu sha mrumun u sha mhôôn u i lu van ne a mi sha m-ande u Yesu Kristu la vough. 14 De kera geman nen ayol a en sha inja i asaren a tsuaa a ken mlan wen la ga, lu nen er ônov mba wan iko nahan. 15 Kpa ne yô, lu nen uicighanmbaiorov ken mlu wen cii, er Un u A yer ne la A lu icighan nahan. 16 Gadia i nger er: Lu nen uicighanmbaiorov, gadia Mo M ngu u Icighan je. 17 Man aluer ne yilan Un er Ter yô, Un u A er ijir i lu sha msange u sha dooshima ga kpa i lu sha ieren i hanma or yô, lu nen a mciem sha ayange a shir wen. 18 Gadia ne fa i paa ne sha mlu wen u gbilinigh u ne ngohol hen uter la; lu sha akaa a saan ishe, er azurfa shin zenaria nahan, ga, 19 kpa lu sha awambe a injaa a Kristu er ka a waniyôngo u lun a acôghor iyol ga, a ihogholough kpaa ga nahan. 20 I vande fan Un je er i lu a gba tar ga yô, kpa i pase Un ken shighe u masetyô ne sha ci wen. 21 Ka sha a Na man ne lu mbanan Aôndo jighjigh u A nder Un shin mbakpenev shi A na Un icivir kpaa, sha er jighjigh wen u nan man ishimaverenkeghen yen ve̱ lu sha Aôndo. 22 Er ne vande wanger asema a en kera sha iko i ne wan mimi iko la u zan ken dooshima u mimi u hen anmgbianev yô, doo nen ayol a en ken ishima tsung je. 23 Gadia i mar ne hegh lu sha vor u hôôn la ga, kpa lu sha u hôôn ga la, lu sha mkaanem ma Aôndo ma ma lu uma man ma lu ma tsôron kpaa. 24 Gadia: Uumace cii mba er toho nahan man icivir ve cii ngi er ikparen u toho nahan; toho ka u use man ikparen u u a ndoor a gba inya, 25 kpa kwaghôron u Ter yô, ngu tsôron gbem zan zan. Man ngun ka kwaghôron u Loho u Dedoo u i ôr ne u je ne.
2:1 Nahan undu nen hanma ifer man hanma icugh man imanger man iwuhe man angereke cii kpaa, 2 man atumba a man a mimi a sha kwaghôron u Aôndo la a̱ sar ne tsung er anikundanev mba forototo nahan, sha er né vese sha mi u zan ken myom yô 3 aluer ne kav er Ter A doo je yô. 4 Va nen hen a Na, Wen u A lu iwen i i lu umai i ior yô, ve venda i, kpa hen Aôndo yô, gema ka icuwan man shi i injaa kaa. 5 Ne kpaa, i̱ maa ne er ka awen a lun uma nahan, ne̱ lu iyou i ken jijingi, ne̱ hingir icighannongo u upristi sha u né naan nagh ku ken jijingi, ku ku doon Aôndo sha ci u Yesu Kristu yô. 6 Gadia i nger ken icighanruamabera er: Nenge, m ngu veren icuwaniwen i injaa i sha zongo ken Shion. Or u nan ne Un jighjigh yô, nana va ahenge ga. 7 Kape A lu a inja her a ven ne, ne mba ne ne jighjigh ne. Kpa hen mbanan jighjigh ga yô, kwaghôron ugen ngu er: Iwen i mbamaan ve vende i la, ka i je i hingir i sha zongo ye, 8 man shi: Ka iwen i keman nguhar sha mi man vande u nôngon gbev sha mi. Ka ve mba ve nôngo gbev sha ci u ve we kwaghôron u Aôndo iko ga la, man ka sha kwagh la je i vande veren ve kpaa ye. 9 Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la. 10 Ngise ne lu nongoior ga, kpa hegen ne gema ne hingir nongoior u Aôndo, i zungwen ne mhôônom ga, kpa hegen yô, mba zungwen ne mhôônom. 11 Ne mbadoon mo ishima, ne mba ne lu ushirmbaiorov man iorvannya kpaa, m ngu zamber a ven mer: Nyagh nen asaren a iyolough a a nenge ityav a uma u ken ishima la. 12 Zende wen u hen atôatyev u̱ lu wanger wanger, sha u aluer mba lamen sha a ven er ka mbaaferev yô, ve̱ nenge aeren a en a dedoo man ve̱ civir Aôndo sha iyange i Una va sôron ne la. 13 Waan nen hanma tindi u ior ve we la ikyo sha ci u Ter — shin a lu tor u a hembe cii, 14 shin a lu ugomna mba tor a tindi ve sha u ve̱ tsahan mbaerenafer kpa ve̱ gema ve̱ wuese mba ve eren sha mi la. 15 Gadia ishima i Aôndo yô, kape i lu ne, ka u né eren dedoo man né cir abumeaior zwa sha lanegh vegh ye. 16 Lu nen er mba ve lu ken uikangen ga nahan, kpa mlu wen u ken uikangen ga la a̱ de gem a̱ hingir ne kwagh u yisan ifer a mi ga; lu nen ikpan i Aôndo. 17 Waan nen ior cii iko, anmgbianev ve̱ doo ne ishima, cian nen Aôndo, waan nen tor iko. 18 Ne mbayev kpaa, ungwan nen imo i uter enev sha mcie, i̱ de kera luun mbadedoo man mba ve lu saan saan tseegh ga, kpa i̱ kua mba ve lu jighilii ga kpaa. 19 Ka kwagh u doon je aluer or nana umbur Aôndo nana wa ishima ken ican zum u ican i tser nan sha apera la yô. 20 Gadia aluer ne er isholibo man á gbidye ne man né wa ishima yô, iwuese ngi hana? Kpa aluer ne mba eren sha mi man né gema né ya ican kpa né wa ishima yô, ka kwagh u doon hen Aôndo je la. 21 Gadia ka sha kwagh ne je i yer ne ye, gadia Kristu kpaa ya ican sha ci wen, A ver ne ikav je sha u né dondo Un ijime yô. 22 A er ma isholibo ga, icugh kpaa i zua a mi sha zwa Na ga. 23 Zum u i laha Un kpaa mayange A or iyev sha mlaha la ga, er A ya ican kpaa A ta hwa ga, kpa A gema A wa sha ikev i Un u A er ijir sha mimi la. 24 Ka Un jim kpaa A tôô asorabo ase ken iyol Na je sha terankon sha er ma se kpe kera sha kwagh u isholibo, kpa se̱ gema se̱ lu uma sha ci u perapera. Ka sha agbir a Na man se zough a mkpeyol ye. 25 Gadia ngise ne tsumen er iyôngo nahan kpa hegen yô, ne hide ken Orkuranilev man Orkuran u uuma enev.
14 De kera geman nen ayol a en sha inja i asaren a tsuaa a ken mlan wen la ga, lu nen er ônov mba wan iko nahan. 15 Kpa ne yô, lu nen uicighanmbaiorov ken mlu wen cii, er Un u A yer ne la A lu icighan nahan. 16 Gadia i nger er: Lu nen uicighanmbaiorov, gadia Mo M ngu u Icighan je.
18 Er tasa sha togula, ityô na kpaa i̱ lu sha togula, sha ci u ôôn iyol mi, ver un hen harga u tenti u kohol ker la a atse a nanden nagh sha mi la, haa mngerem shimi. 19 Aron kua ônov nav ve̱ ôôn ave kua angahar a mi; 20 shighe u vea nyôron ken tenti u kohol her la yô, ve̱ ôô iyol sha mnger sha er vea kpe ga yô, shin shighe u vea kporom hen atse a nanden nagh sha mi sha u eren tom u nanden TER nagh ku usugh yô.
14 gadia TER, Aôndo wou, zenden ken atô u afo ou, sha u yiman we, nan we mbaihomov ou sha ikev, nahan yô, afo ou a̱ lu wang, A̱ de nengen a kwagh u vihin her a we, A̱ undu u ga.
Nahan yô, ne mbadoon mo ishima, er se lu a uityendezwa mban yô, se wanger nen ayol a ase sha hanma kwagh u hôngorough u ken iyol kua ken jijingi cii, se sôr nen mtsegh wase, a̱ hingir vough sha mcie u cian Ter la.
14 De kera geman nen ayol a en sha inja i asaren a tsuaa a ken mlan wen la ga, lu nen er ônov mba wan iko nahan. 15 Kpa ne yô, lu nen uicighanmbaiorov ken mlu wen cii, er Un u A yer ne la A lu icighan nahan. 16 Gadia i nger er: Lu nen uicighanmbaiorov, gadia Mo M ngu u Icighan je.
16 Usha ka Usha mba TER, kpa tar yô, A na ônov mba iorov.
18 Akuraior yuwe kpa iyugh You gema va man shi shighe u á ôr mbakpenev ijir, man shighe u á na mbatomov Ou injar, ka uprofeti man uicighanmbaiorov, man mba ve cie iti You, mbavesen kua mbakiriki la, man shi shighe u á tim mba ve lu vihin tar la kpaa.
3 Se mba nan ityôkwagh i nôngon gbev sha ma gbenda môm je ga, sha u i̱ de teren tom wase sha kwagh u dang ga yô, 4 kpa se mba pasen ayol a ase ken akaa cii je er se lu mbatomov mba Aôndo yô: ken ishima i wan tsung, man ken atsan, man akaa a tseren, man uzayol,
3:1 Nahan yô, ne kasev di kpaa ungwan nen amo a noov enev sha er aluer mbagenev ken ve, vea lu mbawan kwaghôron u Aôndo iko ga je kpa, á urugh ve sha mlu u kasev vev la, á kera lu sha kwaghôron kpee ga, 2 er ve nengen mlu wen u wang u cian Aôndo la yô. 3 Hwe wen a̱ de luun u ken won tsô ga, er gbatyou u gban nahan, shin u wan akaa a hweegh a zenaria shin akondo a zeren ga. 4 Kpa i̱ lu or u ken myer u ken ishima la, a hwe u saan ishe ga, u ishima i legh legh man u lun ving la; ka kwagh u hemban sha mnenge u Aôndo je la. 5 Gadia kape uicighanmbaukase mba tsuaa mba ishimaverenkeghen ve i lu sha Aôndo la kpaa, ve eren hwe je la, ve ungwan amo a noov vev. 6 Kape Sara kpaa lu ungwan imo i Aberaham la, je a yila un er ter; man ne hingir ônov nav aluer ne eren doo doo man ne rumun er ma kwagh a̱ de te ne mciem iyol ga yô. 7 Nahan ne nomso kpaa, lu nen a kasev enev imôngo sha kwaghfan, waan nen kasev iko er ve hembe yinan agee yô, gadia ve kpaa, ka mbayandyako u sha mrumun u sha mhôôn u uma a ven imôngo, sha u i̱ de vende mbamsen enev ga yô. 8 Ken masetyô yô, ne cii lu nen ishima i môm, shi lu nen mbazungwenmhôônom; doo nen ayol a en er ka anmgbianev nahan, lu nen mba mhôônom ma ker ve; shi hide nen a ayol a en ijime kpaa. 9 De kera oron iyev sha ifer ga shi de kera oron iyev sha ityuhwan kpaa ga, kpa gema veren nen a ver ior dedoo, gadia ka sha kwagh ne je i yer ne ye, sha u né ya dyako u iveren i dedoo yô. 10 Gadia: Or u i sar nan pe uma a̱ doo nan ishima man shi sar nan pe nengen ayange a dedoo kpaa yô, nana̱ kura nombor u nan sha u ôron kwagh u ifer, man zwa u nan u̱ de er kwagh u icughugh ga, 11 nana̱ nyagh ifer nana̱ gema nana̱ er kwagh u dedoo, nana̱ ker bem nana̱ zenda un ityô kpaa. 12 Gadia ashe a Ter yô, nga sha mbaperapera shi veren ato sha zamber ve kpaa. Kpa Ter gem tsuhur ishigh sha mba ve eren ifer yô. 13 Aluer ne mba nôngon kpogholoo sha kwagh u dedoo yô, ka an je nana gema á er ne kwagh u ifer ase? 14 Kpa aluer nea yan ican sha ci u kwagh u perapera kpaa, á saan ne iyol je; de cie nen m-ange ve ga, man ishima i̱ de te ne kwe kpaa ga. 15 Kpa gema tsegha nen Kristu ken asema a en, A̱ lu Ter, waan nen ago iyol veren nen a ver sha u né na imo sha mpin u hanma or u nana pine ne ityôikaa i ishimaverenkeghen i i lu ken a ven la, kpa i̱ lu sha ishima i legh legh man sha mcie kpaa. 16 Shi lu nen a imo i wang ken ishima sha er kwagh u i lu lamen sha a ven dang dang la je kpaa, ve̱ va ahenge yô, ka ve mba ve lu teren mlu wen u dedoo u ken Kristu sha dang la. 17 Gadia aluer ka ishima i Aôndo u ú ya ican sha shighe u u eren kwagh u dedoo yô, hemba doon a u ú ya ican sha shighe u u eren ifer la. 18 Gadia Kristu kpaa kpe sha ci u asorabo kwa môm, Un Orperapera sha ci u mbaaferev sha u Una va a vese hen Aôndo yô. — Iyol Na yô, i wua i kpa i shi i na Un uma sha Jijingi. 19 Lu sha Jijingi kpaa man A za A za ôr ujijingi mba ve lu ken uikangen la kwaghaôndo ye. 20 Ka ve mba ngise ve lu hemban ato zum u Aôndo lu wan ishima sha ayange a Noa zum u i lu gban tso la, ka ker man ior kpeghee, ka uuma mba iorov anigheni tsô ve war sha mnger ye. 21 Ma tese ikav sha batisema u ne kpaa ne lu waren sha mi hegen yô; batisema ka u wanger hôngor u sha iyol kera ga, kpa ka msen u sônon Aôndo imo i wanger wanger i ken ishima sha mnder u Yesu Kristu shin ku. 22 A yem Sha, ngu ken uwegh ku yanegh ku Aôndo, i gema mbatyomov mba Shaav man tahav kua agee i wa Un sha ikev.
4:1 Er Kristu A ye ican ken iyol yô, ne kpaa, kange nen ishima sha mhen ne, gadia u nan ya ican ken iyol yô, nan de isholibo ve, 2 sha u ayange a ken iyol a a shi ne her yô, né kera eren sha asaren a ior ga, kpa i̱ lu sha ishima i Aôndo. 3 Gadia ayange a a kar la zum u i lu eren er atôatyev a eren nahan la, kuma ve, er ve lu zenden ken ijimba i eren man asaren a bo man msôrom ma hunden man iniongo i gbilinigh man mbamkohol mba man msôrom man shi kwaghsôron u dang kpaa. 4 Gema ka kpiligh ve iyol er ne kera nyer nongo a ve ken ijimba i eren i ganden ikaa inya la, ga yô; mba gbe lamen sha a ven dang tsô. 5 Kpa vea va ôr kwagh ve sha ishigh ki Un u A kegh iyol u ôron mbaumav man mbakpenev ijir la. 6 Gadia ka nahan man mbakpenev kpaa i ôr ve Loho u Dedoo sha u á ôr ve ijir ken iyol sha inja i mlu u ior la, kpa ve̱ gema ve̱ lu uma sha inja i mlu u Aôndo la. 7 Kpa mkur u akaa cii mgbôghom ve; nahan kundu nen ishima shi lu nen geng ge geng kpaa, sha u né fatyô u eren msen yô. 8 Kwagh u a hembe cii yô, doo nen ayol a en sha gbashima je gadia dooshima cirin asorabo kpishi. 9 Yôron nen ayol a en, kpa de gban nen ahon sha mi ga. 10 Er hanma or nan ngohol iwua i sha mrumun u sha mhôôn nahan yô, eren nen ayol a en tom a mi er mbatomov mba mimi mba sha mrumun u sha mhôôn u Aôndo sha igbenda kposo kposo la nahan. 11 Aluer hanma or nana ôr kwagh yô, i̱ lu er ka kwaghôron u Aôndo nahan, aluer hanma or nana er tom yô, i lu er ka sha agee a Aôndo A ne yô, sha u á civir Aôndo ken akaa cii sha Yesu Kristu, ka Un A lu a iengem man tahav zan zan gbem sha won ye. Amen. 12 Ne mbadoon mo ishima, bocan u a ve sha a ven sha u karen ne a kar la, a̱ de kpiligh ne iyol er ka kwagh u cier iyol man a va tser ne ga. 13 Kpa her ape ne nyôr nongo a Kristu ken atsan a Na yô, ember nen, sha er shighe u m-ande u iengem Na la kpaa né va ember tsung. 14 Aluer a hee ne sha ci u iti i Kristu yô, á kpe ne iyol je sha ci u Jijingi u iengem man u Aôndo A tem sha a ven yô. 15 Kpa mô wen nana̱ de yaan ican er ka orwuanor shin ormbaiv, shin or u eren ifer shin or u amber sha akaa nahan ga. 16 Kpa aluer orgen nana ya ican er Orkristu yô, kunya u̱ de ker nan ga, kpa nana̱ civir Aôndo ken Iti ne. 17 Gadia shighe kuma u ijir ia ngurum sha ya u Aôndo je ve. Man á lu ken ian yase ia hii yô, mkur u mbahemban Loho u Dedoo u Aôndo ato la yô, una lu nana? 18 Man aluer a shi zor zor u or u perapera nana war ga yô, or u nan vende Aôndo man orisholibo yô, vea za hana? 19 Nahan yô, mba ve ye ican sha ishima i Aôndo la, ve̱ wa ayol a ve sha ikev i Ujighjigh u A gbe akaa cii la, ve̱ eren akaa a dedoo.
5:1 Nahan yô, m ngu taver mbatamen mba ken ven asema, mo u m lu ortamen a ve imôngo man shi orshiada u atsan a Kristu kpaa. Mo kpaa m ngu a kwar sha iengem i á va pase i la. 2 Kura nen ikumuile i Aôndo i i lu hen ven la, er ka sha ci u Aôndo nahan, i̱ de lu er i kighir ne a kighir ga, kpa i̱ lu sha asema a en; i̱ de lu sha ci u mtsera u dang ga, kpa i̱ lu sha gbashima je; 3 i̱ de lu er ne mba eren tahav sha kwagh u i we ne sha ikev ga, kpa lu nen ikumuile la ikav. 4 Zum u Orkuranilev u tamen Una ande yô, né ngohol tsar u engem u sha ityou u usen mayange ga. 5 Nahan yô, ne mbayev kpaa ungwan nen imo i mbatamen, man ne cii, haa nen ityough ki taver ga iyol, hen ayol a en, gadia Aôndo hendan kwagh a mbagengeseyol, kpa ne mba ve hir ayol a ve ijime la mrumun u sha mhôôn. 6 Hide nen a ayol a en ijime er uwegh ku Aôndo ku ageegh ku lu sha a ven nahan, sha er shighe á va kuma vough yô Una kende ne sha. 7 Gema nen ishima i nyian yen la cii, haa nen sha a Na, gadia ka Un A lu koson ne ye. 8 Lu nen geng ge geng shi kuran nen kpaa, orihom wen diabolo ngu zenden er begha u tan kume nahan, keren or u una ya yô. 9 Hendan nen a na, tile nen dông sha jighjigh u nan gadia ne fa anmgbianev enev sha won cii kpaa i ver ve ican shon i môm i môm i ne lu yan i ne vough. 10 Zum u ne ya ican sha anyangem kpeghee kera yô, Aôndo u mhôôn cii u A yila ne u zan ken iengem i tsôron ken Kristu, Un iyol Na Una sôr mlu wen Una suwe ne, Una taver ne man shi Una tim ne né lu dông kpaa. 11 Ka Un je A lu a tahav gbem sha won ye. Amen. 12 M nger ne wankwagh ne kpuaa sha ikev i Siluanu u a lu ne wanmgbian u jighjigh sha mnenge wam yô. M ngu taver ne ishima man m ngu eren shiada mer, ngun ka mrumun u sha mhôôn u mimi u Aôndo je ne. Tile nen sha mi dông. 13 Un u a lu ken Babilon u i tsough un di er ne nahan la, ngu sughun ne; wan wam Marku kpaa nahan. 14 Sugh nen ayol a en sha zwasusen u sha dooshima. Bem a̱ lu sha a ven cii, ne mba ne lu ken Kristu yô.
7 Kpa mkur u akaa cii mgbôghom ve; nahan kundu nen ishima shi lu nen geng ge geng kpaa, sha u né fatyô u eren msen yô. 8 Kwagh u a hembe cii yô, doo nen ayol a en sha gbashima je gadia dooshima cirin asorabo kpishi. 9 Yôron nen ayol a en, kpa de gban nen ahon sha mi ga.
21 Gadia ka sha kwagh ne je i yer ne ye, gadia Kristu kpaa ya ican sha ci wen, A ver ne ikav je sha u né dondo Un ijime yô. 22 A er ma isholibo ga, icugh kpaa i zua a mi sha zwa Na ga. 23 Zum u i laha Un kpaa mayange A or iyev sha mlaha la ga, er A ya ican kpaa A ta hwa ga, kpa A gema A wa sha ikev i Un u A er ijir sha mimi la.
Nahan yô, ne kasev di kpaa ungwan nen amo a noov enev sha er aluer mbagenev ken ve, vea lu mbawan kwaghôron u Aôndo iko ga je kpa, á urugh ve sha mlu u kasev vev la, á kera lu sha kwaghôron kpee ga, 2 er ve nengen mlu wen u wang u cian Aôndo la yô.
21 Kwaghbo a̱ de hembe u ga, kpa we gema hemba kwaghbo sha kwagh u dedoo.
3 De eren nen kwagh sha u wan ayol a en iko tseegh shin sha u keren icivir i gbilinigh kpaa ga, kpa hide nen ayol a en ijime; hanma or nana̱ nengen er orgen hemba nan yô. 4 Hanma or nana de kera waan akaa a nan iyol i nan iko tseegh ga, kpa nana wa akaa a mbagenev iko kpaa.
19 Anmgbianev av mba doon mo ishima ne, fa kwagh ne. Hanma or nana̱ lu tsev tsev sha u ungwan kwagh kpa nana̱ gema a̱ ngôôr a kwaghôron, nana̱ ngôôr a iyugh kpaa.
19 Ka kwagh u doon je aluer or nana umbur Aôndo nana wa ishima ken ican zum u ican i tser nan sha apera la yô. 20 Gadia aluer ne er isholibo man á gbidye ne man né wa ishima yô, iwuese ngi hana? Kpa aluer ne mba eren sha mi man né gema né ya ican kpa né wa ishima yô, ka kwagh u doon hen Aôndo je la.
1:1 Shimion Peteru, kpan man apostoli u Yesu Kristu, ngu sughun mba ve zough a jighjigh u nan u injaa di er u wase nahan, sha perapera u Yesu Kristu u A lu Aôndo wase man Oryiman wase la. 2 I̱ seer ne mrumun u sha mhôôn kua bem wuee, sha kwaghfan u ne fa Aôndo la man shi Yesu Ter wase kpaa. 3 Gayô agee a Na a sha inja i Aôndo la na se akaa cii a a lu a inja sha uma wase man u civir Aôndo, ka sha mfe u fan Un u A yer se sha iengem Na man agee a Na a hemban la. 4 Ka sha ve kpaa man A na se uityendezwa Nav mba injaav mba tamen mba tamen ye, sha u né gema né nyôr nongo ken mlu u Aôndo sha uityendezwa mbara, né war hôngor u u lu shin tar sha isharen i bo la kera yô. 5 Sha ci u kwagh ne jim yô, nôngo nen ngeelee je, sha jighjigh wen u nan la, seer nen aeren a dedoo, sha aeren a dedoo la, seer nen kwaghfan; 6 sha kwaghfan la, seer nen u kôron iyol tsaha; sha tsaha u kôron la, seer nen ishima i taver; sha ishima i taver la, seer nen mcivir u civir Aôndo; 7 sha mcivir u civir Aôndo la seer nen u doon a anmgbianev man sha u doon a anmgbianev la yô, seer nen dooshima. 8 Gadia aluer akaa ne aa lu ken a ven man á ngee je, á dumbur yô, aa na er ken mfe u ne fa Ter wase Yesu Kristu la né kera lu gbilin shin mbaumen atam ga, ze. 9 Gadia u nan ban a akaa ne yô, nan ngu ashe pir, nan nengen hen ikum ikum tsô, mwanger u i wanger asorabo a nan a ngise la hungur nan kera je. 10 Nahan yô, anmgbianev, shi seer nôngon nen u taver a taver myila u i yila ne la man mtsough u i tsuwa ne la, gadia aluer ne er nahan yô, né kera nôngo gbev mayange ga. 11 Gadia ka nahan man á hemba nan ne u nyôron tartor u tsôron u Yesu Kristu, Ter wase man Oryiman wase enger enger ye. 12 Nahan yô, me ver ishima u umbur ne akaa ne gbem shin er ne fe a nahan kpaa man shi kera je kpaa, ne lu taver ken mimi u a lu ken a ven la. 13 Sha mnenge wam yô, ka vough u me umbur ne akaa me nder ne sha ayange a m hira lu shir ken tenti ne. 14 Gadia m fa myôhôr u tenti wam una va yôhôr ne, kera shi ica ga je, er Ter wase Yesu Kristu kpaa A pasem nahan. 15 Me nôngo tsung sha u me va kar kera yô, hanma shighe né fatyô u umbur akaa ne. 16 Gadia zum u se va pase ne agee man m-ande u Ter wase Yesu Kristu la yô, kera lu sha gbenda u ukwaghhir mba i dugh a dugh sha kwaghfan la se lu zan ga, kpa se lu mba se nenge a nenge iengem Na sha ashe je. 17 Gadia A ngohol icivir man iengem hen Aôndo Ter zum u imo due ken iengem i hemban la, ôr kwagh a Na er: Ngun ka Wan Wam u ishima ishima u ishima i doom a Na yum yô. 18 Man imo la se ayol ase kpaa se ungwa, lu Sha i due ye, zum u se lu a Na imôngo sha icighanwo la. 19 Se mba a kwaghôron u profeti u a til dông je. Doo u né wa iko sha mi er ka imenger i i wanger ken ijiir i wan ime nahan, zan zan sev mbu kar aven man ishan i sha use kpaa ia due ia kôndo sha ken asema a en yô. 20 Kwagh u hiihii yô, fa nen kwagh ne, ma kwaghôron u profeti u ken icighanruamabera ka kwagh u or nana gba pasen iyol i nan tsô ga. 21 Gadia mayange ma kwaghôron u profeti due sha awashima u or ga, kpa Icighan Jijingi mgbegha ior man ve ôr kwagh u Aôndo ye.
2:1 Kpa mbaprofeti mba aiev yange ve due hen nongoior la di er ken a ven kpaa mbatesen mba aiev vea va lu nahan. Vea nyôr a ityesen i kahan i dang myer, Ter u A paa ve la je kpaa vea nyiman Un, mba van a mtim sha ayol a ve fefa je. 2 Ior kpishi je, vea dondo aeren a ve a sha ijimba la; ka sha ci ve je man á teren gbenda u mimi ne sha dang ye. 3 Sha hua ve u eren la, vea zua a mtser sha a ven sha akaaôron a sha atseregh. Ibo i i na ve ngise la, ngi gbilin ga, man mtim ve kpaa ngu mnya ga. 4 Gadia mbatyomov mba Shaav mba ve er isholibo la kpaa Aôndo tange ve ga, A gbihi ve ken Tartaru ken ahungwa a imegh sha u kuran ve zan zan shighe u ijir ia kuma yô. 5 Man tar u tsuaa la kpaa A tange u ga, kpa A yima Noa u a lu yôôn kwagh u perapera la, kua ior mbagenev utaankaruhar zum u A va a mngerem deemee sha tar u mba ve vende Aôndo la. 6 Man A nande agar a Sodom man Gomora a hingir mtwem, A na ve ibo, i tim ve kera, A gema ve ve hingir ikav hen mba vea va venda Aôndo la cii. 7 Man A yima Loti or u perapera u a ya ican ken ishima tsung sha ci u ijimba i eren i mbaaferev mbara. 8 Gadia or u perapera la tema ker atô ve, a nenge shi a ungwa akaa la, ishima na i perapera la lu vihin un use use sha aeren a ve a ifer la. 9 Nahan mba ve civir Aôndo la Ter fa u yiman ve ken imeen, shi A fa u kuran mbaaferev zan zan á ar sha iyange i ijirigh la, sha u tsahan ve. 10 Man jim je yô, ka mba ve zenden sha inja i iyolough sha isharen i hôngorough, ve lahan mba i ver ve ve lu a tahav la cii. Ve cihi kwagh, ve wa apera, u tuhwan mba ve engem mbara kpaa ka cier ve iyol ga. 11 Mbatyomov mba Shaav yô, shin er ve hembe ve iyoltaver man agee nahan kpaa, mba za senden ve ityough a Ter sha ilyahan ga. 12 Kpa mban yô, er ve toho kwagh u ve fe un ga yô, vea tim sha mvihi ve er inyamtoho i kaven kwagh ga nahan, i mar i sha inja i iyolough sha u á gba kôron, wuan tsô yô. 13 Vea zua a injar i ifer sha ifer i ve er la. Ishar i haan iyol atetan doo ve; ve yô, mba kwagh u côv côv man kwagh u lun afesan afesan; maa ve iyol a atseregh a ve zum u ka vea yaan iniongo a ven imôngo la. 14 Ashe a ve iv a idya, nga memen u eren isholibo ga; mba meen ior mba ve lu a ishima i pee pee la. Ve via ishima sha hua u eren, ka ônov mba ifanev je. 15 Ve undu gbenda u mimi ve tsume, ve za sha gbenda u Balaam wan u Beor u injar i ifer i eren i doo un ishima yum la. 16 Kpa i yange un tindi u peren la, zendenya u lamen ga gema ôr kwagh sha imo i or, yange ihundugh ki profeti la. 17 Mban yô, ka ihwembe i lun a mngerem ga, ka irkpiigh i jeverahumbe a purugh a mi kera. I ver ve angôghime. 18 Gadia ka sha u ôron ugbilinmbaakaav sha iyolgengese man sha asaren a iyolough man ijimba i eren ve meen ior mba ve sember duen ken mba ve lu ken mtsum la, ye. 19 Ka ve tôndo zwa a mbara er vea kera lu ken uikangen ga, kpa ve ayol a ve gema ka ikpan i hôngorough; gadia kwagh u a hembe or yô, ka un je ka a gbihi nan ken kpan ye. 20 Gadia aluer vea osogh vea war ihôngor i tar kera sha mfe u ve fe Yesu Kristu, Ter wase man Oryiman wase la, kpa akaa ne á shi á kôr ve á hemba ve yô, mkur ve u masejime la hemba vihin a mlu ve u hiihii la. 21 Gadia guda her a ve u ma ve fe gbenda u perapera ga a u ve vande fan u kera man ve gem ve undu icighantindi u i na ve la. 22 Injakwaghôron i mimi ne kuma sha a ve vough er: Iwa suwa, shi hide ya, man shi: Ngôigo ôô iyol kpa shi hide vingir shin angbiôr.
3:1 Ne mbadoon mo ishima, ka washika u sha uhar u m lu ngeren ne je ne. Ken ve uhar cii sarem pe umbur ne akaa, nderen ishima yen i wang. 2 Ka sha er né umbur akaaôron a uicighanmbaprofeti ngise lu ôron la man shi tindi u Ter Oryiman la, u mbaapostoli enev ve ôr la. 3 Kwagh u hiihii yô, fa nen er ken ayange a masejime mbanahantar vea due a tarnahan, vea zende sha asaren a ve ayol a ve. 4 Vea kaa er ityendezwa i m-ande Na ngi hana? Gadia hii sha shighe u uter kpe kera la akaa cii nga her di er a lu sha mhii u igbetar la nahan. 5 Kwagh ne hungur ve sha apera er sha imo i Aôndo yô, Usha lu tsuaa je kua tar kpaa u u dugh shin mnger man i er u sha mnger kpaa. 6 Ka sha ve kpaa man tar u u lu hen shighe la, mngerem uve u, u tim kera ye. 7 Kpa Usha mba ve lu hegen kua tar cii, ka sha imo la i môm i môm man i ver shi i kuran ve sha ci u usu, zan zan á va kuma sha iyange i ijirigh man mtim u mba ve vende Aôndo la ye. 8 Kpa ne mbadoon mo ishima, kwagh môm ne tsô yô, a̱ de hungur ne ga, hen Ter yô, iyange i môm ngi er anyom dubu nahan, anyom dubu di gema nga er iyange i môm nahan. 9 Ter ngu eren negh negh sha ityendezwa Na la er mbagenev ve nenge er ngu eren negh negh nahan ga, kpa we ishima a ven, mayange sar Un u mbagenev ve̱ tim ga, kpa ior cii ve̱ gema asema. 10 Kpa iyange i Ter ia va er ormbaiv nahan. Usha vea kar kera sha ihuran ioo, asemaakaa aa hia kera man tar kua ityom i sha u cii kpaa ia hia kera. 11 Er akaa cii á va sough kera nahan yô, doo u né lu ken icighanmlu man né lu civir Aôndo nana? 12 Er ne keghen mve u iyange i Aôndo, man ne eren sha u i̱ va fefa yô; sha iyange la yô, Usha vea yegh vea saa kera man asemaakaa cii aa hia aa sough kera. 13 Kpa se mba keghen Usha mba hev je man tar u he u perapera una tema ker yô, sha ityendezwa Na la. 14 Ne mbadoon mo ishima, er ne lu keghen akaa ne yô, nôngo nen tsung sha u á kohol ne ken bem sha ishigh Nagh né lu wang a acôghor iyol ga yô. 15 Man shi fa nen er shima i wan i Ter wase la i lu myom yô. Kape anmgbian wase u doon se ishima Paulu kpaa, sha kwaghfan u i ne un la a nger ne je ne; 16 er a ôr akaa ne ken uwashika nav cii nahan. Akaa agen ken ve je yô, ka ican u kaven; ka a je man mbalanenkwagh kua mbalun asema pee pee la, ka ve kôr a, ve goom a mi hingir mtim sha ayol a ve; di er ve eren a uicighanmbauruamabera mbagenev kpaa nahan. 17 Ne mbadoon mo ishima, er ne vande fan kwagh ne nahan yô, kuran nen i̱ de kera kôron ne i̱ urugh ne sha mtsum u mbarumun atindi ga la er né gba sha mtil wen la ga yô. 18 Kpa seer vesen nen sha mrumun u sha mhôôn man sha mfe u ne fe Yesu Kristu Ter wase man Oryiman wase la. Ka Un i̱ civir Un ye, hegen zan zan sha iyange i tsôron la kpaa. Amen.
11 Er akaa cii á va sough kera nahan yô, doo u né lu ken icighanmlu man né lu civir Aôndo nana? 12 Er ne keghen mve u iyange i Aôndo, man ne eren sha u i̱ va fefa yô; sha iyange la yô, Usha vea yegh vea saa kera man asemaakaa cii aa hia aa sough kera.
20 Kwagh u hiihii yô, fa nen kwagh ne, ma kwaghôron u profeti u ken icighanruamabera ka kwagh u or nana gba pasen iyol i nan tsô ga. 21 Gadia mayange ma kwaghôron u profeti due sha awashima u or ga, kpa Icighan Jijingi mgbegha ior man ve ôr kwagh u Aôndo ye.
15 Kpa We yô, Tere, U ngu Aôndo u mgboughon a mhôônom ma zungwen kua mrumun u sha mhôôn, u wan ishima man u lun a erdoo man mimi wuee je.
97 Atindiakaa a Ou, doom ishima zee! Kam kwagh u shin henen sha mi didi.
105 Mkaanem Ou ka imenger i angahar a am, man iwanger i gbenda wam kpaa.
26 sha u Una tsegha u er A wanger u sha m-ee u A ôô u sha mnger sha kwaghôron Na,
17 Shi tôô nen agunduutya u iyôô, ka myom je la; kua sanker u Jijingi, ka mkaanem ma Aôndo je la.
23 Gadia aluer ma or ngu ungwan kwaghôron la, kpa nan ngu eren sha mi ga yô, nan ngu inja er or u nan nenge ishigh ki nan ki marami la ken ijingi nahan. 24 Gadia ka nan nenge iyol i nan, kpa nan yemen kera yô, fese je i hungur nan er nan lu yô. 25 Kpa or u nan kenger sha tindi u vough u a pasen se a toho la shi nan veren ishima yô, á saan nan iyol ken aeren a nan cii, gadia u ungwan kwagh yô, nan ngu or u kwagh hungur nan fefa ga, kpa nan ngu or u eren tom je.