Mbampin mba Mbaôron Takerada Ne Ve Pin La

Lu hanma shighe i daa Satan Sha i gbihi shin tara?​—⁠Mpa. 12:​1-9.

Takerada u Mpase ôr shighe u i daa Satan i gbihi shin tar jighilii ga, kpa ú gema ú ter akaa a aa er ve se fa shighe u i daa Satan Sha i gbihi shin tar yô. Kwagh u hiihii yô, ka mver u Tartor u Mesiya la. Kwagh u dondon ken ngura yô, “ityav gba Sha,” ka ityav mbi yange mbi hemba Satan ve, i zenda un Sha je la.

Ruamabera tese ér “shighe u atôatyev” bee ken inyom i 1914 shighe u i ver Tartor u Mesiya la.a (Luka 21:24) Yesu yange nôngo ityav a Satan Sha, daa un gbihi shin tar shighe u ngohol tahav mbu Tartor ave ave la jee?

Mpase 12:4 kaa ér: “Tsô darakon la [Satan] va tile sha ishigh ki kwase u a sôôn u maren la, sha u zum u una mar yô, maa un una mena wan la.” Kwagh ne tese ér Satan yange wa ishima u vihin Tartor u he ne her ave ave je. Er Yehova yange Satan u kuren awashima na u bo la nahan kpa, Satan kange ishima lu nôngon sha afatyô na cii ér una vihi Tartor u he ne keng. Lu sha ityôkyaa ne “Mikael kua mbatyomov nav” kera timbir ga, ve ta num sha “Darakon a mbatyomov nav” sha u kwaghbo a de lu ikyua a Tartor la ga ye. Kwagh ne tese ér yange i ver Tartor u he ne ken inyom i 1914, ica i gba ga je maa ityav hemba Satan shi i zenda un Sha i gbihi shin tar.

Kwagh ugen u se time sha mi yô, ka mnder u i hii u nderen Mbakristu mba i shigh ve mkurem shin ku, shighe u i ver Tartor ica lu a gba ga la.b (Mpa. 20:⁠6) Í ter mô ken ve mba i shigh ve mkurem ve lu anmgbianev mba Kristu mbara ér yange nan lu a Yesu ken ityav mbi i nôngo a darakon man mbatyomov nav la ga, nahan tese ér mnder u shin mbakpenev u anmgbianev mba Kristu mban yange hii shighe u ityav nôngo Sha, shi i zenda Satan a azôv a na i gbihi shin tar la.

Ka kwagh u Bibilo i er je ne, i̱ pase shighe u yange i zenda Satan a azôv a na Sha, i gbihi ve shin tar la jighilii ga. Nahan kpa, ikyav tese ér yange mba veren Yesu Kristu tor Sha ken inyom i 1914 yô, kera ngôôr ga maa ta num sha Satan man azôv a na, zenda ve Sha, gbihi ve shin tar.

[Ngeren mba shin kpe]