Kpa ka an nan lu “Gogi man Magogi” u i er kwagh u nan ken Mpase 20:8 laa? Iti ne ngi ôron kwagh u ior mba vea va hemba Yehova ato shi vea ta num sha ior nav sha shighe u ikyaren i masetyô la cii, zum u anyom 1,000 aa bee kera la. Vea tese er ve ker ior mba Aôndo ihyom yô, vough er ‘Gogi u Magogi’ u a lu akuraior a sha won a a ta num sha ior mba Aôndo sha mkur u zegecan la nahan. Iniongo i ihiar ne cii a lu kwaghmôm una tser i ye, ka mtim u tsôron je la. (Mpa. 19:​20, 21; 20:9) Nahan doo u a yila mba vea hemba Aôndo ato shighe u Anyom Dubu aa bee la cii ér “Gogi man Magogi.”