-
Poloko le Boipelo mo Pusong ya ga MesiaBoporofeti Jwa ga Isaia—Lesedi la Batho Botlhe I
-
-
4, 5. Isaia o ne a porofeta eng malebana le go tla ga ga Mesia, mme go lebega Mathaio a ne a tlhalosa tiragatso efe ya mafoko a ga Isaia?
4 Makgolo a dingwaga pele ga motlha wa ga Isaia, bakwadi ba bangwe ba Baebele ba Bahebera ba ne ba umaka go tla ga ga Mesia, Moeteledipele wa boammaaruri yo Jehofa a neng a tla mo romelela Iseraele. (Genesise 49:10; Duteronome 18:18; Pesalema 118:22, 26) Jaanong Jehofa o dirisa Isaia go fa tshedimosetso e e oketsegileng. Isaia o kwala jaana: “Go tla tswa kalana mo sesaneng sa ga Jese; mme letlhogela le le tswang mo meding ya gagwe le tla ungwa.” (Isaia 11:1; bapisa Pesalema 132:11.) Mafoko “kalana” le “letlhogela” ka bobedi a bontsha gore Mesia o tla nna setlogolwana sa ga Jese ka morwawe e bong Dafide, yo o neng a tloditswe ka leokwane gore a nne kgosi ya Iseraele. (1 Samuele 16:13; Jeremia 23:5; Tshenolo 22:16) Fa Mesia wa boammaaruri a goroga “letlhogela” leno le le tswang mo ntlong ya ga Dafide, le tla nna le maungo a a molemo.
5 Jesu ke ene Mesia yo o solofeditsweng. Mokwadi wa efangele e bong Mathaio o ne a umaka mafoko a Isaia 11:1 e se ka tlhamalalo fa a ne a bolela gore lebaka la go bo Jesu a bidiwa “Monasaretha” le diragatsa mafoko a baporofeti. E re ka Jesu a goletse mo motseng wa Nasaretha, o ne a bidiwa Monasaretha, e le leina le go bonalang le amana le lefoko la Sehebera le le dirisitsweng mo go Isaia 11:1 go kaya “letlhogela.”b—Mathaio 2:23, ntlhanyana e e kwa tlase go NW; Luke 2:39, 40.
-
-
Poloko le Boipelo mo Pusong ya ga MesiaBoporofeti Jwa ga Isaia—Lesedi la Batho Botlhe I
-
-
b Lefoko la Sehebera le le kayang “letlhogela” ke neʹtser, mme le le kayang “Monasaretha” ke Nots·riʹ.
-