Bamba Luumuno Mumbungano

Chiindi nitulaakati kabakombima, tulimvwa mbuli mbaakalimvwa Mwaami Davida naakati: “Eelo kaka ncibotu alimwi cilakondelezya kuti babunyina kabakkede antoomwe calukamantano!” (Intembauzyo 133:1) Kujatana kwesu takulichitikili pe. Umwi awumwi wesu weelede kubeleka changuzu kuti tukkale katujisini.

1. Nchiichili chintu chikozyenie chichitwa aabakombi baLeza

Kuti waakunjila miswaangano kuliimwi nyika, ulakonzya kuyuminwa mulaka uubelesegwa nkuko pesi ulalimvwa kuwangunukide mbuli kuti ulikulindinywe. Nkamboonzi? Nkaambo twiiya Bbayibbele katubelesya mabbuku aakozyenie munyika yoonse. Alubo tubeleka changuzu kuti tutondeezyanie luyando. Kufumbwa nkutukkala, toonse ‘tubelesya zina lya Jehova akumubelekela calukamantano.’—Zefaniya 3:9.

2. Niinzi nzweelede kuchita kuti ubambe luumuno?

“Amuyandane kapati kuzwa ansi aamoyo.” (1 Petro 1:22) Kujana waabelesya biyeni malayilile aaya? Muchiindi chakulanga kulubizya kwabamwi langa zintu zibotu nzibachita. Muchiindi chakuti umvwanane abantu bayandisya zintu nzuyanda luzutu, yezya kumvwanana aabamwi bantu bakakomezegwa munzila zisiyene-siyene. Alubo tweelede kubeleka changuzu kuti tugwisye mizeezo yakusaluula njitulaayo.—Bala 1 Petro 2:17.a

3. Niinzi nzweelede kuchita kuti teewamvwanana awumwi mukombinyokwe?

Tulijisini, pesi tatumaninide pe. Chimwi chiindi tulakonzya kunyemya bamwi. Jwi lyaLeza litubuzya kuti: “Amuzumanane kweengelelana akulekelelana . . . Mbubonya Jehova mbwaakamulekelela camoyo woonse, andinywe mweelede kucita mbubonya oobo. (Bala Bakolose 3:13.) Tukkala katubisizya Jehova pesi ulatulekelela. Nkinkaako, Jehova uyanda kuti tulekelele bakombima. Kuti wabona kuti wabisizya umwi, weelede kufwambaana kubweza ntaamu kuti mubambulule.—Bala Matayo 5:23, 24.b

YIYA ZYIINGI

4. Zunda kusaluula

Tweelede kuyanda bakombima boonse. Pesi kulakonzya kutuyumina kumvwanana aamuntu ngutusiyene. Niinzi chikonzya kutugwasya kuti tuzunde penzi eeli? Bala Milimo 10:34, 35, mpawo musandule mibuzyo iitobela:

• Jehova uyanda kukombwa aabantu bamisyobo yoonse. Eezi zipa kuti ubabone biyeni bakombinyokwe bakakomezegwa munzila iisiyene aambuwakakomezegwa?

• Nkuukuli kusaluula kuzibikene kubusena nkukkala nkuyelede kutantamuka?

Bala 2 Bakorinto 6:11-13, mpawo musandule mubuzyo uutobela:

• Ubonaanga niinzi nzweelede kuchita kuti umvwanane aabakombima bakakomezegwa munzila iisiyene ambuwakakomezegwa?

5. Lekelela kazizwaansi aamoyo alubo ubambe luumuno

Jehova ulatulekelela nikuba kuti takuyandikani kuti iswe tumulekelele. Bala Intembauzyo 86:5, mpawo musandule mibuzyo iitobela:

• Jehova utulekelela biyeni?

• Niinzi chipa kuti ulumbe akaambo kakulekelela nkwachita?

• Nziizili zyiimo zikonzya kupa kuti kutuyumine kumvwanana aabamwi?

Kujana twachitobelezya biyeni chikozyano chaJehova akuti tukkale katujisini abakombima? Bala Tusimpi 19:11, mpawo musandule mubuzyo uutobela:

• Kuti umwi wakubisizya, niinzi nzweelede kuchita kuti chiimo chitayindilili kubija?

Chimwi chiindi, nga twababisizya bamwi. Kuti eezi zyachitika, niinzi nzitweelede kuchita? Mweebele VIDIYO, mpawo musandule mubuzyo uutobela.

VIDIYO: Kubaa Luumuno Kweeta Zilongezyo (6:01)

• Niinzi nzyaakachita muchizi ooyu kuti abambulule luumuno?

6. Bona bubotu mbubalaabo bakwesu abachizi

Kuti twabaziba kabotu bakwesu abachizi, nga twaziba nzibakonzya anzibatakonzyi kuchita. Kujana twachita biyeni kuti tubikkile maanu kuzintu nzibakonzya? Mweebele VIDIYO, mpawo musandule mubuzyo uutobela.

VIDIYO: Ba Aamaboneno Aalikabotu! (5:10)

• Niinzi chikonzya kukugwasya kuti ubone buntu bubotu mbubalaabo bakwesu abachizi?

Jehova ubikkila maanu kubuntu bubotu mbutulaabo. Bala 2 Makani 16:9a, mpawo musandule mubuzyo uutobela:

• Kuziba kuti Jehova ubikkila maanu kubuntu bubotu mbulaabo kupa kuti umvwe biyeni?

CHIFWIINSYO

Ulakonzya kupa kuti mbungano ijatane kuti walekelela bamwi akuyanda bakwesu abachizi boonse.

Mibuzyo Yakwiindulula

• Kujana walizunda biyeni penzi lyakusaluulana?

• Uyoochitaanzi kuti wapambana amukombinyokwe?

• Nkamboonzi nuyelede kutobelezya chikozyano chaJehova chakulekelela?

YANDUULISISYA

Bona chikozyano chaJesu mbuchitugwasya kuti tutabeteki bamwi.

Gwisya Tanda Muliso Lyako (6:56)

Zilachita na kuti ukumbile lulekelelo nikuba kuti teenduwe pe wapambanisya?

“Kukumbila Lulekelelo Kupa Kuti Tubambe Luumuno” (Ngaziyakulinda, November 1, 2002)

Bona baalumi babili mbubakajatana nikuba kuti bakali kusaluulana.

Johny aGideon: Bakali Kusulana Pesi Lino Bakamvwanana (6:42)

Bona mbukonzya kubambulula kutamvwanana kakutanapambanisya luumuno luli mumbungano.

“Bambulula Kutamvwanana Munzila Yaluyando” (Ngaziyakulinda, May 2016)