Akxni nalikgalhtawakgaya Biblia, kaliskujti nalilatapaya tuku katsinipat. Kalilakpuwanti: «¿La nakmakgantaxti la uku chu kkilhtamaku nema aku mima tuku klikgalhtawakgama?». Kalilakpuwanti pi likgalhtawakgapat 1 Tesalonicenses 5:​17, 18. Katachokgo chu kalilakpuwanti tsinu chuna la tlawaya mioración. Akxni tlawaya oración, ¿xliputum minaku chuna tlawaya? ¿La xlimakglhuwa tlawaya oración? ¿Tuku lipaxtikatsiniya Jehová anta kmioración? Kalilakpuwanti pulaktutu tuku tlan nalipaxtikatsiniya Jehová. Komo nalilakpuwana uma pulaktutu tuku nawaniya Jehová, wix ni kaj kgaxpatpat nawan xTachuwin Dios, wata makgantaxtipata nawan. Komo chali chali chuna natlawaya akxni nalikgalhtawakgaya Biblia, chuna la natitaxtu kilhtamaku, tlakg tlan kskujni Jehová nalitaxtuya. w24.09 4, 5:​9, 10

Jehová lu tlan la kinkamalakatsukinitan: tlakg paxuwayaw akxni mastayaw nixawa akxni makglhtinanaw. Tlan makgkatsiyaw akxni kamakgtayayaw kinatalankan chu lakgatiyaw pi kakinkapaxtikatsinikgon. Pero maski ni nakinkapaxtikatsinikgoyan, napaxuwayaw xlakata katsiyaw pi tlawanitaw tuku tlan. Kalakapastakti pi maski lhuwa tuku namastaya, «Jehová tlan tlakg lhuwa tuku namaxkiyan» (2 Crón. 25:9). Chu lu kinkamakgapaxuwayan akxni katsiyaw pi xla nakinkasikulunatlawayan. Chuna, lu tlan nakitaxtu komo naliskujaw wi tuku namastayaw, chuna la tlawa kinTlatkan xalak akgapun. w24.09 30, 31:​20, 21

Jehová lu xalakgalhamana (Sal. 103:13; Is. 49:15). Akxni patinanaw, kinkaʼakgatekgsniyan chu nitlan limakgkatsi (Zac. 2:8). Kinkamakgtayayan xlakata xʼamigos nalitaxtuyaw (Sal. 25:14; Hech. 17:27). «Takilhputa xlakata naʼakxilha akgapun chu katiyatni, xlakata nayawa tiku taktuju» (Sal. 113:​6, 7). Putum uma tlawa pi lu namalankiputunaw. Malankiyaw Jehová xlakata lakaskinaw pi latamanin kalakgapaskgolh. Lhuwa tiku ni katsikgo tuku xaxlikana xlakata Dios xlakata Satanás malakgatuminit taʼakgsanin (2 Cor. 4:4). Kamakanajlinit pi Jehová malakgaxokgenan chu ni kinkalilakgaputsayan. Masiya pi wa Dios lin kuenta xlakata tuku nitlan lama. Pero akinin katsiyaw xaxlikana, chu tlan nakamakgtayayaw latamanin nakatsikgo xaxlikana, chu na namalankikgo kiDioskan (Is. 43:10). w25.01 3:​6, 7