Baibel Stadi Kos Em Ol Witnes Bilong Jehova i Save Mekim Em Wanem Samting?

Ol Witnes Bilong Jehova i givim rot long yu inap kisim save long ol tok bilong Baibel. Baibel stadi program bilong mipela inap helpim yu long:

• Stap amamas insait long famili

• Kamap pren bilong God

• Kisim save long tok promis bilong Baibel long ol samting bai kamap bihain

Long dispela pes

• Wanem samting i save kamap long Baibel stadi?

• Mi mas baim dispela stadi?

• Baibel stadi kos em longpela olsem wanem?

• Hau bai mi stat?

• Inap mi traim wanpela Baibel stadi pastaim?

• Sapos mi ekseptim Baibel stadi, tisa bai givim presa long mi long kamap wanpela Witnes Bilong Jehova?

• Inap mi yusim Baibel bilong mi yet?

• Inap mi invaitim ol narapela long joinim mi long stadi?

• Olsem wanem sapos bipo mi bin stadi long Baibel wantaim Ol Witnes Bilong Jehova? Mi inap stadi gen?

• I gat narapela rot bilong mekim Baibel stadi na i no gat tisa?

Wanpela tisa bai helpim yu long save gut long Baibel, em bai yusim ol narapela narapela topik. Taim yu stadi long Baibel long rot bilong dispela buk Stap Amamas Oltaim!, yu bai wok long kisim save long tok bilong Baibel, na olsem wanem dispela inap helpim yu. Bilong kisim sampela save moa, watsim dispela vidio.

Nogat. Mipela i bihainim tok Jisas i givim long ol disaipel bilong em: “Yupela i kisim fri, olsem na yupela i mas givim fri.” (Matyu 10:8) Ol tisa bilong mipela i no save kisim pe, na yu inap kisim fri Baibel o wanpela kopi bilong buk Stap Amamas Oltaim!

Dispela Baibel stadi kos i gat 60 lesen long en. Yu ken mekim long mak na skel bilong yu, tasol planti sumatin i laik mekim wanpela o tupela lesen insait long 1-pela wik.

1. 1. Pulapim fom long Intenet. Mipela bai yusim infomesen bilong yu long inapim rikwes yu salim long stretim rot long wanpela i ken kontektim yu.

2. 2. Wanpela tisa bai kontektim yu. Tisa bilong yu bai eksplenim wanem samting yu bai ekspektim long Baibel kos na em bai bekim ol askim bilong yu.

3. 3. Yu na tisa bilong yu bai stretim rot bilong stadi. Yupela i ken sindaun long haus na stadi, o yusim telefon, vidio kol, pas, o e-mail. Planti taim stadi i save stap olsem 1-pela aua, tasol stadi inap go longpela liklik winim 1 aua o sotpela taim aninit long 1-pela aua. Stadi bai i stret long sediul bilong yu.

Yes. Bilong mekim olsem, pulapim long Intenet. Taim wanpela tisa i kontektim yu, toksave long em olsem yu laik traim stadi pastaim bilong lukim sapos yu laikim o nogat. Em bai yusim buklet Stap Amamas Oltaim! we i gat 3-pela lesen bilong helpim yu lukim sapos yu enjoim stadi o nogat.

Nogat. Ol Witnes Bilong Jehova i amamas long skulim ol manmeri long Baibel, tasol mipela i no save putim presa long ol manmeri long joinim lotu bilong mipela. Mipela i rispektim tok Baibel i mekim, mipela luksave olsem wan wan man i gat rait long makim wanem samting em bai bilip long en.​—1 Pita 3:15.

Yes, yu ken yusim wanpela trenslesen bilong Baibel em yu yet i laikim. Mipela yet i enjoim Nupela Taim Trenslesen Bilong Ol Skripsa Holi bikos ol tok bilong em i klia na stret, tasol mipela i luksave olsem planti manmeri i amamas long yusim Baibel em ol i save gut long en.

Yes. Yu ken invaitim famili olgeta bilong yu o ol narapela pren.

Yes. Yu bai enjoim dispela nupela stadi kos winim bipo bikos mipela i apdeitim dispela kos bilong helpim gut ol manmeri. Em i gat planti vidio na em i winim ol Baibel stadi program bilong bipo.

Yes. Planti sumatin i kisim gut save taim ol i stadi wantaim wanpela tisa, tasol sampela i laik bai ol yet i ken mekim stadi bilong ol pastaim. Bible Study Tools pes long websait bilong mipela i listim ol fri buk na ol narapela samting long helpim yu long stadi long Baibel. Hia em sampela tul we inap helpim yu:

• Ol Lesen Bilong Baibel Stadi Long Intenet: Dispela ol lesen i bekim sampela bikpela askim bilong laip, olsem: God em i husat? Bilong wanem pen na hevi i stap? God bai pinisim pen na hevi?

• 

  Vidio Bilong Baibel. Ol dispela sotpela vidio i eksplenim ol bikpela tok bilong Baibel.

• 

  Bekim Bilong Ol Askim Bilong Baibel. Ol dispela ol atikol i gat bekim bilong planti ol askim bilong Baibel

• 

  Bible Verses Explained. Painimaut mining bilong ol ves na ol hap tok bilong Baibel em planti man i save long en.