2 Tihosi
15 Azariya+ n’wana wa Amaziya+ hosi ya Yuda u ve hosi hi lembe ra vu-27 ra Yerobuwamu hosi ya Israyele. 2 A a ri ni malembe ya 16 hi vukhale loko a sungula ku fuma, u fume malembe ya 52 eYerusalema.+ Vito ra mana wakwe a ku ri Yekoliya wa le Yerusalema. 3 U hambete a endla leswi lulameke ematihlweni ya Yehovha, hi ku landza hinkwaswo leswi Amaziya tata wakwe a swi endleke.+ 4 Ntsena tindhawu leti tlakukeke a ti nyamalalanga.+ Vanhu a va ha endla xitlhavelo ni ku mbulukisa xitlhavelo etindhawini leti tlakukeke.+ 5 Eku heteleleni Yehovha a ba hosi hi ntungu,+ yi hambeta yi va ni nhlokonho+ ku fikela esikwini ra ku fa ka yona, yi hambeta yi tshama endlwini ya yona yi nga endli nchumu,+ loko Yohatama+ n’wana wa hosi a langutela yindlu, a avanyisa+ vanhu va tiko. 6 Loko ku ri timhaka letin’wana ta Azariya ni hinkwaswo leswi a swi endleke, xana a swi tsariwanga ebukwini+ ya timhaka ta masiku ya tihosi ta Yuda? 7 Hi ku famba ka nkarhi Azariya a etlela ni vatata wakwe,+ kutani va n’wi lahla ni vatata wakwe eMutini wa Davhida; Yohatama n’wana wakwe a sungula ku fuma ematshan’weni ya yena.+
8 Hi lembe ra vu-38 ra Azariya+ hosi ya Yuda, Zakariya+ n’wana wa Yerobuwamu a va hosi ya Israyele eSamariya tin’hweti ta tsevu. 9 A hambeta a endla swo biha ematihlweni ya Yehovha hilaha vatata wakwe va endleke hakona.+ A nga sukanga eswidyohweni swa Yerobuwamu+ n’wana wa Nebati, leswi a dyohiseke Israyele ha swona.+ 10 Hiloko Xalumu n’wana wa Yabexe a n’wi endlela xikhiri,+ a n’wi hlasela+ eIbileyamu+ a n’wi dlaya, kutani a sungula ku fuma ematshan’weni ya yena. 11 Loko ku ri timhaka letin’wana ta Zakariya, ti tsariwile ebukwini+ ya timhaka ta masiku ya tihosi ta Israyele. 12 Rero a ku ri rito+ ra Yehovha leri a ri byeleke Yehu, a ku:+ “Vana+ va ta tshama exiluvelweni xa Israyele ku ya fika exitukulwaneni xa vumune hikwalaho ka wena.” Kutani swi va tano.+
13 Loko ku ri Xalumu n’wana wa Yabexe, a va hosi hi lembe ra vu-39 ra Uzhiya+ hosi ya Yuda, a ya emahlweni a fuma eSamariya n’hweti hinkwayo ya ku rhendzeleka ka n’weti.+ 14 Hiloko Menahema+ n’wana wa Gadhi a ta a huma eTirisa+ a fika eSamariya a hlasela Xalumu+ n’wana wa Yabexe eSamariya, a n’wi dlaya; kutani a sungula ku fuma ematshan’weni ya yena. 15 Loko ku ri timhaka letin’wana ta Xalumu ni xikhiri+ xakwe lexi a xi endleke, swi tsariwile ebukwini ya timhaka ta masiku ya tihosi ta Israyele. 16 Hi wona nkarhi lowu Menahema a hlaseleke Tifisa ni hinkwaswo leswi a swi ri eka wona ni ndhawu ya wona ku suka eTirisa, hikuva a wu pfulanga, hiloko a wu hlasela. Vavasati hinkwavo va wona lava tikeke a va handzula makhwiri.+
17 Hi lembe ra vu-39+ ra Azariya hosi ya Yuda, Menahema n’wana wa Gadhi a va hosi ya Israyele malembe ya khume eSamariya. 18 A hambeta a endla swo biha ematihlweni ya Yehovha.+ A nga sukanga eswidyohweni hinkwaswo swa Yerobuwamu+ n’wana wa Nebati, leswi a dyohiseke Israyele ha swona,+ masiku yakwe hinkwawo. 19 Pulu+ hosi ya Asiriya+ a fika etikweni. Hiloko Menahema a nyika+ Pulu titalenta ta silivherhe ta 1 000,+ leswaku mavoko yakwe ma va na yena leswaku ma tiyisa mfumo evokweni rakwe.+ 20 Kutani Menahema a humesa silivhere hi ku sindzisa Israyele ni ku sindzisa vavanuna hinkwavo va vurhena+ leswaku wanuna un’wana ni un’wana a nyika hosi ya Asiriya tixikele ta silivhere ta 50. Hiloko hosi ya Asiriya yi tlhela, a yi tshamanga etikweni rero. 21 Loko ku ri timhaka letin’wana ta Menahema+ ni hinkwaswo leswi a swi endleke, xana a swi tsariwanga ebukwini+ ya timhaka ta masiku ya tihosi ta Israyele? 22 Eku heteleleni Menahema a etlela ni vatata wakwe, Pekahiya+ n’wana wakwe a sungula ku fuma ematshan’weni ya yena.
23 Hi lembe ra vu-50 ra Azariya hosi ya Yuda, Pekahiya n’wana wa Menahema a va hosi ya Israyele eSamariya malembe mambirhi.+ 24 A hambeta a endla swo biha ematihlweni ya Yehovha.+ A nga sukanga eswidyohweni swa Yerobuwamu+ n’wana wa Nebati, leswi a dyohiseke Israyele ha swona.+ 25 Hiloko Peka+ n’wana wa Remaliya loyi a nga xandla xa mufambisi wa nyimpi+ yakwe a n’wi endlela xikhiri,+ a n’wi hlasela eSamariya exihondzweni xo tshama eka xona xa yindlu ya hosi,+ a ri na Arigobi na Ariye, a a ri ni vavanuna va 50 va vana va Giliyadi. Kutani a n’wi dlaya a sungula ku fuma ematshan’weni ya yena. 26 Loko ku ri timhaka letin’wana ta Pekahiya ni hinkwaswo leswi a swi endleke, swi tsariwile ebukwini+ ya timhaka ta masiku ya tihosi ta Israyele.
27 Hi lembe ra vu-52 ra Azariya hosi ya Yuda, Peka+ n’wana wa Remaliya+ a va hosi ya Israyele eSamariya malembe ya 20. 28 A hambeta a endla swo biha ematihlweni ya Yehovha.+ A nga sukanga eswidyohweni swa Yerobuwamu+ n’wana wa Nebati, leswi a dyohiseke Israyele ha swona.+ 29 Emasikwini ya Peka hosi ya Israyele, Tiglata-pilizere+ hosi ya Asiriya+ a fika a teka Iyona+ na Avele-bete-maka+ na Yanowa na Kedexi+ na Hasora+ na Giliyadi+ na Galeliya,+ tiko hinkwaro ra Neftali+, a ma yisa evukhumbini eAsiriya.+ 30 Eku heteleleni Hoxeya+ n’wana wa Elaha a endlela Peka n’wana wa Remaliya xikhiri,+ a n’wi hlasela+ a n’wi dlaya; kutani a sungula ku fuma ematshan’weni ya yena hi lembe ra vu-20 ra Yohatama+ n’wana wa Uzhiya. 31 Loko ku ri timhaka letin’wana ta Peka ni hinkwaswo leswi a swi endleke, swi tsariwile ebukwini+ ya timhaka ta masiku ya tihosi ta Israyele.
32 Hi lembe ra vumbirhi ra Peka n’wana wa Remaliya, hosi ya Israyele, Yohatama+ n’wana wa Uzhiya+ hosi ya Yuda a va hosi. 33 A a ri ni malembe ya 25 hi vukhale loko a sungula ku fuma, u fume eYerusalema malembe ya 16. Vito ra mana wakwe a ku ri Yeruxa n’wana wa Sadoki.+ 34 A hambeta a endla leswi lulameke ematihlweni ya Yehovha.+ U endle hilaha Uzhiya tata wakwe a endleke hakona.+ 35 Ntsena tindhawu leti tlakukeke a ti nyamalalanga. Vanhu a va ha endla xitlhavelo naswona a va ha mbulukisa xitlhavelo etindhawini leti tlakukeke.+ Hi yena la akeke nyangwa ya le henhla ya yindlu ya Yehovha.+ 36 Loko ku ri timhaka letin’wana ta Yohatama, leswi a swi endleke, xana a swi tsariwanga ebukwini ya timhaka ta masiku ya tihosi ta Yuda?+ 37 Emasikwini wolawo, Yehovha a sungula ku rhumela+ Resini+ hosi ya Siriya na Peka+ n’wana wa Remaliya leswaku va lwa na Yuda. 38 Eku heteleleni Yohatama a etlela ni vatata wakwe, a lahliwa ni vatata wakwe eMutini wa Davhida kokwa wakwe;+ kutani Akazi+ n’wana wakwe a sungula ku fuma ematshan’weni ya yena.