Tipisalema

129 “I khale swinene va ndzi venga ku sukela evuntshweni bya mina,”+

Sweswi Israyele a a vule a ku,+

 2 “I khale swinene va ndzi venga ku sukela evuntshweni bya mina;+

Hambiswiritano a va ndzi hlulanga.+

 3 Varimi va rime ehenhla ka nhlana wa mina;+

Va lehise migerho ya vona.”

 4 Yehovha u lulamile.+

U tsemelele mapindza ya lavo homboloka.+

 5 Va ta khomiwa hi tingana va tlhentlha,+

Hinkwavo lava vengaka Siyoni.+

 6 Va ta fana ni byanyi bya rihlaza bya malwangu,+

Lebyi omeke byi nga si simuriwa,+

 7 Lebyi mutshoveri a nga tatangiki voko rakwe hi byona,+

Hambi ku ri la hlengeletaka tinyandza a nga tatangiki xifuva xakwe.

 8 Hambi ku ri lava va hundzaka a va vulanga va ku:

“Nkateko wa Yehovha a wu ve ehenhla ka n’wina.+

Hi mi katekisile evitweni ra Yehovha.”+