Tipisalema

63 Oho Xikwembu, u Xikwembu xanga, ndzi hambeta ndzi ku lava.+

Moya-xiviri wa mina wu ni torha ra wena.+

Nyama ya mina yi ku navela hi mahika

Etikweni leri omeke ni leri feke, laha ku nga riki na mati.+

 2 Kutani ndzi ku vone endhawini yo kwetsima,+

Ndzi vone ntamu wa wena ni ku vangama+ ka wena.

 3 Hikuva musa wa wena wa rirhandzu wa antswa ku tlula vutomi,+

Milomu ya mina yi ta ku bumabumela.+

 4 Hikwalaho ndzi ta ku dzunisa enkarhini wa ku hanya ka mina;+

Ndzi ta tlakusela swandla+ swa mina evitweni ra wena.

 5 Moya-xiviri wa mina wu enerisiwa hi xiphemu lexinene, xo nona,+

Naswona nomu wa mina wu huwelela wu dzunisa+ hi milomu leyi tsakeke.

 6 Loko ndzi ku tsundzuka ndzi ri ehenhla ka xilawu xa mina,+

Ndzi anakanyisisa ha wena exikarhi ka ku rindza ka nivusiku.+

 7 Hikuva u tikombe u ri mpfuno eka mina,+

Naswona endzhutini wa timpapa ta wena ndzi huwelele hi ku tsaka.+

 8 Moya-xiviri wa mina wu ku landzelele ekusuhi;+

Voko ra wena ra xinene ri ndzi khoma swi tiya.+

 9 Loko ku ri lava va tshamelaka ku lava moya-xiviri wa mina leswaku va wu lovisa,+

Va ta ta eswiphen’wini swa le hansi swa misava.+

10 Va ta nyiketiwa ematimbeni ya banga;+

Va ta va xiphemunyana xa tinhlati.+

11 Hosi yi ta titsakela eka Xikwembu.+

Un’wana ni un’wana la hlambanyaka ha xona u ta tibuma,+

Hikuva milomu ya lava va vulavulaka mavunwa yi ta siviwa.+