Tipisalema

79 Oho Xikwembu, matiko ma tile endzhakeniya wena;+

Ma thyakise tempele ya wena yo kwetsima;+

Ma endle Yerusalema wu va nhulu ya marhumbi.+

 2 Ma teke ntsumbu wa malandza ya wena ma wu nyika tinyenyana ta matilo leswaku wu va swakudya swa tona,+

Nyama ya lava tshembekeke va wena eka swivandzana swo leva swa misava.+

 3 Va chulule ngati ya vona ku fana ni mati

Ku rhendzela Yerusalema, naswona a nga kona la va lahlaka.+

 4 Hi ve ndzhukano eka vaakelani va hina,+

Xihlekulo ni xisandzu eka lava va hi rhendzeleke.+

 5 Oho Yehovha, xana u ta hlundzuka ku fikela rini? Hilaha ku nga heriki?+

Xana ku hiseka ka wena ku ta pfurha ku fana ni ndzilo ku fikela rini?+

 6 Chululela vukarhi bya wena ehenhla ka matiko lama nga ku tivangiki,+

Ni le henhla ka mimfumo leyi nga ri vitanangiki vito ra wena.+

 7 Hikuva ma dye Yakobe,+

Naswona ma lovise ndhawu yakwe yo tshama eka yona.+

 8 U nga tsundzuki swidyoho swa vakokwana eka hina.+

Hatlisa! Tintswalo ta wena a ti hi hlangavete,+

Hikuva hi endliwe swisiwana ngopfu.+

 9 Hi pfune, Wena Xikwembu xa ku ponisiwa ka hina,+

Hikwalaho ka ku vangama ka vito ra wena;+

Hi kutsule u tlhela u funengeta swidyoho swa hina hikwalaho ka vito ra wena.+

10 Ha yini matiko ma fanele ma ku: “Xikwembu xa vona xi kwihi?”+

Exikarhi ka matiko a ku tiviwe emahlweni ka mahlo ya hina+

Ku rihiseriwa ka ngati leyi halatiweke ya malandza ya wena.+

11 Onge nhlomulo wa mukhotsiwa wu nga fika emahlweni ka wena.+

Hi ku ya hi vukulu bya voko ra wena, hlayisa lava yaka eku feni.+

12 Tlherisela vaakelani va hina ka nkombo exifuveni xa vona+

Ndzhukano lowu va ku rhukaneke ha wona, Wena Yehovha.+

13 Loko ku ri hina vanhu va wena ni ntlhambi wa madyelo ya wena,+

Hi ta ku nkhensa hilaha ku nga riki na makumu;

Hi ta vula ku dzuneka ka wena ku suka eka xitukulwana xin’wana ku ya eka xitukulwana xin’wana.+