Tipisalema

95 Tanani hi huwelela hi ku tsaka eka Yehovha!+

A hi huweleleni hi ku hlula eka Ribye ra hina ra ku ponisa.+

 2 A hi yeni emahlweni ka yena hi ku nkhensa;+

A hi n’wi yimbeleleleni miloti hi ku hlula.+

 3 Hikuva Yehovha i Xikwembu lexikulu+

Hosi leyikulu ehenhla ka swikwembu+ leswin’wana hinkwaswo,

 4 Evokweni rakwe ku ni ku enta lokukulu ka misava+

Naswona tinhlohlorhi ta tintshava i ta yena;+

 5 Loyi lwandle leri a ri endleke ri nga ra yena+

Loyi mavoko yakwe ma vumbeke misava leyi omeke.+

 6 Tanani, a hi gandzeleni, hi nkhinsama;+

A hi nkhinsameni+ emahlweni ka Yehovha Muendli wa hina.+

 7 Hikuva i Xikwembu xa hina, naswona hina hi vanhu va madyelo ya yena ni tinyimpfu ta voko rakwe.+

Namuntlha loko mi yingisa rito rakwe,+

 8 Mi nga nonon’hwisi mbilu ya n’wina ku fana ni le Meriba,+

Ku fana ni le masikwini ya Massa emananga,+

 9 Loko vatata wa n’wina va ndzi ringa;+

Va ndzi kamberile, va tlhele va vona ntirho wa mina.+

10 Ndzi nyenye xitukulwana xexo ku ringana malembe ya 40,+

Kutani ndzi ku:

“I vanhu lava hambukeke embilwini,+

Naswona vona a va ti tivanga tindlela ta mina”;+

11 Ndzi hlambanyile ndzi hlundzukile malunghana na vona ndzi ku:+

“A va nge ngheni endhawini ya mina yo wisela eka yona.”+