Yonasi
2 Kutani Yonasi a khongela Yehovha Xikwembu xa yena a ri eswirhweni swa le ndzeni swa nhlampfi+ 2 a ku:
“Ndzi huwelele Yehovha emaxangwini ya mina,+ yena u ndzi hlamurile.+
Ndzi kombele ku pfuniwa ndzi ri ekhwirini ra Sheol.+
U ri twile rito ra mina.+
3 Loko u ndzi lahlela evuentweni, endzeni-ndzeni ka lwandle leri pfulekeke,+
Kutani nambu wu ndzi rhendzela.
Maboboma ya wena hinkwawo ni magandlati ya wena—ma hundze ehenhla ka mina.+
4 Loko ku ri mina, ndzi te, ‘Ndzi hlongoriwile emahlweni ka mahlo ya wena!+
Xana ndzi nga tlhela ndzi yi languta njhani tempele ya wena yo kwetsima?’+
5 Mati ma ndzi rhendzerile ku ta fika eka moya-xiviri;+ xidziva xa mati xi ndzi rhendzerile.
Mfava a wu tsondzele nhloko yanga.
6 Ndzi rhelele ndzi ya ehansi ka tintshava.
Loko ku ri misava, swigogo swa yona a swi ri ehenhla ka mina hilaha ku nga riki na makumu.
Kambe vutomi bya mina u byi humesile emugodini, Wena Yehovha Xikwembu xanga.+
7 Loko moya-xiviri wa mina wu tsanile endzeni ka mina,+ Yehovha hi Yena loyi ndzi n’wi tsundzukeke.+
Kutani xikhongelo xa mina xi ta eka wena, etempeleni ya wena yo kwetsima.+
8 Loko ku ri lava va hlayisaka swifaniso swa hava leswi nga riki swa ntiyiso, va siya musa wa vona wa rirhandzu.+
9 Loko ku ri mina, ndzi ta ku endlela xitlhavelo hi rito ro nkhensa.+
Ndzi ta hakela leswi ndzi swi tshembiseke hi ku hlambanya.+ Ku ponisa i ka Yehovha.”+
10 Hi ku famba ka nkarhi, Yehovha a lerisa nhlampfi, kutani yi hlantela Yonasi eribuweni.+