Yohane
16 “Ndzi mi byele swilo leswi leswaku mi nga khunguvanyeki.+ 2 Vanhu va ta mi hlongola esinagogeni.+ Entiyisweni, nkarhi wa ta lowu un’wana ni un’wana loyi a mi dlayaka a nga ta anakanya leswaku u endlele Xikwembu+ ntirho wo kwetsima. 3 Kambe va ta endla swilo leswi hikuva a va n’wi tivanga Tatana kumbe mina.+ 4 Nilokoswiritano, ndzi mi byele swilo leswi leswaku, loko ku fika nkarhi wa swona, mi tsundzuka leswaku ndzi mi byele swona.+
“Hambiswiritano, swilo leswi a ndzi mi byelanga eku sunguleni, hikuva a ndzi ri na n’wina. 5 Kambe sweswi ndzi ya eka loyi a ndzi rhumeke,+ kambe a nga kona ni un’we wa n’wina la ndzi vutisaka a ku, ‘U ya kwihi?’ 6 Kambe hikwalaho ka leswi ndzi mi byeleke swilo leswi, timbilu ta n’wina ti tele gome.+ 7 Nilokoswiritano, ndzi mi byela ntiyiso, Ku famba ka mina ku pfuna n’wina. Hikuva loko ndzi nga fambi, mupfuni+ a nge pfuki a tile eka n’wina; kambe loko ndzi famba, ndzi ta n’wi rhuma eka n’wina. 8 Kutani loko a fika u ta nyika misava vumbhoni lebyi khorwisaka malunghana ni xidyoho, malunghana ni ku lulama, malunghana ni vuavanyisi:+ 9 xo sungula, malunghana ni xidyoho,+ hikuva a va pfumeli eka mina;+ 10 kutani malunghana ni ku lulama,+ hikuva ndzi ya eka Tatana naswona a mi nge he ndzi voni; 11 kutani malunghana ni vuavanyisi,+ hikuva mufumi wa misava leyi u avanyisiwile.+
12 “Ndza ha ri ni swilo swo tala swo mi byela swona, kambe sweswi a mi swi koti ku swi byarha.+ 13 Hambiswiritano, loko a fika, moya wa ntiyiso,+ u ta mi kongomisa entiyisweni hinkwawo, hikuva a nge vulavuli hi ku tisungulela, kambe u ta vula swilo leswi a swi twaka, naswona u ta mi byela swilo leswi taka.+ 14 Yena u ta ndzi vangamisa,+ hikuva u ta amukela leswi nga swa mina naswona u ta mi byela swona.+ 15 Hinkwaswo swilo leswi Tatana a nga na swona i swa mina.+ Hi yona mhaka leyi ndzi vuleke leswaku u amukela leswi nga swa mina a mi byela swona. 16 Hi nkarhinyana a mi nge he ndzi voni,+ nakambe, hi nkarhinyana mi ta ndzi vona.”
17 Hikokwalaho van’wana va vadyondzisiwa vakwe va byelana va ku: “Xana swi vula yini leswi a hi byelaka a ku, ‘Hi nkarhinyana a mi nge ndzi voni, nakambe, hi nkarhinyana mi ta ndzi vona,’ ni leswaku, ‘hikuva ndzi ya eka Tatana’?” 18 Hikwalaho va ku: “Xana swi vula yini leswi a nge, ‘hi nkarhinyana’? A hi swi tivi leswi a vulavulaka ha swona.” 19 Yesu a a swi tiva+ leswaku va lava ku n’wi vutisa, hiloko a ku eka vona: “Xana mi vutisana hi leswi, hikuva ndzi te, Hi nkarhinyana a mi nge ndzi voni, nakambe, hi nkarhinyana mi ta ndzi vona? 20 Hakunene ndzi tiyisile ndzi ri eka n’wina, Mi ta rila mi kalakala, kambe misava yi ta tsaka; mi ta va ni gome,+ kambe gome ra n’wina ri ta hundzuriwa ntsako.+ 21 Wansati, loko a veleka, u va ni gome, hikuva nkarhi wakwe wu fikile;+ kambe loko a velekile, a nga ha wu tsundzuki nhlomulo hikwalaho ka ntsako wa leswi ku velekiweke munhu emisaveni. 22 Hikokwalaho, na n’wina sweswi, mi ni gome hakunene; kambe ndzi ta tlhela ndzi mi vona kutani timbilu ta n’wina ti ta tsaka,+ naswona a nga kona loyi a nga ta mi tekela ntsako wa n’wina. 23 Naswona esikwini+ rero a mi nge ndzi vutisi xivutiso nikatsongo. Hakunene ndzi tiyisile ndzi ri eka n’wina, Loko mi kombela xin’wana ni xin’wana eka Tatana,+ u ta mi nyika xona hi vito+ ra mina. 24 Ku fikela enkarhini wa sweswi a mi si kombela nchumu ni wun’we hi vito ra mina. Kombelani mi ta swi kuma, leswaku ntsako wa n’wina wu tatiwa.+
25 “Ndzi mi byele swilo leswi hi swifananiso.+ Nkarhi wa ta lowu ndzi nga ta ka ndzi nga ha vulavuli na n’wina hi swifananiso, kambe ndzi ta mi vikela hi ku kongoma malunghana na Tatana. 26 Esikwini rero mi ta kombela hi vito ra mina, naswona a ndzi vuli eka n’wina leswaku ndzi ta endla xikombelo eka Tatana malunghana na n’wina. 27 Hikuva Tatana u ni xinakulobye eka n’wina, hikuva mi ve ni xinakulobye eka mina+ mi tlhela mi kholwa leswaku ndzi tile ndzi ri muyimeri wa Tatana.+ 28 Ndzi huma eka Tatana ndzi ta emisaveni. Ku tlula kwalaho, ndzi siya misava, ndzi ya eka Tatana.”+
29 Vadyondzisiwa vakwe va ku: “Waswivo! Sweswi u vulavula hi ku kongoma, naswona a wu vuli xifananiso. 30 Sweswi ha swi tiva leswaku u tiva swilo hinkwaswo+ naswona a wu lavi munhu loyi a nga ku vutisaka.+ Hikwalaho ka leswi ha kholwa leswaku u huma eka Xikwembu.”+ 31 Yesu a va hlamula a ku: “Xana sweswi ma kholwa? 32 Maswivo! Nkarhi wa ta, hakunene, wu tile, lowu mi nga ta hangalakela etindlwini+ ta n’wina naswona mi ta ndzi siya ndzi ri swanga; kambe a ndzi swanga, hikuva Tatana u na mina.+ 33 Ndzi mi byele swilo leswi leswaku hikwalaho ka mina mi va ni ku rhula.+ Emisaveni mi ni nhlomulo, kambe tiyani timbilu! Misava+ ndzi yi hlurile.”