Deteronoma

30 “Kutaku loko marito la-​wa hinkwawo ma ta ehenhla ka wena, nkateko+ ni ndzhukano+ leswi ndzi swi vekeke emahlweni ka wena naswona u swi pfuxetile embilwini+ ya wena exikarhi ka matiko hinkwawo lawa Yehovha Xikwembu xa wena a nga ta ku hangalasela eka wona,+ 2 naswona u tlhelele eka Yehovha Xikwembu xa wena,+ u yingise rito rakwe hi ku landza hinkwaswo leswi ndzi ku lerisaka swona namuntlha, wena ni vana va wena, hi mbilu ya wena hinkwayo ni hi moya-xiviri wa wena hinkwawo,+ 3 Yehovha Xikwembu xa wena u fanele a tlhela a vuyisa lava nga makhumbi ya n’wina,+ a ku komba tintswalo+ naswona a tlhela a ku vuyisa eka vanhu hinkwavo lava Yehovha Xikwembu xa wena a ku hangalaseleke eka vona.+ 4 Loko varikwenu lava hangalakeke vo va emakumu ka matilo, Yehovha Xikwembu xa wena u ta ku vuyisa u suka kona naswona u ta ku susa kwalaho.+ 5 Yehovha Xikwembu xa wena u ta ku tisa etikweni leri vatata wa wena va ri fuweke, kunene u ta ri teka; yena u ta ku endlela leswinene, a ku andzisa ku tlula vatata wa wena.+ 6 Yehovha Xikwembu xa wena u ta boheka ku yimbisa mbilu ya wena+ ni mbilu+ ya vana va wena, leswaku u rhandza Yehovha Xikwembu xa wena hi mbilu ya wena hinkwayo ni hi moya-xiviri wa wena hinkwawo, hikwalaho ka vutomi bya wena.+ 7 Kunene Yehovha Xikwembu xa wena u ta veka swihlambanyo leswi hinkwaswo ehenhla ka valala va wena ni le ka lava va ku vengaka, lava va ku xaniseke.+

8 “Loko ku ri wena, u ta hundzuluka, kunene u yingisa rito ra Yehovha, u endla swileriso swakwe hinkwaswo leswi ndzi ku lerisaka swona namuntlha.+ 9 Hakunene Yehovha Xikwembu xa wena u ta ku endla u va ni swilo swo tala ngopfu entirhweni wun’wana ni wun’wana wa voko ra wena,+ embhandzwini wa khwiri ra wena ni le mbhandzwini wa swifuwo+ swa wena ni le mihandzwini ya misava ya wena,+ swi endla leswaku u humelela;+ hikuva Yehovha u ta ku tsakela hi leswinene, hilaha a tsakeleke vatata wa wena hakona;+ 10 hikuva u ta yingisa rito ra Yehovha Xikwembu xa wena leswaku u hlayisa swileriso swakwe ni milawu yakwe leyi tsariweke ebukwini leyi ya nawu,+ hikuva u ta tlhelela eka Yehovha Xikwembu xa wena hi mbilu ya wena hinkwayo ni hi moya-xiviri wa wena hinkwawo.+

11 “Hikuva xileriso lexi ndzi ku lerisaka xona namuntlha a xi nonon’hwi ngopfu eka wena, hambi ku ri ku va ekule swinene.+ 12 A xi le matilweni lerova u nga vula u ku, ‘Xana i mani la nga ta hi tlhandlukela a ya ematilweni a hi kumela xona, leswaku a hi twisa xona, hi xi endla?’+ 13 Naswona a xi le ntsungeni wa lwandle lerova u nga vula u ku, ‘Xana i mani la nga ta hi pelela a ya entsungeni wa lwandle, a ya hi kumela xona, leswaku a hi twisa xona, hi xi endla?’ 14 Hikuva rito leri ri le kusuhi ngopfu na wena, enon’wini wa wena ni le mbilwini ya wena,+ leswaku u ri endla.+

15 “Waswivo, ndzi veka emahlweni ka wena namuntlha vutomi ni vunene, rifu ni vubihi.+ 16 [Loko u ta yingisa swileriso swa Yehovha Xikwembu xa wena,] leswi ndzi ku lerisaka swona namuntlha, leswaku u rhandza Yehovha Xikwembu xa wena,+ u famba etindleleni takwe naswona u hlayisa swileriso swakwe+ ni milawu yakwe ni swiboho swakwe swa vuavanyisi,+ kutani u ta boheka ku ya emahlweni u hanya,+ u andza, Yehovha Xikwembu xa wena u fanele a ku katekisa etikweni leri u nghenaka ku ya ri teka.+

17 “Kambe loko mbilu ya wena yi hambuka, u nga yingisi,+ entiyisweni u kanganyisiwa naswona u nkhinsamela swikwembu swin’wana, u swi tirhela,+ 18 ndza mi byela namuntlha leswaku mi ta lova hakunene.+ A mi nge lehisi masiku ya n’wina emisaveni leyi mi pelaka Yordani ku ya yi teka. 19 Ndzi teka matilo ni misava swi va timbhoni ehenhla ka n’wina namuntlha,+ leswaku ndzi veke vutomi ni rifu,+ nkateko+ ni ndzhukano+ emahlweni ka n’wina; mi fanele mi hlawula vutomi leswaku mi ta ya emahlweni mi hanya,+ n’wina ni vana va n’wina,+ 20 hi ku rhandza Yehovha Xikwembu xa n’wina,+ hi ku yingisa rito rakwe ni ku n’wi namarhela,+ hikuva yena i vutomi bya n’wina ni ku leha ka masiku ya n’wina,+ leswaku mi tshama ehenhla ka misava leyi Yehovha a yi hlambanyeleke vatata wa n’wina Abrahama, Isaka na Yakobe ku va nyika yona.”+