1 Samuwele
6 Areka+ ya Yehovha yi va etikweni ra Vafilisita ku ringana tin’hweti ta nkombo. 2 Kutani Vafilisita va vitana vaprista ni vavhumbhi,+ va ku: “Xana hi endla yini hi areka ya Yehovha? Hi byeleni nchumu lowu hi nga ta yi fambisa ha wona yi ya endhawini ya yona.” 3 Hiloko va ku: “Loko mi tshika areka ya Xikwembu xa Israyele yi famba, mi nga yi fambisi yi nga ri na gandzelo, hikuva mi fanele mi xi tlherisela gandzelo ra nandzu.+ Hi kona mi nga ta hola, kutani mi fanele mi swi tiva leswi swi endlaka leswaku voko ra xona ri nga suki eka n’wina.” 4 Hiloko va ku: “Hi rihi gandzelo ra nandzu leri hi faneleke ku ri tlherisela eka xona?” Va ku: “Mimpfimbo ya swiheta-mavele swa nsuku swa ntlhanu na vamantlobye va nsuku va ntlhanu, hi ku ya hi nhlayo ya tihosi leti tirhisanaka+ ta Vafilisita, eka un’wana ni un’wana wa n’wina ni tihosi leti tirhisanaka ta n’wina ti va ni ntungu lowu fanaka. 5 Mi fanele mi endla swifaniso swa mimpfimbo ya swiheta-mavele swa n’wina ni swifaniso swa vamantlobye+ va n’wina lava lovisaka tiko, mi vangamisa+ Xikwembu xa Israyele. Kumbexana xi ta vevukisa voko ra xona eka n’wina ni le ka xikwembu xa n’wina ni le ka tiko ra n’wina.+ 6 Nakambe, ha yini mi fanele mi nonon’hwisa mbilu ya n’wina hilaha Egipta na Faro va nonon’hwiseke mbilu ya vona hakona?+ Xana a va va tshikanga va famba hi ku hatlisa loko xi va twise ku vava,+ kutani va famba?+ 7 Sweswi, tekani, mi endla golonyi+ leyintshwa ni tihomu timbirhi leti an’wisaka, leti nga si tshamaka ti rhwexiwa joko,+ mi fanele mi bohela tihomu egolonyini mi tlherisa marhole ya tona ekaya leswaku ma nga ti landzeli. 8 Mi fanele mi teka areka ya Yehovha mi yi veka ehenhla ka golonyi ni swilo swa nsuku+ leswi mi faneleke mi swi tlherisela eka yena swi va gandzelo ra nandzu,+ mi ta swi veka ebokisini etlhelo ka yona. Mi fanele mi yi tshika yi famba, yi fanele yi famba. 9 Mi fanele mi languta: loko yo tlhandluka hi gondzo ra ndhawu ya yona yi ya eBeta-xemexe,+ hi xona lexi endleke vubihi lebyi lebyikulu; kambe loko swi nga ri tano, hi fanele hi tiva leswaku a ku nga ri voko ra xona leri ri hi khumbeke; hi weriwa hi khombo.”+
10 Vavanuna lava va endla hi ndlela yoleyo. Kutani va teka tihomu timbirhi leti a ti an’wisa va ti bohela egolonyini, va pfalela marhole ya tona ekaya. 11 Hiloko va veka areka ya Yehovha ehenhla ka golonyi,+ va veka ni bokisi ni vamantlobye va nsuku ni swifaniso swa mimpfimbo ya vona ya swiheta-mavele. 12 Tihomu ti famba ti kongoma egondzweni leri yaka eBeta-xemexe.+ Ti fambe hi gondzo rin’we lerikulu, ti famba ti ri karhi ti rila, a ti hambukelanga exineneni kumbe eximatsini. Nkarhi wolowo hinkwawo tihosi leti tirhisanaka+ ta Vafilisita a ti famba endzhaku ka tona ku ya fika endzilakaneni wa Beta-xemexe. 13 Vanhu va Beta-xemexe a va tshovela+ koroni erivaleni ra le hansi. Loko va tlakusa mahlo va vona Areka, va tsakela ku yi vona. 14 Kutani golonyi yi fika ensin’wini ya Yoxuwa lowa Mubeta-xemexe, yi hambeta yi yima kona, laha a ku ri ni ribye lerikulu. Hiloko va pandza ntsandza wa golonyi, va nyikela tihomu+ ti va gandzelo ro hisiwa eka Yehovha.+
15 Kutani Valevhi+ va hawula areka ya Yehovha ni bokisi leri a ri ri na yona, leri a ku ri ni swilo swa nsuku eka rona, va yi veka ehenhla ka ribye lerikulu. Loko ku ri vavanuna va Beta-xemexe+ va humese magandzelo yo hisiwa, va ya emahlweni va endlela Yehovha switlhavelo esikwini rero.
16 Tihosi leti tirhisanaka+ ta ntlhanu ta Vafilisita ti swi vonile, hiloko ti tlhelela aEkroni esikwini rero. 17 Kutani mimpfimbo ya swiheta-mavele swa nsuku leswi Vafilisita va swi tlheriseke swi va gandzelo ra nandzu eka Yehovha hi leswi:+ eka Axidodo+ xin’we, eka Gaza+ xin’we, eka Axikeloni+ xin’we, eka Gati+ xin’we, eka Ekroni+ xin’we. 18 Kutani vamantlobye va nsuku a va ringana nhlayo ya miti hinkwayo ya Vafilisita leyi yi nga ya tihosi leti tirhisanaka ta ntlhanu, ku sukela emutini lowu tiyisiweke ku ya eximutanini xa tiko leri pfulekeke.
Ribye lerikulu leri a va veke areka ya Yehovha ehenhla ka rona i mbhoni ku ta fikela esikwini leri ensin’wini ya Yoxuwa lowa Mubeta-xemexe. 19 Hiloko a dlaya vanhu va Beta-xemexe+ hikuva a va langute ehenhla ka areka ya Yehovha. Hikwalaho a dlaya exikarhi ka vanhu, vavanuna va 70—vavanuna va 50 000—vanhu va sungula ku rila hikuva Yehovha u dlaye vanhu vo tala.+ 20 Ku tlula kwalaho, vavanuna va Beta-xemexe va ku: “Xana i mani la nga swi kotaka ku yima emahlweni ka Yehovha Xikwembu lexi xo kwetsima,+ naswona loko a hi tshika u ta ya eka mani?”+ 21 Eku heteleleni va rhuma varhumiwa eka vaaki va Kiriyati-yeyarimi,+ va ku: “Vafilisita va tlherisele areka ya Yehovha. Rhelelani. Yi tekeni yi va ya n’wina.”+