28 “U ta vitana Aroni makwenu exikarhi ka Vaisrayele ni vana vakwe leswaku a ta va muprista wa mina,+ Aroni+ swin’we na Nadabu, Abihu,+ Eliyazara na Ithamara+ vana va Aroni.+ 2 U ta endlela Aroni makwenu swiambalo swo kwetsima swi tlhela swi saseka leswaku a xiximeka.+ 3 U ta vulavula ni vanhu hinkwavo lava nga ni vuswikoti,* lava ndzi va nyikeke vutlhari,*+ kutani va ta endlela Aroni swiambalo leswi kombisaka leswaku u hlawuriwile leswaku a va muprista wa mina.

40 “U ta tlhela u endlela vana va Aroni swiambalo swo leha, mabandhi ni maduku,+ swi saseka leswaku va xiximeka.+

43 Swi fanele swi ambariwa hi Aroni ni vana vakwe loko va ya etendeni ra nhlengeletano kumbe loko va ya ealtarini va ya tirha endhawini yo kwetsima leswaku va nga endli xidyoho, kutani va fa. I nawu wa hilaha ku nga heriki eka yena ni vatukulu* vakwe.

15 U ta va chela hi mafurha hilaha u endleke hakona eka tata wa vona+ leswaku va va vaprista va mina naswona va ta va vaprista va mina, vona swin’we ni vatukulu va vona hilaha ku nga heriki.”+