12 Nakambe loko a endla magandzelo, Absalomu a vitana Ahitofele+ wa le Gilo, mutsundzuxi+ wa Davhida, a suka emutini wa yena eGilo.+ Xikungu a xi ya xi tiya naswona nhlayo ya vanhu lava a va seketela Absalomu a yi ya yi andza.+

31 Kutani Davhida a byeriwa leswi: “Ahitofele i un’wana wa lava bohaka xikungu+ na Absalomu.”+ Hiloko Davhida a ku: “Yehovha,+ ndzi kombela u pfilunganya switsundzuxo swa Ahitofele!”+