29 “Loko Yehovha Xikwembu xa wena a lovisa matiko lawa u nga ta ma hlongola+ kutani u tshama etikweni ra wona, 30 tivonele leswaku u nga phasiwi endzhaku ka loko matiko lawa ma lovisiwile. U nga vutisi mayelana ni swikwembu swa wona, u ku, ‘Xana matiko lawa a ma swi gandzela njhani swikwembu swa wona? Na mina ndzi ta endla hi ndlela leyi fanaka.’+ 31 U nga tshuki u endla leswi eka Yehovha Xikwembu xa wena, hikuva va endlela swikwembu swa vona swilo hinkwaswo swo nyenyetsa leswi Yehovha a swi vengaka, va kala va hisa ni vana va vona va majaha ni va vanhwanyana va hisela swikwembu swa vona.+