“Tanani, a hi tlhandlukeleni entshaveni ya Yehovha,

Endlwini ya Xikwembu xa Yakobo.+

U ta hi dyondzisa tindlela ta yena,

Kutani hi ta famba emitileni ya yena.”+

Hikuva nawu* wu ta huma eSiyoni,

Ni rito ra Yehovha ri ta huma eYerusalema.+

 4 U ta avanyisa matiko

A lulamisa timhaka ta vanhu vo tala.

Va ta hundzula mabanga ya vona ma va swikomu

Ni matlhari ya vona ma va swikhutulo.+

Tiko a ri nge he tlakusi banga ku lwa ni tiko rin’wana,

Naswona a va nge he dyondzi nyimpi.+

 6 Mhisi yi ta tshama nkarhinyana ni xinyimpfana,+

Yingwe yi ta etlela ni ximbutana,

Rhole ni xinghalana ni xifuwo xo nona swi ta tshama swin’we;*+

Swi ta risiwa hi xifanyetana.

 7 Homu ni bere swi ta dya swin’we,

Vana va swona va ta vundza swin’we.

 8 N’wana loyi a ha mamaka u ta tlangela enceleni wa xivatlankombe,

Naswona n’wana loyi a lumuriweke u ta nghenisa voko ra yena enkeleni wa nyoka leyi nga ni vuxungu.

 9 A swi nge vavisi munhu+

Kumbe ku onha entshaveni ya mina yo kwetsima,+

Hikuva misava hinkwayo yi ta tala hi ku tiva Yehovha

Ku fana ni mati lama funengeteke lwandle.+

“Tanani, a hi tlhandlukeleni entshaveni ya Yehovha

Ni le ndlwini ya Xikwembu xa Yakobo.+

U ta hi dyondzisa tindlela ta yena,

Kutani hi ta famba emitileni ya yena.”

Hikuva nawu* wu ta huma eSiyoni,

Ni rito ra Yehovha ri ta huma eYerusalema.