19 Naswona loko mi languta etilweni mi vona dyambu ni n’weti ni tinyeleti, vuthu hinkwaro ra le tilweni, mi nga kanganyiseki kutani mi swi khinsamela mi swi gandzela.+ Yehovha Xikwembu xa n’wina u swi nyike vanhu hinkwavo lava nga emisaveni.

16 A va tshamela ku fularhela milawu hinkwayo ya Yehovha Xikwembu xa vona naswona va tiendlele swifaniso swa marhole mambirhi hi nsimbhi+ ni mhandzi ya Axera,*+ va gandzela vuthu hinkwaro ra le tilweni+ ku katsa na Bali.+

21 Manase+ a a ri ni malembe ya 12 loko a va hosi, u fume malembe ya 55 eYerusalema.+ Vito ra mana wakwe a ku ri Hefesiba.

3 U pfuxe tindhawu leti tlakukeke leti tata wakwe Hezekiya a a ti herisile,+ a endlela Bali tialtari, a tlhela a endla ni mhandzi ya Axera*+ hilaha Akabu hosi ya Israyele a endleke hakona.+ A tlhela a khinsamela vuthu hinkwaro ra le tilweni a ri tirhela.+

13 Tiyindlu ta Yerusalema ni tiyindlu ta tihosi ta Yuda ti ta va leti nga basangiki ku fana ni ndhawu leyi ya Tofete,+ tiyindlu hinkwato leti ku endleriweke magandzelo eka tona emalwangwini ya tona, ma endleriwa vuthu hinkwaro ra le matilweni+ ni laha va chululeleke swikwembu swin’wana magandzelo ya swakunwa.’”+

16 Hiloko a ndzi yisa exivaveni xa vaprista xa yindlu ya Yehovha.+ Kwalaho enyangweni ya tempele ya Yehovha, exikarhi ka rikupakupa* ni altari, a ku ri ni vavanuna va kwalomu ka 25 va fularhele tempele ya Yehovha va langute evuxeni; a va khinsamela dyambu evuxeni.+