11 U ta risa ntlhambi wakwe ku fana ni murisi.+

U ta khathalela tinyimpfu leti mamisaka.+

11 “‘Yehovha Hosi Leyi Tlakukeke u ri: “Ndzi kona naswona ndzi ta lavisisa tinyimpfu ta mina, ndzi ta ti khathalela.+ 12 Ndzi ta khathalela tinyimpfu ta mina ku fana ni murisi loyi a kumeke tinyimpfu takwe leti a ti hangalakile kutani a ti risa.+ Ndzi ta ti ponisa etindhawini hinkwato leti ti hangalakeleke eka tona hi siku ra mapapa ni munyama lowukulu.+ 13 Ndzi ta ti humesa exikarhi ka vanhu, ndzi ti hlengeleta ku suka ematikweni man’wana, ndzi ti tisa etikweni ra tona ndzi ti khathalela etintshaveni ta Israyele,+ eswinambyanini ni le tindhawini hinkwato ta tiko leti ku tshamiwaka eka tona.