27 Hiloko masocha ya ndhunankulu ma teka Yesu ma n’wi yisa emutini wa yona, ma hlengeleta masocha hinkwawo ma n’wi rhendzela.+ 28 Kutani ma n’wi hluvula swiambalo swa yena, ma n’wi kapeka nguvu yo tshwuka,+ 29 ma luka harhi ya mitwa ma yi tlhandleka enhlokweni yakwe, ma n’wi khomisa rihlanga hi voko ra xinene. Kutani ma khinsama emahlweni ka yena, ma n’wi hlekula, ma ku: “Xewani, wena Hosi ya Vayuda!” 30 Hiloko ma n’wi tshwutela,+ ma teka rihlanga ma n’wi ba nhloko hi rona. 31 Loko ma hetile ku n’wi hlekula, ma n’wi hluvula nguvu yo tshwuka, ma n’wi ambexa swiambalo swakwe ma famba na yena leswaku a ya beleriwa emhandzini.+