9 Ku landzela ntsumi yin’wana, ya vunharhu, yi huwelela hi rito lerikulu yi ku: “Loyi a nga ta gandzela xivandzana+ ni xifaniso xa xona ni ku pfumela ku funghiwa emombyeni kumbe evokweni ra yena,+ 10 u ta nwa ni vhinyo ya ku hlundzuka ka Xikwembu leyi cheriwaka yi nga timuriwanga ekhapini ya vukarhi+ bya xona naswona u ta xanisiwa hi ndzilo ni xivavula+ emahlweni ka tintsumi to kwetsima ni le mahlweni ka Xinyimpfana.

2 Ntsumi yo sungula yi chulula xindhichana xa yona emisaveni.+ Kutani vanhu lava nga ni mfungho wa xivandzana+ ni lava gandzelaka xifaniso+ xa xona va huma swilondza swo vava swinene.+

20 Hiloko xivandzana xi khomiwa ni muprofeta wa mavunwa+ loyi a a endla masingita emahlweni ka xona, masingita lawa a ma tirhiseke ku hambukisa vanhu lava amukeleke mfungho wa xivandzana+ ni lava gandzelaka xifaniso xa xona.+ Havumbirhi bya vona va lahleriwa etiveni ra ndzilo ni xivavula va ri karhi va hanya.+