Tipisalema
2 Ndzi ta vulavula hi swivuriso.
Ndzi ta vula mitshayito ya khale swinene.+
3 Swilo leswi hi swi tweke ni ku swi tiva,
Leswi vatata wa hina va hi runguleleke swona,+
4 Hi ta swi byela vana va vona;
Hi ta rungulela vatukulu+
Mitirho ya Yehovha leyinene ni matimba yakwe,+
Swilo swo hlamarisa leswi a swi endleke.+
5 U nyike Yakobo xitsundzuxo
A veka nawu eIsrayele;
U lerise vakokwa wa hina
Leswaku swilo leswi va swi byela vana va vona,+
6 Leswaku xitukulwana lexi landzelaka,
Vana lava nga ta velekiwa va ta swi tiva.+
Kutani na vona va ta swi rungulela vana va vona.+
7 Leswi swi ta endla leswaku va tshemba Xikwembu.
8 Kutani a va nge fani ni vakokwa wa vona,
Lava a va ome tinhloko va tlhela va xandzuka,+
Lava a va nga tiyimiselanga nchumu+
Lava a va nga tshembeki eka Xikwembu.
9 Vaefrayimi a va hlome hi vurha,
Kambe va balekile hi siku ra nyimpi.
12 Xi endle swilo swo hlamarisa emahlweni ka vakokwa wa vona,+
Etikweni ra Egipta, exifundzheni xa Sowana.+
13 Xi endle lwandle ri avana leswaku va kota ku hundza,
Naswona xi endle leswaku mati ma yima ku fana ni khumbi.+
17 Kambe va ye emahlweni va xi dyohela
Hi ku xandzukela La Nge Henhlahenhla emananga;+
18 Va tlhontlhe* Xikwembu etimbilwini ta vona+
Hi ku lava swakudya leswi a va swi navela.
“Xana xi nga swi kota ku hi nyika ni xinkwa,
Kumbe, xana xi nga nyika vanhu va xona nyama?”+
21 Loko Yehovha a twa sweswo a hlundzuka ngopfu;+
Ndzilo+ wu hisa Yakobo,
A hlundzukela Israyele+
22 Hikuva a va vanga ni ripfumelo eka Xikwembu;+
A va nga tshembi leswaku xi ta va ponisa.
23 Hiloko xi lerisa mapapa lama bohaneke,
Xi tlhela xi pfula tinyangwa ta tilo.
26 Xi dunge moya wa le vuxeni ematilweni
Hi matimba ya xona xi endle leswaku moya wu hunga ku suka edzongeni.+
27 Xi va nisele nyama ku fana ni ritshuri,
Swinyenyana a swi tele ku fana ni sava ra lwandle.
28 Xi endle leswaku swi nela laha a va tshama kona.
Ematendeni ya vona* hinkwawo.
30 Kambe loko va nga si dya va kolwa,
Loko swakudya swa ha ri emilon’wini ya vona,
Xi dlaya tinhenha ta vona;+
Xi herisa majaha ya Israyele.
32 Hambiloko xi endle swilo leswi va ye emahlweni va dyoha,+
A va vanga ni ripfumelo eka mitirho ya xona yo hlamarisa.+
33 Kutani xi herise masiku ya vona ku fana ni ku hefemula,+
Ni malembe ya vona ma hatle ma herisiwa hi khombo.
34 Kambe loko xi dlaya van’wana va vona, a va xi lavisisa;+
A va tlhelela endzhaku va lavisisa Xikwembu,
35 Va tsundzuka leswaku Xikwembu i Ribye ra vona+
Nileswaku Xikwembu Lexi Nge Henhlahenhla i Muponisi wa vona.+
36 Kambe va ringete ku xi xisa hi nomu wa vona
Ni ku xi hembela hi ririmi ra vona.
A xi tala ku tikhoma+
Xi nga va hlundzukeli ku tlula mpimo.
42 A va ma tsundzukanga matimba* ya xona,
Siku leri xi va poniseke* ha rona eka nala,+
43 Ndlela leyi xi endleke swikombiso swa xona eEgipta+
Ni masingita lawa xi ma endleke eSowana,
44 Niloko xi hundzula migerho ya Nayili yi va ngati+
Leswaku va nga koti ku nwa mati eswinambyanini swa vona.
46 Swimilana swa vona xi swi nyike tinjiya leti onhaka,
Leswi va swi byaleke swi nyikiwe ntungu wa tinjiya.+
50 Xi kume ndlela yo va komba vukarhi bya xona.
A xi va ponisanga eka rifu;
Xi va dlaye hi ntungu.
51 Eku heteleleni xi dlaye mativula hinkwawo ya le Egipta,+
Masungulo ya matimba ya vona ya ku tswala ematendeni ya Hamu.
52 Kutani xi humesa vanhu va xona ku fana ni ntlhambi+
Xi va kongomisa ku fana ni ntlhambi emananga.
53 Xi va sirhelerile loko va ri endleleni,
Naswona a va nga chavi nchumu;+
Lwandle ri funengete valala va vona.+
54 Kutani xi va tisa endhawini ya xona yo kwetsima,+
Ndhawu leyi ya tintshava leyi xi yi kumeke hi voko ra xona ra xinene.+
55 Xi hlongole matiko lawa a ma tshama eka yona;+
Xi va avela ndzhaka leyi xi yi pimeke hi ntambhu;+
Xi veka tinyimba ta Israyele emakaya ya vona.+
56 Kambe a va tshamela ku tlhontlha* Xikwembu Lexi Nge Henhlahenhla, va xi xandzukela;+
A va swi yingisanga switsundzuxo swa xona.+
57 Va tlhele va xi fularhela naswona a va kanganyisa ku fana ni vakokwa wa vona.+
A va nga tshembeki ku fana ni vurha lebyi nga tiyangiki.+
58 A va tshamela ku xi hlundzukisa hi tindhawu ta vona leti tlakukeke,+
Va endla leswaku xi kariha hikwalaho ka swifaniso swa vona leswi vatliweke.+
60 Eku heteleleni xi fularhele tabernakela ya le Xilo,+
Tende leri a xi tshama eka rona exikarhi ka vanhu.+
61 Xi pfumelele leswaku areka ya xona yi yisiwa evuhlongeni;
Ku vangama ka xona ku va evokweni ra nala.+
65 Kutani Yehovha a pfuka onge hiloko a etlele,+
Ku fana ni nhenha+ leyi pfukaka endzhaku ko nwa vhinyo yo tala.
67 U fularhele vatukulu va Yosefa;
A nga yi hlawulanga nyimba ya Efrayimi.
69 U ake ndhawu yakwe leyi kwetsimaka yi tiya ku fana ni matilo,+
Ku fana ni misava leyi a yi vumbeke leswaku yi va kona hilaha ku nga heriki.+