Tipisalema

137 A hi tshame emilambyeni ya Babilona.+

A hi rila loko hi tsundzuka Siyoni.+

2 Hi hayeke tiharipa ta hina,+

Ehenhla ka mirhi ya phopla exikarhi ka yena.*

3 Hikuva kwalaho lava va hi endleke mahlonga va kombele leswaku hi va yimbelelela risimu,+

Lava hi hlekulaka a va lava hi va hungasa, va ku:

“Hi yimbeleleleni rin’wana ra tinsimu ta Siyoni.”

4 Xana hi nga ri yimbelerisa ku yini risimu ra Yehovha

Etikweni ra vamatiko?

5 Loko ndzo ku rivala, wena Yerusalema,

Voko ra mina ra xinene a ri rivale ntirho wa rona.+

6 Ririmi ra mina a ri namarhele malaka ya mina

Loko ndzi nga ku tsundzuki,

Loko Yerusalema a nga ha vi xivangelo xa mina

Xo khana ku tlula swilo hinkwaswo.+

7 Yehovha Xikwembu xanga, tsundzuka

Leswi Vaedomu va swi vuleke hi siku leri Yerusalema wu lovisiweke ha rona, va te:

“Wu mbundzumuxe! Wu mbundzumuxe ni masungulo ya wona!”+

8 Nhwanyana wa Babilona, wena la nga ta lovisiwa ku nga ri khale,+

U ta tsaka la nga ta ku xanisa

Hilaha u hi xaniseke hakona.+

9 U ta tsaka loyi a nga ta khoma vana va wena

A va phyandlasa ehenhla ka maribye.+