Swivuriso
4 Vana va mina, yingisani ndzayo ya tata wa n’wina;+
Yi yingiseni leswaku mi ta va ni ku twisisa,
2 Hikuva ndzi ta mi letela hi ndlela leyinene;
4 Tatana u ndzi dyondzise a ku: “Onge mbilu ya wena yi nga hlayisa marito ya mina.+
Yingisa swileriso swa mina kutani u ya emahlweni u hanya.+
5 Kuma vutlhari, kuma ku twisisa.+
U nga rivali naswona u nga hambuki eka leswi ndzi swi vulaka.
6 U nga byi tshiki, byi ta ku sirhelela.
Byi rhandze, byi ta ku hlayisa.
7 Vutlhari i bya nkoka swinene,+ kutani kuma vutlhari,
Naswona eka hinkwaswo leswi u swi kumaka, kuma ku twisisa.+
8 Byi xixime swinene kutani byi ta ku kurisa.+
Byi ta ku vangamisa hikuva wa byi rhandza.+
9 Byi ta veka harhi ya ku xonga enhlokweni ya wena;
Byi ta ku sasekisa hi harhi ya ku saseka.”
12 Loko u famba, magoza ya wena a ma nge siveriwi;
Loko u tsutsuma, a wu nge khuguleki.
13 Namarhela ndzayo; u nga yi tshiki yi famba.+
Yi hlayise, hikuva i vutomi bya wena.+
16 Hikuva a va nge etleli va nga si endla swo biha.
Vurhongo a byi ti va nga si wisa munhu.
17 Vuhomboloki ni madzolonga
Swi fana ni xinkwa ni vhinyo eka vona.
18 Kambe ndlela ya lavo lulama yi fana ni ku vonakala loku vangamaka ka nimixo
Loku yaka ku vonakala kukondza ri xa.+
19 Ndlela ya lavo homboloka yi fana ni munyama;
A va swi tivi leswi va khugulaka.
20 N’wananga, yingisa marito ya mina;
Rhiya ndleve eka leswi ndzi swi vulaka.
21 U nga swi rivali;
Swi hlayise embilwini ya wena,+
22 Hikuva i vutomi eka lava swi kumaka+
Ni rihanyo emirini wa vona hinkwawo.*
23 Hlayisa mbilu ya wena ku tlula swilo hinkwaswo leswi u swi hlayisaka,+
Hikuva swihlovo swa vutomi swi le ka yona.
27 U nga hambukeli exineneni kumbe eximatsini.+
Nenge wa wena wu nga yi eka leswo biha.