Mikiya
7 Khombo eka mina! Ndzi fana ni loyi,
Endzhaku ka ku hlengeletiwa ka mihandzu ya ximumu
Ni ku khwaja endzhaku ka ntshovelo wa madiriva,
A nga kumiki xichocho xa madiriva leswaku a ta dya,
Hambi ku ri makuwa yo sungula lawa ndzi ma navelaka.
Hinkwavo ka vona va tumbelela vanhu leswaku va ta halata ngati.+
Un’wana ni un’wana u hlota makwavo hi nete.
3 Mavoko ya vona ma lunghekele ku endla leswo biha;+
Hosana yi koxa swo karhi,
Muavanyisi u lava ku xaviwa,+
Muchaviseki u vula leswi a swi navelaka,+
Kutani va boha makungu ya vona swin’we.
4 Lonene ngopfu wa vona u fana ni mitwa,
Lowo lulama ngopfu wa vona u bihe ku tlula ni xihlahla xa mitwa.
Siku ra varindzi va wena ni ra ku avanyisiwa ka wena ri ta fika.+
Kutani va ta chava.+
Vana ni vuxiyaxiya loko u vulavula ni wansati loyi a etlelaka exifuveni xa wena.
6 Hikuva n’wana wa jaha u delela tata wakwe,
N’wana wa nhwanyana u lwa ni mana wakwe,+
Nhlomi yi lwa ni n’wingi wa yona;+
Valala va munhu i vandyangu wa ka vona.+
7 Kambe mina ndzi ta tshama ndzi rindzele Yehovha.+
Ndzi ta rindzela Xikwembu lexi ndzi ponisaka.+
Xikwembu xanga xi ta ndzi yingisa.+
8 Wena nala* wa mina u nga tsaki.
Hambileswi ndzi weke ndzi ta pfuka;
Hambileswi ndzi tshamaka emunyameni, Yehovha u ta va ku vonakala ka mina.
9 Ndzi ta tiyisela vukarhi bya Yehovha
Kukondza a tenga nandzu wa mina, a ndzi avanyisa hi ku lulama,
Hikuva ndzi n’wi dyoherile.+
U ta ndzi humesela eku vonakaleni;
Ndzi ta vona ku lulama ka yena.
U ta khomiwa hi tingana
Ndzi ta n’wi languta.
U ta kandziyeriwa ku fana ni ndzhope eswitarateni.
11 Ku ta va siku ra ku akiwa ka makhumbi ya wena ya maribye;
Esikwini rero ku ta kurisiwa ndzilakano.*
12 Esikwini rero va ta ta eka wena
Va huma eAsiriya ni le mitini ya Egipta,
Ni ku sukela eEgipta ku ya fika eNambyeni;*
Ku suka elwandle ku ya fika elwandle ni ku suka entshaveni ku ya fika entshaveni.+
13 Tiko ri ta va rhumbi hikwalaho ka vaaki va rona,
Hikwalaho ka leswi va nga swi endla.
14 Risa vanhu va wena hi nhonga, ntlhambi wa ndzhaka ya wena,+
Lowu a wu tshama wu ri woxe ekhwatini exikarhi ka ntanga wa mihandzu.
A va dye eBaxani ni le Giliyadi+ ku fana ni le masikwini ya khale.
15 “Ku fana ni le masikwini ya ku huma ka n’wina etikweni ra Egipta,
Ndzi ta va komba swilo swo hlamarisa.+
16 Matiko ma ta swi vona kutani ma khomiwa hi tingana hambileswi ma nga ni matimba.+
Ma ta tipfala nomu hi voko;
Tindleve ta wona a ti nge he twi.
17 Ma ta nantswa ritshuri ku fana ni tinyoka;+
Ku fana ni swikokovi swa misava ma ta huma laha ma tumbeleke kona ma ri karhi ma rhurhumela.
Ma ta ta eka Yehovha Xikwembu xa hina ma ri karhi ma rhurhumela,
Ma ta ku chava.”+
18 Hi xihi Xikwembu lexi fanaka na wena,
Lexi rivalelaka xihoxo naswona xi nga hlayeliki milandzu+ ya masalela lama nga ndzhaka ya xona?+
A xi nge tshami xi hlundzukile,
Hikuva xi tsakela rirhandzu ra ntiyiso.+
19 Xi ta tlhela xi hi komba musa;+ xi ta sula swihoxo swa hina.
U ta lahlela swidyoho swa vona hinkwaswo exidziveni xa lwandle.+