Sofaniya
2 Vuavanyisi byi nga si hetiseka,
Siku ri nga si hundza kukota muhungu,*
Vukarhi lebyikulu bya Yehovha byi nga si mi fikela,+
Siku ra vukarhi bya Yehovha ri nga si mi fikela,
3 Lavani Yehovha,+ n’wina hinkwenu lavo rhula* emisaveni,
Lava mi yingisaka milawu yakwe leyinene.*
Lavani ku lulama, lavani ku rhula.*
Kumbexana mi ta ponisiwa hi siku ra vukarhi bya Yehovha.+
Axidodo wu ta hlongoriwa ninhlikanhi,
Kasi Ekroni wu ta simuriwa.+
5 “Khombo eka lava tshamaka ekusuhi ni lwandle, etikweni ra Vakereti!+
Rito ra Yehovha ra mi avanyisa.
Wena Kanana, tiko ra Vafilista, ndzi ta ku lovisa,
Leswaku ku nga sali munhu.
6 Ndhawu leyi nga ekusuhi ni lwandle yi ta va madyelo,
Lama nga ni swihlovo swa varisi ni matshanga ya tinyimpfu lama endliweke hi maribye.
Nimadyambu va ta etlela etindlwini ta Axikeloni.
8 “Ndzi twe xisandzu xa Mowabu+ ni ndzhukano wa Vaamoni,+
Lava rhukaneke vanhu va mina va tlhela va tibuma hi ku va tekela ndhawu ya vona.+
9 Hikwalaho, leswi ndzi hanyaka,” ku vula Yehovha wa mavuthu, Xikwembu xa Israyele,
“Mowabu u ta fana na Sodoma,+
Vaamoni va ta fana na Gomora,+
Ndhawu leyi mileke mfava, mugodi wa munyu, tiko leri nga ta ka ri nga ha pfuni nchumu.+
Vanhu va mina lava saleke va ta va teka,
Ni masalela ya tiko ra mina ma ta va teka.
10 Hi swona leswi va nga ta swi kuma hikwalaho ka ku tikukumuxa ka vona,+
Hikuva va rhukane vanhu va Yehovha wa mavuthu va tlhela va titlakusa eka vona.
11 Yehovha u ta chavisa eka vona;
Hikuva u ta herisa swikwembu hinkwaswo swa misava,
Naswona swihlala hinkwaswo swa matiko swi ta n’wi khinsamela,*+
Xin’wana ni xin’wana xi ri endhawini ya xona.
12 Na n’wina Vaetiyopiya, mi ta dlayiwa hi banga ra mina.+
13 U ta tlakusela voko rakwe en’walungwini a lovisa Asiriya,
Kutani u ta endla Ninivha wu va marhumbi,+ wu oma kukota mananga.
14 Mitlhambi yi ta vundza exikarhi ka wona, swiharhi hinkwaswo swa nhova.*
Gumba ni nungu swi ta etlela exikarhi ka tiphuphu ta wona nivusiku.
Rito ri ta yimbelela efasitereni.
Enyangweni ku ta va ku onhiwile;
Hikuva u ta mbundzumuxa ku sala mapulanga ya le ndzeni.
15 Lowu i muti lowu titlakusaka lowu a wu sirhelelekile,
Lowu a wu tibyela wu ku, ‘Mina hi mina, a ku na un’wana.’
Vona ndlela leyi wu tsemaka nhlana ha yona,
Ndhawu leyi swiharhi swa nhova swi vundzaka eka yona!
Un’wana ni un’wana loyi a hundzaka ekusuhi na wona u ta wachuta voko a nyangatsekile.”+