Mikiya

Sukani mi yima, mi lunghekela ku tenga nandzu wa n’wina emahlweni ka tintshava,

Naswona onge swintshabyana swi nga twa rito ra n’wina.+

 2 N’wina tintshava, yingisani nandzu lowu Yehovha a lavaka ku wu boxa,

N’wina masungulo lama tiyeke ya misava,+

Hikuva Yehovha u ni mhaka ni vanhu vakwe;

U ta tenga na Israyele:+

 4 Hikuva ndzi mi humese etikweni ra Egipta,+

Ndzi mi tshunxile endlwini ya vuhlonga;+

Ndzi mi rhumele Muxe, Aroni na Meriyamu.+

 5 N’wina vanhu vanga, ndzi kombela mi tsundzuka leswi Hosi Balaka wa le Mowabu a swi vuleke,+

Ni leswi Balama n’wana wa Beyori a n’wi hlamuleke swona.+

Leswi endlekeke ku sukela eXitimi+ ku ya fika eGiligala,+

Leswaku mi ta tiva swiendlo swo lulama swa Yehovha.”

Xana ndzi nga ya eka xona ndzi ri ni magandzelo yo hisiwa,

Ndzi ri ni marhole ya lembe rin’we?+

 7 Xana Yehovha u ta tsakisiwa hi magidi ya makhuna,

Ni mafurha yo tala ku fana ni milambu?+

Xana ndzi nga nyikela hi n’wana wa mina wa jaha wa mativula, hikwalaho ka ku xandzuka ka mina,

N’wana wa mina, hikwalaho ka xidyoho xa mina?+

U lava u kombisa vululami,+ u tshembeka,+

U tlhela u titsongahata+ eka Xikwembu xa wena!+

 9 Rito ra Yehovha ra huwelela emutini;

Lava nga ni vutlhari va ta chava vito ra wena.

10 Xana endlwini ya lowo homboloka xa ha ri kona xuma lexi kumiweke hi tindlela ta vukanganyisi,

Ni mpimo wa efa* wa vuxisi lowu nyenyetsaka?

11 Xana ndzi nga tshembeka loko ndzi ri ni swikalo swa vukanganyisi,

Ni nkwama lowu nga ni maribye yo pima ya vuxisi?+

12 Hikuva vanhu va muti lowu lava fuweke va ni madzolonga,

Vaaki va wona va vulavula mavunwa;+

Ririmi ra vona ra kanganyisa.+

13 “Hikwalaho, ndzi ta ku ba ndzi ku vavisa,+

U ta va rhumbi hikwalaho ka swidyoho swa wena.

14 U ta dya kambe a wu nge xurhi;

U ta tshama u ri karhi u twa ndlala.+

U ta rhurhisa swilo hi xikongomelo xo swi hlayisa kambe a swi nge hlayiseki,

Leswi u nga ta swi rhwala, ndzi ta swi nyika valala va wena.

U ta kama mitlhwari yi humesa mafurha kambe a wu nge ma tirhisi;

U ta endla ni vhinyo leyintshwa kambe a wu nge yi nwi.+

16 Hikuva u yingisa milawu ya Omri ni hinkwaswo leswi endliwaka endlwini ya Akabu,+

U yingisa switsundzuxo swa vona.

Hi yona mhaka leyi ndzi nga ta ku endla nchumu lowu chavisaka evanhwini

Vaaki va kona va ta hlekuriwa;+

Kutani wena u ta sandziwa hi vanhu.”+