Mikiya
2 “Khombo eka lava bohaka makungu ya leswo biha,
Lava anakanyaka leswo biha loko va etlele.
Loko dyambu ri xa va swi endla,
Hikuva va ni matimba yo swi endla.+
2 Va navela masimu kutani va ma teka;+
Ni tiyindlu kutani va ti teka;
Va tekela wanuna yindlu yakwe,+
Va n’wi tekela ndzhaka yakwe.
3 Hikokwalaho Yehovha u ri:
‘Ndyangu lowu wu ta weriwa hi khombo+ naswona a wu nge poni.+
A wu nge he titlakusi+ hikuva i nkarhi wa khombo.+
Va ta ku: “Hi lovile!+
U teke ndzhaka ya hina a yi nyika van’wana.+
U teke masimu ya hina a ma nyika lava nga tshembekiki.”
5 Hikokwalaho a wu nge vi na munhu la nga ta pima hi ntambhu,
Leswaku a avela vanhu va Yehovha tiko.
6 “Tshikani ku chumayela!” kambe va chumayela,
“A va fanelanga va chumayela swilo leswi;
A hi nge khomiwi hi tingana!”
7 Xana ku vuriwa leswi wena yindlu ya Yakobo:
“Xana moya wa Yehovha wu hele mbilu?
Xana leyi i mitirho ya yena?”
Xana marito ya mina a ma va vuyerisi lava lulameke?
8 Kambe sweswi vanhu va mina va ndzi xandzukerile.
Mi susa xo khavisa ni* nguvu ya kona
Eka lava hundzaka hi ku titshemba ku fana ni lava vuyaka enyimpini.
9 Mi hlongola vavasati va vanhu va mina etindlwini ta vona leti va ti rhandzaka;
Eka vana va vona mi susa mikateko ya mina hilaha ku nga heriki.
10 Sukani mi famba hikuva leyi a hi ndhawu yo wisela eka yona.
Hikwalaho ka ku nyama,+ ku ni ku lovisiwa, ku lovisiwa lokukulu.+
11 Loko munhu loyi a hlongorisaka moya ni ku hanya hi vuxisi, o hemba a ku:
“Ndzi ta mi dyondzisa hi vhinyo ni byala,”
Yoloye u ta va mudyondzisi loyi a lavaka ku tsakisa vanhu lava!+
12 Ndzi ta mi hlengeleta hinkwenu n’wina vandyangu wa Yakobo;
Ndzi ta hlengeleta hinkwavo lava saleke va Israyele.+
Va ta va ni vun’we ku fana ni tinyimpfu etshangeni,
Kukota ntlhambi emadyelweni ya wona;+
Kwalaho ku ta va ni huwa ya vanhu.’+
Hosi ya vona yi ta famba emahlweni ka vona,
Va rhangeriwa hi Yehovha.”+