Samuwele Wo Sungula
2 Hiloko Hana a khongela a ku:
Nomu wa mina wu ahlamele ku lwa ni valala va mina,
Hikuva ndzi tsakela ndlela leyi u ponisaka ha yona.
2 A ku na un’wana la kwetsimaka ku fana na Yehovha,
A ku na un’wana handle ka wena,+
A ku na ribye ro fana ni Xikwembu xa hina.+
3 Tshikani ku tibuma loko mi vulavula;
Mi nga vulavuli hi ndlela ya manyunyu,
Hikuva Yehovha i Xikwembu xa vutivi,+
U kota ku kambisisa leswi vanhu va swi endlaka.
5 Lava a va xurha va ta boheka ku tirha leswaku va kuma xinkwa,
Kambe lava nga ni ndlala a va ha siki.+
Mhika yi veleke vana va nkombo,+
Kambe loyi a nga ni vana vo tala a nge he veleki.
8 U humesa xisiwana entshurini;
U tlakula lava pfumalaka etaleni,*+
Leswaku va ta tshama ni tihosana,
A va nyika switulu swo xiximeka.
Swiseketelo swa misava i swa Yehovha,+
U tlhandleka misava ehenhla ka swona.
9 U kongomisa magoza ya lava tshembekaka vakwe,+
Kambe lavo homboloka va ta miyetiwa emunyameni,+
Hikuva munhu a nga hluli hikwalaho ka matimba.+
11 Kutani Elkana a tlhelela ekaya kakwe eRhama, kambe xifanyetana xi tirhela Yehovha+ emahlweni ka muprista Eli.
12 Kambe vana va Eli a va hombolokile;+ a va nga n’wi xiximi Yehovha. 13 A va endla hi ndlela leyi loko swi ta eka leswi vaprista va faneleke va teka swona eka vanhu:+ Nkarhi na nkarhi loko un’wana a ri eku nyikeleni ka gandzelo, nandza wa muprista a a ta a khome foroko ya matino manharhu loko nyama yi ri karhi yi vila, 14 a fika a yi nghenisa exibyeni, embiteni ya swikhomo swimbirhi, egalazeni kumbe embiteni ya xikhomo xin’we. Xin’wana ni xin’wana lexi foroko a yi ta huma na xona, muprista a a ta xi teka xi va xa yena. Hi yona ndlela leyi a va endla ha yona eXilo eka Vaisrayele hinkwavo lava a va ta kwalaho. 15 Niloko loyi a endlaka gandzelo a nga si hisa mafurha,+ nandza wa muprista a a ta a fika a ku eka yena: “Ndzi nyike nyama yo oxela muprista. A nge yi teki nyama yo swekiwa eka wena, u yi lava yi ri yimbisi.” 16 Loko a ku eka yena: “A va rhange va tiyiseka leswaku mafurha ma hisiwile,+ endzhaku ka sweswo u ta titekela leyi u yi lavaka,” yena a a ku: “E-e, ndzi nyike sweswi; loko swi nga ri tano ndzi ta yi teka hi nkani!” 17 Kutani xidyoho xa malandza lawa a xi ri xikulu ngopfu eka Yehovha,+ hikuva a va nga ma xiximi magandzelo ya Yehovha.
18 Samuwele yena a a tirhela+ Yehovha a ambale* efodi* leyi endliweke hi lapi+ hambileswi a a ha ri xifanyetana. 19 Nakambe mana wakwe a a n’wi rhungela xiambalo lexitsongo xo pfumala mavoko, a n’wi tisela xona lembe ni lembe loko a ta ni nuna wakwe va ta endla gandzelo ra lembe ni lembe.+ 20 Kutani Eli a katekisa Elkana ni nsati wakwe a ku: “Onge Yehovha a nga ku nyika n’wana hi nsati loyi, ku siva loyi a lombiweke Yehovha.”+ Hiloko va muka. 21 Yehovha a twela Hana vusiwana, a tlhela a tika;+ kutani a kuma vana vanharhu va majaha ni vanhwanyana vambirhi. Kambe mufana Samuwele a ya a kula emahlweni ka Yehovha.+
22 Eli a a dyuhele ngopfu naswona a a swi twile hinkwaswo leswi vana vakwe a va tshamela ku swi endla+ eka Vaisrayele hinkwavo, ni leswaku a va etlela ni vavasati lava a va tirha enyangweni ya tende ra nhlengeletano.+ 23 A a hamba a ku eka vona: “Hikwalaho ka yini mi tshamela ku endla swilo swo fana ni leswi? Swilo leswi ndzi swi twaka hi n’wina eka vanhu hinkwavo a swi tsakisi. 24 E-e, vana vanga, xiviko lexi ndzi xi twaka hi n’wina exikarhi ka vanhu va Yehovha a hi xinene. 25 Loko munhu o dyohela munhukulobye, munhu un’wana a nga n’wi kombelela ku rivaleriwa* eka Yehovha; kambe loko munhu o dyohela Yehovha,+ u ta khongeleriwa hi mani?” Kambe a va n’wi yingisanga tata wa vona hikuva Yehovha a a tiyimisele ku va dlaya.+ 26 Enkarhini wolowo, mufana Samuwele a a ri karhi a kula a rhandziwa hi Yehovha ni hi vanhu.+
27 Kutani munhu loyi a rhumiweke hi Xikwembu a fika eka Eli a ku: “Yehovha u ri: ‘Xana a ndzi titivisanga eka kokwa wa wena loko yena ni ndyangu wakwe va ha ri eEgipta, va ri mahlonga endlwini ya Faro?+ 28 Nakambe u hlawuriwile eka tinyimba hinkwato ta Israyele+ leswaku a va muprista wa mina ni leswaku a ya ealtarini ya mina+ ku ya endla magandzelo, ku hisa mirhi ya risuna* ni ku ambala efodi emahlweni ka mina; kutani ndzi nyike yindlu ya kokwa wa wena magandzelo hinkwawo ya Vaisrayele lama endliwaka hi ndzilo.+ 29 Hikwalaho ka yini n’wina mi nga xiximi* magandzelo lawa ndzi leriseke leswaku ma endliwa endhawini leyi ndzi tshamaka eka yona?+ Hikwalaho ka yini mi tshamela ku xixima vana va n’wina ku tlula mina hi ku tinonisa hi leswinene leswi humaka eka gandzelo rin’wana ni rin’wana leri endliwaka hi vanhu va mina, ku nga Vaisrayele?+
30 “‘Hi yona mhaka Yehovha Xikwembu xa Israyele a nge: “Hakunene ndzi vurile leswaku ndyangu wa wena ni ndyangu wa kokwa wa wena yi ta famba emahlweni ka mina mikarhi hinkwayo.”+ Kambe sweswi Yehovha u ri: “A swi twali eka mina ku ya emahlweni ndzi endla tano, hikuva lava ndzi xiximaka ndzi ta va xixima,+ kambe lava nga ndzi xiximiki va ta khomisiwa tingana.” 31 Masiku ma ta, laha ndzi nga ta endla leswaku u nga ha vi na matimba, wena ni ndyangu wa tata wa wena, lerova a ku nge vi na munhu loyi a nga ta kula kukondza a dyuhala endlwini ya wena.+ 32 U ta vona nala a ri endhawini ya mina ya ku tshama eka yona exikarhi ka leswinene hinkwaswo leswi endleriwaka Israyele,+ naswona a ku nge he pfuki ku va ni munhu loyi a fikaka emalembeni ya vudyuhari endlwini ya wena. 33 Munhu wa wena loyi ndzi nga ta ka ndzi nga n’wi tshikisi ku tirha ealtarini ya mina, u ta endla leswaku matihlo ya wena ma nga ha voni naswona u ta ku dyisa mbitsi, kambe vo tala endyangwini wa wena va ta fa hi banga ra vanhu.+ 34 Naswona leswi nga ta humelela vana va wena vambirhi, Hofini na Finiyasi, swi ta va xikombiso eka wena: Havambirhi ka vona va ta fa hi siku rin’we.+ 35 Kutani ndzi ta tihlawulela muprista loyi a tshembekaka.+ Yena u ta endla leswi rhandziwaka hi mbilu ya mina; ndzi ta n’wi akela yindlu yo tiya swinene, u ta famba emahlweni ka muhlawuriwa wa mina nkarhi hinkwawo. 36 Loyi a nga ta sala endlwini ya wena u ta ta a ta n’wi khinsamela leswaku a ta hakeriwa hi mali ni xinkwa naswona u ta ku: “Ndzi kombela u ndzi nyika ntirho wa vuprista leswaku ndzi ta dya xinkwa.”’”+