Tipisalema
Eka mufambisi. Pisalema ya Davhida nandza wa Yehovha, leyi a yi yimbeleleleke Yehovha hi siku leri Yehovha a n’wi poniseke eka valala vakwe hinkwavo ni le ka Sawulo. U te:+
18 Ndza ku rhandza Yehovha matimba ya mina.+
2 Yehovha i ribye ra mina ni khokholo ra mina ni Loyi a ndzi ponisaka.+
Xikwembu xanga i ribye ra mina+ leri ndzi tumbelaka eka rona,
Xitlhangu xa mina ni rimhondzo* ra mina ro ponisa, vutumbelo bya mina lebyi sirhelelekeke.+
3 Ndzi vitana Yehovha loyi a faneriwaka hi ku dzunisiwa,
Naswona ndzi ta ponisiwa eka valala va mina.+
4 Tintambhu ta rifu ti ndzi rhendzerile;+
Maboboma ya vanhu lava nga pfuniki nchumu a ma ndzi chavisa.+
6 Emaxangwini ya mina ndzi vitane Yehovha,
A ndzi tshikanga ku kombela mpfuno eka Xikwembu xa mina.
7 Hiloko misava yi sungula ku tsekatseka ni ku ninginika;+
Masungulo ya tintshava ma ninginikile,
Ma tsekatsekile ma ya emahlweni ni le ndzhaku hikwalaho ka leswi xi hlundzukisiweke.+
8 Tinhompfu ta xona a ti huma musi,
Enon’wini wa xona a ku huma ndzilo lowu lovisaka;+
A ku huma makala lama vuvumelaka eka xona.
10 Xi te xi ri karhi xi haha xi gade kerubu.+
A xi haha hi timpapa ta ntsumi.*+
11 Hiloko xi tifunengeta hi munyama,+
Wu n’wi rhendzerile ku fana ni tende,
Mati ya ntima ni mapapa yo dzwihala.+
12 Rihati leri a ri ri emahlweni ka xona
A ri humesa xihangu ni makala lama vuvumelaka emapapeni.
13 Hiloko Yehovha a sungula ku dzindza etilweni;+
La Nge Henhlahenhla a huwelela hi rito lerikulu,+
Hi xihangu ni makala lama vuvumelaka.
15 Swinambyana* swi humela erivaleni;+
Masungulo ya tiko ma fununguleka hi ku tshinya ka wena, Yehovha Xikwembu xanga,
Hi ku hunga ka moya lowu humaka etinhompfini ta wena.+
17 U ndzi ponisile eka nala+ wa mina loyi a nga ni matimba,
Eka lava ndzi vengaka, lava a va ri ni matimba ku ndzi tlula.+
20 Yehovha u ndzi hakela hi ku ya hi mitirho ya mina yo lulama;+
U ndzi hakela hikwalaho ka leswi mavoko ya mina ma nga riki na nandzu.*+
21 Hikuva ndzi fambe etindleleni ta Yehovha,
Naswona a ndzi xi tshikanga Xikwembu xanga.
22 Swileriso swa xona hinkwaswo swi le mahlweni ka mina;
A ndzi nge yi tshiki milawu ya xona.
24 Onge Yehovha a nga ndzi hakela hi ku ya hi mitirho ya mina leyinene,+
Hikuva mavoko ya mina a ma na nandzu emahlweni ka yena.+
25 Wa tshembeka eka loyi a tshembekaka;+
Loyi a nga riki na nandzu u n’wi komba musa;+
26 U lonene eka munhu lonene,+
Kambe loyi a kanganyisaka u n’wi komba vutlhari bya wena.+
28 Hikuva hi wena loyi a lumekaka rivoni ra mina, Yehovha Xikwembu xanga,
Xikwembu xanga lexi ndzi voningelaka emunyameni.+
29 Hi ku pfuniwa hi wena ndzi nga lwa ni vuthu ra vaphangi;+
Hi matimba ya Xikwembu ndzi nga khandziya khumbi.+
I xitlhangu eka hinkwavo lava tumbelaka eka yena.+
31 Hikuva i mani Xikwembu handle ka Yehovha?+
Naswona i mani ribye handle ka Xikwembu xa hina?+
33 Xi endla milenge ya mina yi fana ni ya mhunti;
Xi ndzi endla ndzi yima etindhawini leti tlakukeke.+
34 Xi dyondzisa mavoko ya mina ku lwa nyimpi;
Mavoko ya mina ma nga gova vurha bya koporo.
35 U ndzi nyika xitlhangu xa wena xa ku ponisa,+
Voko ra wena ra xinene ra ndzi seketela,
Ku titsongahata ka wena ka ndzi tlakusa.+
37 Ndzi ta hlongorisa valala va mina ndzi va hlula;
A ndzi nge tlheli va nga si hela.
40 U ta endla leswaku valala va mina va baleka loko va ndzi vona,
41 Va kombela ku pfuniwa, kambe a ku na loyi a va ponisaka;
Va huwelela na le ka Yehovha, kambe a nga va hlamuli.
42 Ndzi ta va kandza va fana ni ritshuri;
Ndzi ta va cukumeta ku fana ni ndzhope eswitarateni.
43 U ta ndzi ponisa eka vanhu lava xopaxopaka swihoxo.+
U ta ndzi hlawula ndzi va murhangeri wa matiko.+
Ndzi ta tirheriwa hi vanhu lava ndzi nga va tivangiki.+
44 Va ta ndzi yingisa hikwalaho ka leswi va swi tweke ha mina;
Valuveri va ta ta eka mina va tilondlile.+
45 Valuveri va ta hela matimba;
Va ta huma laha va tumbeleke kona va ri karhi va rhurhumela.
46 Yehovha wa hanya! A ku dzunisiwe Ribye ra mina!+
A xi dzunisiwe Xikwembu xanga lexi ndzi ponisaka.+
48 Xa ndzi ponisa eka valala va mina lava hlundzukeke;
U ndzi tlakusela ehenhla ka lava ndzi hlaselaka;+
Wa ndzi ponisa eka munhu wa madzolonga.