Tipisalema

80 Yingisa, wena Murisi wa Israyele,

Wena loyi a rhangelaka Yosefa ku fana ni ntlhambi.+

Wena loyi a tshameke ehenhla* ka makerubu,+

Vangama.

 2 Kombisa matimba ya wena,+

Eka Efrayimi, Benjamini na Manase;

Tana u ta hi ponisa.+

 3 Hi amukele, Xikwembu xa hina;+

Hi kombe tintswalo leswaku hi ta ponisiwa.+

 5 U va dyise mihloti ku fana ni xinkwa,

U endla leswaku va nwa mihloti yo tala.

 6 U tshika vaakelani va hina va lwetana hi tiko ra hina;

Valala va hina va hi hleka hilaha va rhandzaka hakona.+

 7 Hi amukele, Xikwembu xa mavuthu;

Hi kombe tintswalo leswaku hi ta ponisiwa.+

 9 U wu basisele ndhawu,

Wu mirile wu tata tiko.+

10 Tintshava ti funengetiwe hi ndzhuti wa wona,

Kasi marhavi ya wona ma funengete mikedari ya Xikwembu.

11 Marhavi ya wona ma nave ku ya fika elwandle,

Kasi swirhabyana swa wona swi fike eNambyeni.*+

12 Hikwalaho ka yini u mbundzumuxe rirhangu ra nsimu ya madiriva,+

Leswaku hinkwavo lava hundzaka va kha mihandzu ya yona?+

13 Tinguluve ta nhova ta wu onhetela,

Swiharhi swi dya kona.+

Sirhelela murhi lowu wa madiriva,+

15 Rimitsu leri u ri byaleke hi voko ra wena ra xinene,+

Languta n’wana* loyi u n’wi tiyiseke.+

17 Voko ra wena a ri seketele munhu loyi a nga evokweni ra wena ra xinene,

N’wana wa munhu loyi u n’wi tiyiseke.+

19 Hi amukele, Yehovha Xikwembu xa mavuthu;

Hi kombe tintswalo leswaku hi ta ponisiwa.+