Yobo
32 Kutani vavanuna lavanharhu va tshika ku hlamula Yobo, hikuva a a tshemba leswaku u lulamile.+ 2 Kambe Elihu n’wana wa Barakele wa le Buzu,+ wa ndyangu wa Rhamu a a hlundzuke ngopfu. A a hlundzukele Yobo hikwalaho ka leswi a a tivona a lulamile ku tlula Xikwembu.+ 3 A a hlundzukele ni vanghana va Yobo vanharhu swinene hikuva a va kotanga ku n’wi hlamula kambe va vule leswaku Xikwembu a xi lulamanga.+ 4 Elihu a a yimele ku hlamula Yobo, hikuva a va ri vakulu eka yena.+ 5 Loko Elihu a vona leswaku vavanuna lavanharhu va tsandzeka ku hlamula, u hlundzuke swinene. 6 Kutani Elihu n’wana wa Barakele wa le Buzu a sungula ku vulavula a ku:
“Ndzi ntsongo
N’wina mi vakulu.+
Xisweswo ndzi mi xiximile ndzi nga vuli nchumu+
Ndzi tikhomile ndzi nga mi byeli leswi ndzi swi tivaka.
7 Ndzi tibyele ndzi ku, ‘Malembe a ma vulavule,
Malembe yo tala a ma kombise vutlhari bya wona.’
9 Ku va ni malembe yo tala ntsena a swi endli munhu a tlhariha,
Naswona a hi vanhu lavakulu ntsena lava twisisaka leswinene.+
10 Kutani ndzi ri, ‘Ndzi yingiseni,
Na mina ndzi ta mi byela leswi ndzi swi tivaka.’
11 Maswivo! Ndzi rindzile leswaku ndzi ta twa leswi mi swi vulaka;
Ndzi ye emahlweni ndzi yingisa leswi mi swi anakanyaka,+
Loko mi ri karhi mi lavalava swo swi vula.+
12 Ndzi mi yingisele kahle,
Kambe a nga kona eka n’wina loyi a kombiseke leswaku Yobo u hoxile,
Kumbe ku hlamula marito yakwe.
13 Kutani mi nga vuli mi ku, ‘Hi kume vutlhari;
I Xikwembu lexi nga vulaka leswaku u hoxile, ku nga ri munhu.’
14 Leswi a a nga vulavuli na mina,
Ndzi ta n’wi hlamula hi ndlela leyi hambaneke ni ya n’wina.
15 Va chavile, a va ha ri na tinhlamulo;
A va ha ri na xo xi vula.
16 Ndzi rindzile, kambe a va ha yi emahlweni va vulavula;
Vo yima va nga vuli nchumu.
17 Kutani na mina ndzi ta hlamula;
Na mina ndzi ta vula leswi ndzi swi tivaka,
18 Hikuva ndzi ni swo tala swo swi vula;
Moya lowu nga endzeni ka mina wu ndzi susumetela ku vulavula.
19 Khwiri ra mina ri fana ni vhinyo leyi pfaleriweke,
Ri fana ni magula lamantshwa ya vhinyo lama lavaka ku buluka.+
20 Ndzi pfumeleleni ndzi vulavula leswaku ndzi ta wa mbilu!
Ndzi ta pfula nomu wa mina ndzi hlamula.