Tipisalema

Eka mufambisi. Pisalema ya vana va Kora.+ Miloti.

47 Phokotelani mavoko n’wina vanhu.

Dzunisani Xikwembu mi ba mikulungwana.

2 Hikuva Yehovha La Nge Henhlahenhla, i Xikwembu lexi hlamarisaka;+

I Hosi leyikulu emisaveni hinkwayo.+

3 U veka vanhu ehansi ka hina;

U veka matiko ehansi ka milenge ya hina.+

4 U hi hlawulela ndzhaka,+

Ndzalama ya Yakobo, loyi a n’wi rhandzaka leyi a tinyungubyisaka ha yona.+ (Selah)

5 Xikwembu xi tlhandlukile xi ri karhi xi dzunisiwa;

Yehovha u tlhandlukile ku ri karhi ku biwa nanga.

6 Yimbelelani mi dzunisa Xikwembu, xi dzuniseni.

Yimbelelani mi dzunisa Hosi ya hina, yi dzuniseni.

7 Hikuva Xikwembu i Hosi ya misava hinkwayo;+

Yimbelelani mi xi dzunisa, endlani hi vutlhari.

8 Xikwembu i Hosi ya matiko hinkwawo.+

Xikwembu xi tshame exiluvelweni xa xona xo kwetsima.

9 Varhangeri va vanhu va hlengeletanile

Ni vanhu va Xikwembu xa Abrahama.

Hikuva varhangeri* va misava i va Xikwembu.

Xi tlakukile swinene.+