Tipisalema

 2 Sungulani ku tlanga vuyimbeleri hi xingomana,

Haripa leyi tsakisaka ni switende.

 3 Banani nanga hi siku ra ku huma ka n’weti,+

Hi nkarhi wa n’weti lowu heleleke, hi siku ra nkhuvo wa hina.+

 4 Hikuva i xileriso lexi nyikiweke Israyele,

Nawu wa Xikwembu xa Yakobo.+

 5 Xi swi veke leswaku swi tsundzuxa Yosefa+

Loko xi huma xi ya lwa ni tiko ra Egipta.+

 6 “Ndzi n’wi rhule ndzhwalo ekatleni;+

Ndzi n’wi tekele basikiti emavokweni.

 7 U ndzi vitanile loko u ri emaxangwini ivi ndzi ku ponisa;+

Ndzi ku hlamule ndzi ri epapeni leri dzindzaka.*+

10 Mina Yehovha, ndzi Xikwembu xa wena,

Loyi a ku humeseke etikweni ra Egipta.+

11 Kambe vanhu va mina a va ndzi yingisanga;

Israyele a nga swi lavi ku ndzi yingisa.+

12 Kutani ndzi va tshike va landzelela timbilu ta vona to sihalala;

Va endle leswi a va ehleketa leswaku swi lulamile.+

13 Loko vanhu va mina a vo ndzi yingisa,+

Loko Israyele o famba etindleleni ta mina!+

14 A ndzi ta hatla ndzi hlula valala vakwe;

A ndzi ta lwa ni valala vakwe.+

15 Lava vengaka Yehovha va ta rhurhumela emahlweni ka yena,

Va ta xupuriwa hilaha ku nga heriki.

16 Kambe u ta ku* phamela koroni leyinene,+

U ta ku nyika vulombe lebyi humaka eribyeni.”+