Eklesiasta
1 Lawa i marito ya muhlengeleti,+ n’wana wa Davhida hosi ya le Yerusalema.+
3 Xana munhu u vuyeriwa hi yini loko a tirha
4 Loko van’wana va velekiwa, van’wana va fa,
Kambe misava yi tshama hilaha ku nga heriki.+
5 Dyambu ra xa ri tlhela ri pela;
Kutani ri tlhelela laha ri humaka kona leswaku ri ta tlhela ri xa.+
6 Moya wu hungela edzongeni wu tlhela wu hungela en’walungwini;
Wu rhendzelekela matlhelo hinkwawo naswona wu tshamela ku endla tano.
7 Swinkobyana hinkwaswo swi khulukela elwandle, kambe lwandle a ri tali.+
Laha swi khulukaka swi huma kona swi tlhelela kona leswaku swi ta tlhela swi khuluka.+
8 Swilo hinkwaswo swa karharisa;
A ku na loyi a kotaka ku swi hlamusela.
Tihlo a ri eneriseki hi ku vona;
Hambi ku ri ndleve a yi tali hi ku yingisela.
9 Leswi a swi ri kona, hi swona swi nga ta tlhela swi va kona,
Naswona leswi endliweke, swi ta tlhela swi endliwa;
Ku hava nchumu lowuntshwa laha misaveni.+
10 Xana wu kona nchumu lowu munhu a nga vulaka a ku, “Vona lexi, i xintshwa”?
I khale xi ri kona;
Xi ve kona hi nga si velekiwa.
11 A nga kona loyi a tsundzukaka vanhu va khale;
Naswona a nga kona loyi a nga ta tsundzuka lava nga ta velekiwa;
Na vona a va nge he tsundzukiwi hi lava nga ta velekiwa endzhaku.+
12 Mina muhlengeleti, ndzi ve hosi ya Israyele eYerusalema.+ 13 Ndzi tinyike nkarhi wo kambisisa ni ku lavisisa hi vutlhari+ swilo hinkwaswo leswi endliweke laha misaveni,+ ntirho wo tika lowu Xikwembu xi wu nyikeke vanhu leswaku va wu endla.
14 Ndzi yi vonile mitirho hinkwayo leyi endliweke emisaveni,
Kutani waswivo, hinkwayo ka yona a yi nga pfuni nchumu, i ku hlongorisa moya.+
15 A swi koteki ku ololoxa nchumu lowu gombonyokeke,
Ni nchumu lowu nga riki kona a wu nge hlayiwi.
16 Kutani ndzi tibyele ndzi ku: “Vona! Ndzi kume vutlhari lebyikulu ku tlula munhu wihi ni wihi la veke kona ndzi nga si va kona eYerusalema+ naswona mbilu ya mina yi kume vutlhari byo hlamarisa ni vutivi.”+ 17 Ndzi tikarhatile leswaku ndzi twisisa vutlhari, ku hunguka ni vuphukuphuku+ kambe na swona leswi i ku hlongorisa moya.