Tipisalema
Pisalema ya Davhida.
3 Tlakusa tlhari ra wena ni xihloka* xa nyimpi u lwa ni lava ndzi hlongorisaka.+
Ndzi byele u ku: “Hi mina ku ponisiwa ka wena.”+
4 Onge lava hlotanaka ni vutomi bya mina va nga khomisiwa tingana.+
Onge lava bohaka makungu yo ndzi dlaya va nga baleka va ri karhi va nyuma.
6 Onge ndlela ya vona yi nga va ni munyama yi tlhela yi rheta
Loko ntsumi ya Yehovha yi va hlongorisa.
7 Hikuva va ndzi rhiye hi nete ndzi nga va dyohelanga nchumu;
Va ndzi celele khele ndzi nga va dyohelanga nchumu.
8 Onge va nga weriwa hi khombo va nga swi langutelanga;
Onge va nga phasiwa hi nete leyi va ndzi rhiyeke ha yona;
A va wele eka yona va fa.+
9 Kambe ndzi ta tsaka hikwalaho ka Yehovha;
Ndzi ta tsaka hikuva u ndzi ponisile.
10 Marhambu ya mina hinkwawo ma ta ku:
“Yehovha, i mani la fanaka na wena?
U ponisa la nga kotiki ku tilwela eka lava nga ni matimba,+
U ponisa xisiwana ni la nga kotiki ku tilwela eka lava va kanganyisaka.”+
13 Kambe loko va vabya ndzi ambale xiambalo* xo khwaxa;
Ndzi tixanisile ndzi titsona swakudya,
Kambe loko xikhongelo xa mina xi nga hlamuriwi,
14 Ndzi fambafambe ndzi ri karhi ndzi rila onge hiloko ndzi rila munghana kumbe makwerhu;
Ndzi khinsamile hikwalaho ka gome, ku fana ni munhu la rilaka mana wakwe.
15 Kambe loko swi nga ndzi fambeli kahle, va tsakile kutani va hlengeletana;
Va hlengeletanile leswaku va ta ndzi hlasela ndzi nga swi rindzelanga;
Va ndzi phatlulele hi marito, a va miyelanga.
17 Yehovha Xikwembu xanga, u ta swi languta ku fikela rini?+
18 Kutani ndzi ta ku khensa enhlengeletanweni leyikulu;+
Ndzi ta ku dzunisa exikarhi ka vanhu vo tala.
19 U nga pfumeleli lava tiendlaka valala va mina va tsaka loko ndzi wa;
U nga pfumeleli lava ndzi vengaka ku nga ri na xivangelo+ va ndzi hlekula.+
20 Hikuva leswi va swi vulaka a swi tisi ku rhula,
Kambe va boha makungu yo lwa ni lavo rhula etikweni.+
21 Va ndzi ahlamisela milomu va ndzi lumbeta,
Va ku: “Aha! Aha! Hi tivonele hi ya hina.”
22 Yehovha Xikwembu xanga, u swi vonile. U nga miyeli.+
Yehovha Xikwembu xanga, u nga vi ekule na mina.+
23 Pfuka u ta ndzi lwela,
Yehovha Xikwembu xanga, lwela mhaka ya mina.
24 Ndzi avanyise hi ku ya hi ku lulama ka wena,+ Yehovha Xikwembu xanga;
U nga va tshiki va tsaka loko ndzi wa.
25 Va nga pfuki va byelana va ku: “Vonani, hi swi kumile leswi a hi swi lava!”
Va nga pfuki va ku: “Hi n’wi mitile.”+
26 Hinkwavo a va nyumisiwe va tlhela va khomisiwa tingana
Lava tsakaka loko ndzi weriwa hi khombo.
Lava va tivonaka va antswa eka mina a va ambexiwe tingana va nyuma.
27 Kambe lava tsakisiwaka hi ku lulama ka mina a va be mikulungwana;
A va tshamele ku vula va ku:
“Onge vanhu va nga vulavula hi Yehovha loyi a tsakaka loko nandza wakwe a rhurile.”+