Tikronika To Sungula
3 Lava a ku ri vana va Davhida, lava a velekeriweke vona eHebroni:+ mativula a ku ri Aminoni,+ mana wakwe a ku ri Ahinowama+ wa le Yizriyele; wa vumbirhi a ku ri Daniyele, mana wakwe a ku ri Abigayele+ wa le Karimeli; 2 wa vunharhu a ku ri Absalomu,+ n’wana wa Maka n’wana wa Talimayi hosi ya le Gexura; wa vumune a ku ri Adoniya+ n’wana wa Hagiti; 3 wa vuntlhanu a ku ri Xefatiya, mana wakwe a ku ri Abitali; wa vutsevu a ku ri Itereyamu, mana wakwe a ku ri Egla nsati wa Davhida. 4 Vana lava va tsevu u velekeriwe vona eHebroni; naswona u fume a ri kwalaho malembe ya nkombo ni tin’hweti ta tsevu, kasi eYerusalema u fume malembe ya 33.+
5 Vana lava a velekeriweke vona eYerusalema+ hi lava: Ximeya, Xobabu, Nathani+ na Solomoni;+ mana wa lava mune a ku ri Bati-xeba+ n’wana wa Amiyele. 6 Vana van’wana va kaye a ku ri Ibehari, Elixama, Elifalete, 7 Noga, Nefege, Yafiya, 8 Elixama, Eliyada na Elifalete. 9 Hinkwavo lava a ku ri vana va majaha va Davhida ku nga hlayiwi vana va majaha lava velekiweke hi vasati lavatsongo, Tamari+ a ku ri makwavo wa vona wa xisati.
10 N’wana wa Solomoni a ku ri Rehobuwama,+ Rehobuwama a veleka Abiya,+ Abiya a veleka Asa,+ Asa a veleka Yehoxafati,+ 11 Yehoxafati a veleka Yehorama,+ Yehorama a veleka Ahaziya,+ Ahaziya a veleka Yehowaxi,+ 12 Yehowaxi a veleka Amaziya,+ Amaziya a veleka Azariya,+ Azariya a veleka Yohatama,+ 13 Yohatama a veleka Akazi,+ Akazi a veleka Hezekiya,+ Hezekiya a veleka Manase,+ 14 Manase a veleka Amoni,+ Amoni a veleka Yosiya.+ 15 Mativula ya Yosiya a ku ri Yohanani, wa vumbirhi a ku ri Yoyakimi,+ wa vunharhu a ku ri Sedekiyasi,+ wa vumune a ku ri Xalumu. 16 N’wana wa Yoyakimi a ku ri Yekoniya,+ ivi Yekoniya a va tata wa Sedekiyasi. 17 Vana va Yekoniya loyi a a khomiwile a ku ri Salatiyele, 18 Malikirama, Pedaya, Xenezara, Yekamiya, Hoxama na Nedabiya. 19 Vana va Pedaya a ku ri Zerubabele+ na Ximeyi; vana va Zerubabele a ku ri Mexulama, Hananiya (makwavo wa vona wa xisati a ku ri Xelomiti); 20 vana van’wana va ntlhanu a ku ri Haxuba, Ohele, Berakiya, Hasadiya na Yuxabi-hesede. 21 Vana va Hananiya a ku ri Pelatiya na Yexaya; n’wana* wa Yexaya a ku ri Refaya; n’wana* wa Refaya a ku ri Arinani; n’wana* wa Arinani a ku ri Obadiya; n’wana* wa Obadiya a ku ri Xekaniya; 22 n’wana wa Xekaniya a ku ri Xemaya, Xemaya a va tata wa Hatuxi, Igali, Bariya, Neyariya na Xafati, hinkwavo ka vona a va ri tsevu. 23 Vana va Neyariya a ku ri Eliwenayi, Hizikiya na Azirikamu, a va ri vanharhu. 24 Vana va Eliwenayi a ku ri Hodavhiya, Eliyaxibi, Pelaya, Akubu, Yohanani, Delaya na Anane, a va ri nkombo.