Yobo
6 Kutani Yobo a hlamula a ku:
3 Hikuva sweswi ma tika ku tlula sava ra lwandle.
Hi yona mhaka ndzi vulavulaka leswi humeke endleleni.+
4 Hikuva miseve ya Lowa Matimba Hinkwawo yi ndzi tlhavile,
Moya wa mina wu nwa vuxungu bya yona;+
Xikwembu xa ndzi hlasela naswona ndza chava.
5 Xana mbhongolo ya nhova+ yi nga rila loko yi ri ni byanyi,
Kumbe nkuzi yi nga bonga loko yi ri ni furu?
6 Xana swakudya leswi phyamaka swa dyiwa swi nga ri na munyu?
Kumbe, xana juzi ya ximilana xa malo ya nandziha?
7 Ndzi arile ku khumba swilo sweswo.
Swi fana ni thyaka eswakudyeni swa mina.
8 Onge xikombelo xa mina xi nga twiwa
Xikwembu xi ndzi endlela leswi ndzi swi navelaka!
10 Hikuva sweswo a swi ta ndzi chavelela;
A ndzi ta tlula hi ntsako hambileswi ndzi tshamaka ndzi twa ku vava,
Hikuva a ndzi ma fularhelanga marito ya Mukwetsimi.+
11 Xana ndza ha ri ni matimba yo ya emahlweni ndzi rindza?+
Xana ka ha ri na leswinene leswi ndzi rindzeke lerova ndzi nga ya emahlweni ndzi hanya?
12 Xana ndzi ni matimba yo fana ni ya ribye?
Kumbe, xana nyama ya mina yi endliwe hi koporo?
13 Xana ndzi ta rilela mani
Leswi ku nga ha riki na loyi a nga ndzi pfunaka?
15 Vamakwerhu va ndzi xengile+ ku fana ni xinambyana xa xixika,
Ku fana ni mati ya swinambyana swa xixika leswi phyaka.
16 Swi dzwiharile hikwalaho ka ayisi,
Swi khubumete gamboko leyi n’okaka.
17 Kambe hi nguva ya kona swa phya swi hela;
Loko ku hisa, swa oma.
18 Swa hambukisiwa;
Swi khulukela emananga swi nyamalala.
20 Va khomiwe hi tingana hikuva a va tshemba mavunwa;
Va fike kwalaho va khomiwa hi tingana.
22 Xana ndzi te, ‘Ndzi nyikeni swo karhi,’
Kumbe, xana ndzi kombele leswaku mi ndzi nyika nyiko eka rifuwo ra n’wina?
23 Xana ndzi tshame ndzi kombela leswaku mi ndzi ponisa eka nala
Kumbe mi ndzi ponisa* eka vatshikileri?
Kambe, xana ku tshinya ka n’wina ku pfuna yini?+
26 Xana mi kunguhata ku lulamisa marito ya mina,
Marito ya loyi a nga tiviki ta yena+ lama biwaka hi moya?
27 Mi nga hoxa ni vuhlolotwana,* mi hoxela n’wana la nga riki na vatswari,+
Mi tlhela mi xavisa munghana wa n’wina!+
28 Sweswi ndzi languteni,
Hikuva a ndzi nge mi hembeli.
29 Ndzi kombela mi ehleketisisa hi mhaka leyi, mi nga ndzi avanyisi hi ndlela yo biha,
Ehleketisisani, hikuva ndza ha ri munhu wo lulama.
30 Xana ririmi ra mina ri vulavula leswi nga lulamangiki?
Xana nomu wa mina a wu swi twi leswaku ku ni leswi hoxeke?