Tipisalema
Eka mufambisi. Miloti ya Davhida.
40 Ndzi tshemba* Yehovha hi mbilu hinkwayo,
U rhiya ndleve a twa xirilo xa mina xo kombela ku pfuniwa.+
2 U ndzi humese emugodini lowu nga ni mati lama hobomulanaka,
U ndzi humese endzhopeni.
A ndzi yimisa ehenhla ka ribye;
Leswaku ndzi nga wi.
Vo tala va ta languta ivi va hlamala
Va ta tshemba Yehovha.
4 Wa tsaka munhu la tshembaka Yehovha
La nga tshembiki vanhu lava nga xiximiki kumbe lava nga ni mavunwa.
5 Yehovha Xikwembu xanga
U endle swilo swo tala ngopfu,
Mitirho ya wena ya hlamarisa ni miehleketo ya wena mayelana na hina.+
A nga kona la nga ringanisiwaka na wena;+
Loko ndzo lava ku vulavula hi mitirho ya wena,
Yi tele ngopfu lerova a ndzi nge swi koti ku yi rungula!+
A wu kombelanga leswaku ku endliwa magandzelo yo hisiwa ni magandzelo ya xidyoho.+
7 Kutani ndzi te: “Waswivo! Ndzi tile.
Swi tsariwile ebukwini* mayelana na mina.+
8 Ndzi tsakisiwa hi ku endla ku rhandza ka wena Xikwembu xanga,+
Nawu wa wena wu le ndzeni ka mbilu ya mina.+
9 Ndzi chumayela mahungu lamanene ya ku lulama exikarhi ka nhlengeletano leyikulu.+
Vona! A ndzi miyelanga,+
Yehovha Xikwembu xanga, u swi tiva kahle.
10 A ndzi ku tumbetanga ku lulama ka wena embilwini ya mina.
Ndzi vulavule hi ku tshembeka ni ku ponisa ka wena.
A ndzi ri tumbetanga rirhandzu ra wena ni ntiyiso wa wena exikarhi ka nhlengeletano leyikulu.”+
11 Yehovha, u nga ndzi tsoni tintswalo ta wena.
Onge rirhandzu ra wena ni ntiyiso wa wena swi nga ndzi sirhelela mikarhi hinkwayo.+
12 Ndzi rhendzeriwe hi makhombo ya ntsandzavahlayi.+
Swidyoho swa mina swo tala swa ndzi hlangahlanganisa lerova a ndza ha yi voni ni ndlela;+
Swi tele ku tlula ni misisi ya nhloko ya mina,
Naswona ndzi hele matimba.
13 Yehovha ndzi kombela u ta ndzi ponisa.+
Yehovha, hatlisa u ta ndzi pfuna.+
14 Onge hinkwavo lava lavaka ku ndzi dlaya
Va nga khomisiwa tingana va nyuma.
Onge lava tsakaka loko ndzi weriwa hi khombo
Va nga baleka va korhamise tinhloko hi tingana.
15 Onge lava vulaka eka mina va ku: “Khone!”
Va nga khomiwa hi tingana letikulu.
Onge lava va rhandzaka ku ponisa ka wena va nga tshamela ku vula va ku:
“A ku dzunisiwe Yehovha!”+
17 Kambe a ndzi na mupfuni naswona ndzi xisiwana;
Onge Yehovha a nga ndzi yingisa.