Swivuriso

 2 Xana ndzi fanele ndzi ku yini eka wena n’wananga,

Wena n’wana wa mbeleko wa mina,

Wena n’wana wa switshembiso swa mina?+

 3 U nga nyiki vavasati matimba ya wena,+

Kumbe u landzela tindlela leti lovisaka tihosi.+

 4 A hi swa tihosi, wena Lemuwele,

A hi swa tihosi ku nwa vhinyo

Kumbe vafumi ku vula va ku, “Swakunwa swa mina swi kwihi?”+

 5 Leswaku va nga nwi kutani va rivala nawu

Va honisa timfanelo ta swisiwana.

 6 Va nyikeni swakunwa leswi pyopyaka lava lovaka+

Mi va nyika vhinyo lava nga emaxangwini.+

 7 A va nwe kutani va rivala vusiwana bya vona;

Va nga ha ma tsundzuki maxangu ya vona.

 8 Lwela vanhu lava nga kotiki ku tilwela;

Lwela timfanelo ta vanhu lava lovisiwaka.+

 9 Vulavula u tlhela u avanyisa hi ndlela leyi lulameke;

Lwela timfanelo ta loyi a pfumalaka ni xisiwana.+

11 Nuna wakwe u n’wi tshemba hi mbilu yakwe hinkwayo,

Naswona nuna wakwe a nga pfumali nchumu xa nkoka.

12 U hakela nuna wakwe hi swilo leswinene, ku nga ri leswo biha,

Vutomi byakwe hinkwabyo.

13 U kuma voya ni malapi ya ntsembyana;

U tsakela ku tirha hi mavoko yakwe.+

14 U fana ni swikepe swa muxavisi,+

U vuya ni swakudya swakwe hi le kule.

15 U pfuka ka ha ri vusiku,

A swekela vandyangu wakwe swakudya,

A nyika ni malandza yakwe ya xisati swakudya.+

16 U vona nsimu kutani a yi xava;

U rima nsimu ya madiriva hi mali leyi a yi bindzuleke.*

17 U tilulamisela ku tirha hi matimba,*+

Naswona u tiyisa mavoko yakwe.

18 Wa swi xiya leswaku bindzu rakwe ra vuyerisa;

Rivoni rakwe a ri timeki nivusiku.

19 Mavoko yakwe ma khoma nhonga yo luka,

Naswona mavoko yakwe ma khoma nhonga yo swula.*+

20 U pfuna loyi a pfumalaka,

Mavoko yakwe ma pfuna xisiwana.+

21 A nga karhateki hi ndyangu wakwe loko ku va ni gamboko,

Hikuva ndyangu wakwe hinkwawo wu ambale swiambalo swo kufumela.

23 Nuna wakwe wa tiviwa etigedeni ta muti,+

Laha a tshamaka exikarhi ka vakulukumba va tiko.

24 U endla swiambalo hi malapi a tlhela a swi xavisa

Naswona u xavisela vaxavisi mabandhi.

25 U ni xivindzi naswona wa xiximiwa,

U langutela vumundzuku a nga chavi nchumu.*

26 Nomu wakwe u wu pfula hi vutlhari;+

Nawu wa musa* wu le ririmini rakwe.

27 U languta leswi endlekaka endyangwini wakwe,

A nga xi dyi xinkwa xa vulolo.+

28 Vana vakwe va pfuka kutani va vula leswaku u tsakile;

Nuna wakwe wa pfuka a n’wi dzunisa.

29 Ku ni vavasati vo tala lava nga ni vuswikoti,

Kambe wena u va tlula hinkwavo.

30 Ku saseka ka kanganyisa ni vumbhuri bya hela,+

Kambe wansati la chavaka Yehovha u ta dzunisiwa.+

31 N’wi nyikeni vuyelo bya leswi a swi endlaka,*+

Naswona mitirho yakwe a yi n’wi dzunise etigedeni ta muti.+