Yobo
3 A ku ri endzhaku ka leswi loko Yobo a sungula ku vulavula a rhukana siku leri a velekiweke ha rona.*+ 2 Yobo a ku:
3 “A ri herisiwe siku leri ndzi nga velekiwa ha rona,+
Ni vusiku lebyi un’wana a nga te: ‘Ku velekiwe n’wana wa mufana!’
4 Siku rero a ri ve munyama.
Xikwembu lexi nga ehenhla xi nga vi na mhaka na rona;
Ri nga voningeriwi.
5 A ri funengetiwe hi munyama lowukulu.
A ri khubumetiwe hi mapapa ya mpfula.
A ri funengetiwe hi munyama wo chavisa.
6 Vusiku bya kona a byi ve ni xinyami lexikulu;+
Byi nga tshuki byi tsaka emasikwini ya lembe,
Byi nga tshuki byi hlayiwa exikarhi ka tin’hweti.
7 Kunene! Vusiku byebyo a byi ve mhika;
Ku nga twali nkulungwana eka byona.
9 Tinyeleti ta mixo wa byona a ti dzwihale;
A byi rindze mixo, kambe wu nga fiki,
Naswona byi nga voni masana ya vurhonga.
11 Hikwalaho ka yini ndzi nga fanga loko ndzi velekiwa?
Hikwalaho ka yini ndzi nga lovanga loko ndzi huma ekhwirini?+
12 Hikwalaho ka yini ku ve ni matsolo lama ndzi amukeleke
Ni mavele ya ku ndzi mamisa?
13 Hikuva sweswi a ndzi ta va ndzi etlele, ndzi nga kavanyetiwi;+
A ndzi ta va ndzi etlele ndzi wisile+
14 Ni tihosi ta misava ni vatsundzuxi va tona,
Lava tiakeleke tindhawu leti sweswi ti nga marhumbi,
15 Kumbe ni tihosana leti a ti ri ni nsuku,
Leti tiyindlu ta tona a ti tele hi silivhere.
16 Kumbe hikwalaho ka yini ndzi nga vanga khwiri leri onhakeke,
Ku fana ni vana lava nga ku vonangiki ku vonakala?
18 Kwalaho vabohiwa hinkwavo va wisile;
A va ha ri twi rito ra loyi a va sindzisaka ku tirha.
21 Hikwalaho ka yini va navela rifu, kambe ri nga ti?+
25 Hikuva leswi a swi chavisa swi ndzi kumile;
Ni leswi a ndzi swi chava swi ndzi werile.
26 A ndzi vanga ni ku rhula kumbe ku wisa,
Kambe maxangu a ma ndzi sukeli.”