Ha Yini Yehova A Paluxe Vito Ra Yena?

Nhlamuselo ya “Testamente Ya Khale” leyi humesiweke ePoland hi 1964 yi hlamule xivutiso lexi hi ndlela leyi tlhontlhaka mianakanyo swinene. Ehansi ka mpfumelelo wa Kereke ya Rhoma Khatoliki, Dr. Stanisław Łach, profesa eYunivhesiti ya Lublin, u xiye a ku:

“Vanhu lava kutsuriweke va ni vutihlamuleri eka vito ra Xikwembu emahlweni ka vanhu.” A ku ri vutihlamuleri bya Vaisrayele ku endla matshalatshala ya “leswaku Vamatiko va katekisa vito ra Jahwe [Yehova] naswona va nga [ri] sandzi.” “Jahwe ri ni nhlamuselo . . . Misava yi ta avanyisiwa hi ku ya hi nhlamulo eka lava vulaka vito rero.” Profesa u vule leswaku “vito Jahwe ri ta va lerikulu exikarhi ka matiko . . . Ri ta hangalaka emisaveni hinkwayo. Wolowo a wu ri ntikelo . . . wa vito rero eka Muxe.”

Ina, hi laha Malakia 1:11 yi profetaka ha kona: “V̌ito ra mina hi le’rikulu e šikari ka matiko, . . . ku v̌ula Yehova wa mav̌andla.” Kutani i vamami lava namuntlha va twarisaka vito rero emisaveni hinkwayo leswaku “un’wana ni un’wana loyi a nga ta huwelela eka [Yehova a] ta ponisiwa” ke? I Timbhoni ta Yehova! Nhlamulo ya vanhu eka ‘vanhu lava va vito ra yena,’ ina, ‘lava va vulaka vito rero,’ i mhaka ya vutomi ni rifu eka vona. Xana hi yihi nhlamulo ya wena eka Yehova ni Timbhoni ta yena?—Mintirho 2:21; 15:14; ringanisa Malakia 3:16-18.